يبتسم الحبر على صفحة غلاك !

البارت ٣٥

دخلت غرفتها

روضة ضحكت : متعوده اول ما ادخل الغرفه اعق الشيله ... ييت بعق شيلتي من الحماس ههههههههههه

ذياب : تريي شوي وعقيها يوم بملج عليج

انحرجت بنتنا طبعاً وقالت ف خاطرها ليتني بالعه لساني

روضة : اقولك ع اساس بتسوي رڤيو ... يله يله سو

ذياب انفجر ضحك : يله

يلس ياكل وهو متلذذ : خطيييرررهههه بببننتتت العمممم والله

روضة ابتسمت : صدق حلو ؟

ذياب : هيه والله طررررر تسلم ايدج

روضة : ربي يسلمك

كل وجيه وعقب ضحك وقال : اكرمج الله

روضة ضحكت : هني وعافيه

يلسوا يسولفون لين عدا الوقت ع سوالفهم والاثنين رقدوا)

قام ذياب الصبح بانزعاج وبالقو يفتح فعينه وهو يسمع صدعة حارب ع راسه

ذياب : حارب اسكت دخيلك ابا انام

حارب : اويييي قووومممم

روضة كانت ع الخط مع ذياب ف قامت من ازعاج حارب

ذياب بصوت كله رقاد : شو تبا حروب فكني

حارب : اسمعني قوم ياخي

ذياب وهو منسدح وبتعب : اوكيه بقوم بقوم لا تحاتي بس عقب مب الحين

حارب : اسمعني

ذياب بطل عينه بتعب : ها أسمعك

(الليت كان مبند)

حارب : قدم ملجتك انت وروضة

ذياب استغرب للحظه حس انه يالس يحلم : ها

حارب : خذها ه الفتره لا تتأخر ف الملجه

ذياب : لو تباني اخذها من باجر ما عندي مشكله

حارب : مب جيه يالخايس عاد

ذياب : تراك تقول خذها من وقت ... اباها باجر

حارب : ما عندي مشكله بس تروم تقنع ابوك ؟

ذياب وهو يتثاوب : لا بس عادي ماشي مشكله روح انت رمسه

قام مسك حارب من كندورته وطلعه من الغرفه وقفل الباب

حارب : مب صاحييي انتتتت

ذياب : مب صاحي اونه ... يابوي ياي من الصبح وتقولي استعيل وخذ اختي شو تباني اقولك ... تعرف اني اباها ختك ومره من اليوم بعد ... بس لا بويه ولا بوك بيوافقون

حارب ضحك وراح عنه

ذياب انسدح ومسك فونه وسمع صوت يتحرك عند روضة

(ذياب : واعيه ؟

روضة بتعب : ها حروب الخايس وعاني بصريخه

ذياب ضحك : مب صاحي اخوج