يبتسم الحبر على صفحة غلاك !

البارت ٤٦

ذياب يلس يدعي لين سمع صوت الباب وركض للدكتوره
ذياب وعينه صدق مدمعه ويبين عليه انه نتفه ويصيح : بشريي بشررييي دكتورههه
الدكتوره بابتسامه : مبروك ياكم ولد !!
ذياب ما رام يتحمل نزلت دمعته ومسحها بسرعه : الحمدلله الحمدلله .. روضهه شحالهاا ؟؟
الدكتوره : الحمدلله امورها اوكيهه .. بس يبالنا ساعه لين ننقلها للغرفه
وراحت عنه
سجد ذياب وعقب قام حضن مبارك بقوووو
مبارك وهو يربت ع ظهره : مبرووك مببرووووك الطارش ياخووييي
ذياب بوناسه : الله يباااارك فييييك
سلم ع امه وجيه وكلهم باركوا له واستانسوا لهم
ومن خلص ع طول سار المصلى وصلى ركعتين حمد وشكر وراح صوبهم وترخصوا بحجة ان وجودهم ماله معنى وان بيزورونها الصبح
الصبح يوم سمحوا للزياره
دخل ذياب ومبينه الوناسه حتى من عيونه
بطل الباب بابتسامه وهو ماسك باقة ورد وراح صوبها
جافها منسدحه بتعب وتتطالع يمينها
سار صوبها وباسها ع راسها : الحمدلله ع السلامهه الغلا !!
روضة لقت تتطالعه وابتسمت : الله يسلم غاليك !!
يلس ع الشبريه عدالها : علومج فديت خشمج
روضة : طيبهه ومن صوبك ؟
ذياب : تسرجج علومييي
ابتسموا هم الاثنين وحل الصمت
ذياب وهو يقطعه : شو تبينا نسمي البطل ؟
روضة : مم هزاع او زايد !!
ذياب وهو يضحك لان يعرف ان روضة مصّره ما تبا تسمي اسامي موجوده ف العايله
ذياب : مممممم احس زايد ولا سيف !!
روضة : سيف حلو بعد
ذياب : بس خلنا نسمي زايد والمره اليايه سيف وعقبها بنسمي بناتنا ميره .. شيخه .. اليازيه .. سل..
قاطعته روضة : بس اوب اوب وين بتوصل كم تبا ؟
ذياب : قد الدنياا ابباا
روضة : انا الي احمل ترانيي
ذياب ضحك : اطفر بج بلاج ههههههههههه
روضة : ليش ما يابووه للحين؟
ذياب : تونيي ياي من عندهم قالوا بييبونه الحين .. مريت جفته محلااااه ينأكللل
روضة ابتسمت
دقت الممرضه الباب وهي شاله زيودناا الصغيررر
عطته ل روضة
روضة دمعت : عمريييي فدييته !!
ذياب يتطالعها ومبتسم
روضة عقب ما شبعت من البيبي لفت جافت ذياب ملان : شله
ذياب زاغ : شوو ؟؟ لا لا مابا اخاف
روضة : شو يخوف تراه ياهل
ذياب : رواض اخاف اعقه لا لا مابا
روضة : تعال انت وما عليك !!
قرب منها وهو متوتر
مدت له الياهل وشله وهو يرتجف .. ما كمل عشر ثواني الا وعطاها اياه : بس روضة اخاف اعقههه
روضة ضحكت وشلته عنه وحطته ف السرير لانه رقد
يلس معاها ذياب وهيك وعقب طلع يخلص امور الولد عسب الاسم وجيه
ودخلن الحريم وكل مره حد ايي ويسلم
كانت روضة مسويه ثيييم كيووتت
بديكور ديورر .. وكان كل شي ابيض وكحلي وطالع فخم
مرن الايام والشهور واللياليي وكان محمد بين فتره وفتره يسير صوب ذياب و روضة ويتطمن عايهم و زايد الحلو
عقب مرور سنه ونص
ذياب و روضة يالسين ف الحديقه مع الباقين
روضة وهي تضحك : ياخيي قسم بالله انه ماخذ اطباااعك !!
ذياب وهو يضحك ويشله : يالخايسسس محلاااك
رن فون ذياب والمتصل محمد
(ذياب : حيييه بو جااااسم
صوت غريب : السلام عليكم اخوي
ذياب باستغراب وهو شال زايد : وعليكم السلام والرحمه .. منو معاي ؟
الريال : اخوي راعي التلفون مسوي حادث و ف المستشفى وحصلنا رقمك ضمن الارقام المحفوظه ف الطواري .. تعال لوسمحت
ذياب عطى زايد ل روضة : شووو ؟؟ ممححمممدددد ؟؟؟ ااييي مسستتشففففىى ؟؟؟
التفتت كل العيون عليه والكل توتر
الريال عطاه التفاصيل وبند )
بو مبارك : شوو مستوييي يااا ذذيياااببب ؟؟؟
ذياب قام بسرعه وقال وهو يمشي صوب السياره : مسوي حادث و ف المستشفى الحينه
ركب ذياب سيارته وركبوا معاه مبارك و بو مبارك
وهم لين طالعين ام مبارك تزعق عليهم : طمنونناا طممنووونناااا !!
روضة من الصدمهه دمعتت .. يعني ما توقعت محمد يصيببه شي .. واحرر فتره صدق متقرب منهم ف يعنيي صدق تضايقتتت
وصلوا المستشفى والجو كان وايد متوتر .. لان الدكتور ياهم وقالهم ان عنده جروح بليغه وان نسبة العيش اقل عن عشره بالميه واذا عاش ف بيعيش بشلل
يلسوا يتريون بتوتر ويدعون له والجو متكهرب وكل واحد دموعه ع خده من صوب والشباب يحاولون يقوون عمارهم وبين بعض
ذياب : عموه فديتج صلي ع النبي .. لا تصيحين .. انتي قويه ومصليه ومسميه .. تعوذي من الشيطان و ترا هاي كتبة الله .. ف انتي ادعي له وحطي الرحمان ف صدرج لا تصيحين
ويلسوا ع ه الحاله كل مره واحد يسير لها ويهديها
لين مر الوقت وكملوا عشر ساعات
طلع الدكتور وعلامات الصدمه والضيقه مبينه ع ويهه
الدكتور تنهد : اسمحولي والله .. نحن حاولنا قد ما نقدر بس هاي كتبك الله .. البقاء والدوام لله !!
وراح
كلهم تصنموا .. كلهم انصدموا .. كان شعور وايد غريب .. شعور وايد يعور .. شعور وايد يضايق .. محمد الي يضحك ويسولف ويروح ويرد معافهم .. معقوله راح و ودرهم للأبد ؟؟ معقوله ما بيكون بينهم لقاء ف الدنيا ؟؟ معقوله ان خلاص انتهى ؟؟ ما انسمع لهم ولا صوت لين ما مرت خمس دقايق سمعوا فيها ام محمد تصارخ
ام محمد وهي تصارخ : ااااهههخخخخخ وللددييييي لااااااا (وطاحت وهي تصيح) لااا للاااا وووللدديييي مممحححمممددددد
وانهارت من الصياح وانهاروا معاها .. الشعور وايد صعب .. وايد يضايق .. كيف يروح الريال الي عاش معاهم اكثر عن عشرين سنه كييف .. الموضوع كان صادم بالنسبه لهم كلهم بدون استثناء
يوم وصل الخبر ل روضة انصدمت وطاحن دموعها : لاا حوول ولا قوة الا بالله !!!
وعمتها كانت منهاره صدق من الصياح يعني صدث صدمها الموضوع لانن يعني من اقل عن يوم كان محمد يالس عدالها
ف المستشفى
دخلت ام محمد عنده قبل لا يشلونه مسكت ايده وهي منهاره : لااا ترووح يا محممد دخييييلككك لاا ترروووححح .. كيففف تبانييي اعيييشششش من عقبببببك .. كيييففف تبانييي اتنفسسسس كيييففففففف
مرت الايام والسنين وتقبلوا خلاص وفاة محمد .. كانوا كل ما ذكروه ابتسموا بألم ودعوا له بالرحمه

بنااتت باجرر يومم وايد مهمم بالنسببهه ليي
دعواتكممم لييي بلييزززز 💙💙.

+ سوريييي اذا ضايقت بكممم 🥹.