يبتسم الحبر على صفحة غلاك !

البارت ١٣

محمد كان صدق فيه رقاد ف يعني بدا يهلوس : مم عادي اقولج شي ؟

روضة : امرني

محمد بنبرة تجتل : احبج !

لحظة صمت طويلهه مرت ... كل الطرفين سكتوا فيها ... محمد رقد ... و روضة تستوعب الي صار قبل شوي ... كملت نص ساعه ساعه ساعتين وهي بعدها م استوعبت

عقب مرور ثلاث ساعات قام محمد عطشان

شرب ماي وجاف الفون يتأكد لو روضة سكرت ولا

واستغرب انها ما سكرت ... روضة كانت راقده وحاطه الفون عدالها

انسدح وكمل رقاده للصبح)

الصبح قامت روضة يت بتجوف الساعه وجافت الفون مفضي

حطته ع الجرج وقامت تسبحت وهيك

عقبها لبست لها جلابيه خفيفه ... شلت فونها ... نزلت يلست ف الحديقه وهي تشرب كوفي

رن فونها

(محمد وهو مستحي : صباح الخير

روضة طبعا مستحيه اكثر عنه بمليون مره : صباح النور

محمد : مم انتي ف البيت صح ؟

روضة : هيه

محمد : تبين تتريقين اييبلج شي ؟

روضة : لا ثنكيو تسلم ... يالسه اشرب كوفي

محمد : انزين أنا يوعان ما كلت ... اهون عليج ؟

روضة : لاء ... شو تبا تاكل امر أنا بسوي لك

محمد وهو يتطالع ساعته : عندي شغله عقب ساعه ... يمديج تسوين لي اي شي ع السريع ؟

روضة : هيه بس امر قولي شو تبا

محمد : الي تبينه مره ... ما اتشرط ع الاكل أنا لا تحاتين

روضة : من عيوني

محمد : فديت عيونج الحلوه

لحظة صمت ...

محمد : لا تبندين خليني ع الخط

روضة : ان شاء الله

قامت صارت المطبخ و ع طول بدت تسوي ... صوب حاطه البلاليط وصوب تسوي كرك

كملت ساعه إلا ربع وخلصت

روضة : يله تعال

محمد : شو سويتيلي ؟

روضة : ما يخصك تعال وبتعرف

محمد وهو يضحك : سمي

وصل بيتهم دق هرن طلعت له روضة عطته البلاليط والكرك

محمد : احلى صباح

روضة ابتسمت

محمد مد ايده للسيت الي عداله وخذ الباقه

محمد مدها لها : هاي لج

وعقب رد شل كيس ديور وعطاها

محمد : وهاي بعد لج ... الحمدلله ع السلامه