يبتسم الحبر على صفحة غلاك !

البارت الخامس

👀. 

ف ه الوقت كان سلطان حارق فون حارب

دق له فوق العشرين مره

قام حارب ب تعب قال بسير اسبح وعقب بدق له

دخل خذ شور وانصدم ب روضة الي يايه تربع صوبه

حارب بخوف : شفيج شفييججج

روضة : ححاارربب ودووومم غرققتتت تععالللل

حارب تم ثواني لين استوعب ومن استوعب ربع بسرعه صوب المسبح وهو قلبه شوي ويوقف من الخوف

ما جاف غير جسم وحده ف المسبح وتحاول تقاوم الماي والبنات حولها يزاعقن

نط ف الماي بسرعه وبدون وعي وطلعها وشلها صوب فلتهم

شغل الدفايه ويلس يسويلها الاسعافات الاوليه ويحاول يطلع الماي الي شربته والبنات حوله الي تصيح والي خايفه والي تدعي

من سمع كحتها ارتاح وتنهد بقو

قام ابتعد عنها ورد ل فلتهم بسرعه

ربعت روضة ل وديمة

روضة : حبيبتي ودوم تسمعيني؟

ودوم حركت راسها بالايجاب

روضة : قومي فديتج تعالي معاي

مسكت ايدها و ودهتها صوب الحمام شغلت الماي الدافي وخلتها واقفه تحت الماي تستوعب الي صار وتتدفى ويلست روضة تترياها ف الغرفة

مرت نص ساعه وطلعت ودوم وهي متفشله وخايفه

روضة : ليش ويهج احمر ؟ فيج شي ؟

وديمة وهي منزله راسها : احس متفشله من حارب ... كيف جافني ب هذاك الوضع

نقعت روضة من الضحك : انتي احمدي ربج انج ما متي

وديمة : احس اموت ولا اني ارد اجابل حارب

يوم قالت ه الجمله تذكرت روضة ان عقب الي صار حارب اختفى ولا ردت جافته

ربعت بسرعه صوب غرفته وانصدمت يوم جافته

كانت عيونهه حمرا مثل الجمررر

ومبين يعني انه كان يصيح

انصدمت روضة يوم جافته

روضة : حارب .. حارب حبيبي شفيك

حارب وهو يحاول يخلي صوته طبيعي : ما فيني شي روضه

روضة : كيف ما فيني شي حروب جوف عيونك .. بلاك ي روح اختك .. كنت تصيح حارب ؟

حارب خنقته العبره ما رام يتحمل : روضهه .. (قال وهو يدمع) كنا بنخسرها ف ثواني .. ودوم لو ما انقذناها كانت عادي ما تكون بيننا الحين

روضة : فديت روحك حارب ماحيدك جيه انت الحين المفروض تحمد ربك ان عطاها عمر يديد مب تتم تفكر جيه