يبتسم الحبر على صفحة غلاك !

البارت ٤٧

يوم وصل الخبر ل روضة انصدمت وطاحن دموعها : لاا حوول ولا قوة الا بالله !!!
وعمتها كانت منهاره صدق من الصياح يعني صدث صدمها الموضوع لانن يعني من اقل عن يوم كان محمد يالس عدالها
ف المستشفى
دخلت ام محمد عنده قبل لا يشلونه مسكت ايده وهي منهاره : لااا ترووح يا محممد دخييييلككك لاا ترروووححح .. كيففف تبانييي اعيييشششش من عقبببببك .. كيييففف تبانييي اتنفسسسس كيييففففففف
ذياب : رواااض قومييي قوميي بسسجج نووممم
روضة قامت بخووف : بسم الله .. بلااك شو مستويي حد ياه شي ؟؟
ذياب : لا لا بسم الله شو ياج خفتيي
روضة يوم ادركت انه حلم نفثت ع كتفها اليسار وتعوذت من ابليس : استغفر الله العظيمم .. حلمت حلم مب اوكيه عن محمد
ذياب : هاي المره الكم الي تحلمين فيه
روضة : مادري !! ياخي الحلم يزيغ
ذياب : ما عليه شر ان شاء الله!! الحين بتصل به
دق ذياب ع محمد وحطه سبيكر
(ذياب : حيهه الذيب
محمد : حيتين !!
ذياب : وييينك ؟
محمد : ساير صوب الصناعيه !!
ذياب : ليش شسالفهه ؟
محمد الي يعرف لامور السيايير والمواتر : موتريه شي بلاه اليوم ؟
ذياب وهو يستهبل : فديته يمكن متضايق
نقعوا هم الاثنين من الضحك
محمد : يلهه انا وصلت من اخلص بدق لك
ذياب : تمم .. ف حفظ الله
بند عنه )
ذياب : جفتيي ما فيه شي لا تحاتين انتي !!
ابتسمت روضة وقامت تسبحت
عقب ساعه
ذياب حضن روضة : وين سايره ؟؟
روضة : بيتناا .. بييب زيود
ذياب ابتعد عنها وبترجي : خليه عند هلج اليوم دخيلج .. خلينا نطلع من زمان ما غيرنا جوو
روضة ابتسمت : تامرر .. احتايي اطلعع صدقق احسني مضغوطهه
ذياب : افاا وانا ولد ابويي .. منو مزعلنج ؟؟
روضة : محد
ذياب : بنتفاهم عقب .. خلصي امورج بترياج تحت !!
روضة : ان شاء الله
نزل ولبست وكشخت وهيك ولحقته
اول ما طلعوا محمد دق ع ذياب
(محمد : الذيييب !!
ذياب : عيونه
محمد ضحك : مب روضة انا
ذياب : ..... انزين
محمد نقع ضحك
و روضة لفت تتطالعه بصدمه من جرأته وعقب نقعت ضحك
ذياب وهو يضحك : ههههه بالغلطط !! قوليي ها شو تبااا ؟!
محمد : مشغول ؟؟
ذياب : لا امرني الغاليي
محمد : موتريه بيتم ف الصناعيه وابغي حد يردني
ذياب : ياينك !!
محمد : اذا مشغول لا تكلف ع عمرك
ذياب : لا والله يا محمد حتى لو فوق راسي الف شغله افضى لك طال عمرك
محمد ابتسم : ما تقصرر العضييد
بند)
ذياب وهو يرمس روضة ومتلوم : بنمر نييب محمد من الصناعيه فديتج
روضة ابتسمت له : تمام ماشي مشكله !!
ساروا صوب محمد شلوه ويعني روضة ركبت ورا وحركوا
ذياب : علوومك شكلك متضايق ؟!
محمد بابتسامه مجروحه : والله طيب بس الموتر هب اوكيه
ذياب : ليش شو ياه ؟
محمد : حد متعبث به ياخوي .. الريال يوم جيّك يقولي ان الوايرات ملعوب بهن
ذياب انصدم و روضة طلعت عيونها : ههاااااا ؟؟؟
محمد : هذا اليي قالي اياه .. والمشكله يعني اني مجيك الموتر من اسبوع ما فيه شي ف الوضع غريب جد
ذياب : جيك كيمرات بيتكمم !!
محمد : بجيكهم
ذياب وهو يتطالع كندورته ويتأكد اذا نظيفه ولا لا
ذياب : بنسير السينما ترا ما بردك بيتكم
محمد : لا لا سيروا روحكم برايه ما بثقل عليكم
ذياب : يا ريالل ما بيننا شسالفه
محمد ابتسم وسكت
وصلوا المول ونزلوا
محمد يمشي مع ذياب جدام و روضة وراهم
حجز ذياب تذاكر وعقب جاف ان فونه مب معاه
ف قالهم يدخلون وهو شوي وبييهم
محمد : روضة مشكورة والله
روضة : على ؟
محمد : يوم دقيتي لي الاسبوع الي طاف وقلتيلي عن الحلم تميت مستهم وافكر يعني شو المغزى من الحلم وجيه .. ف قلت خلني اسير اجيك الموتر .. وسبحان الله كل ما ابا اسير اتعطل او يطلعلي شي او يستوي اي ظرف .. لين ما سرت اليوم يوم حسيت ان صدق الموتر مب طبيعي .. وقاليي هناك الريال عقب ما جيك .. ان حد لاعب ب الوايرات ومحركنهن ومتعمد او متقصد او يعني بالاحرى يبا يجتلني
روضة انصدمت وتمت ساكته
محمد : لا تحاتيين يالسين يصلحون الموتر !!
روضة : ما احاتي ها .. اليي استغربت منه ان منو يبا يسويي فيك جييه ولييش ؟؟؟
محمد : مادري بس لا تشليين هم عادي عادي !!
روضة تنهدت
محمد : ما علييج نتيي .. تعالي صح وين زيودوه الفصص ؟؟
روضة ابتسمت : عند سلطان ف بيت ابويه
محمد : ها هياات من صغرهه
روضة وهي تضحك : شو تقول انت ؟ ما يقر ما يقر صدق !! من كوفيي ل كوفيي كل مره مع حد هههههههههههه حتى مبارك ما يخليه ايلس ف البيت كله يطلعه
محمد ضحك : طالع ع امه حواطه !!
روضة ضحكت
عقب اربع ايامم
روضة يالسه وعدالها ذياب وكل واحد ع فونه
رن فون روضة
(وديمة : الوو
روضة : هلا ودوم
وديمة : مشغوله فديتج ؟
روضة : لا الغناه امري
ذياب : ايييهه محد غناتج غيريي
روضة ضحكت
وديمة : رومنسي اونه ولدنا !! اقولج اباج تشليني توديني الخياط باخذ مخاويري .. لأن حروب مشغول وجيه ما يقدر
روضة : خلاص تمام حبي تجهزي وجيه وانا بتجهز بعد وبمر صوبج
وديمة : تمامم مشكوررههه ي روحيي
روضة ابتمست : ما بيننا
بندت)
روضة صدت تتطالع ذياب : ذياابي بنسير الخياط بنطلع مخاوير العيد
ذياب : تمام فديتج
روضة : باخذ زايد وياي
ذياب ضحك : زين تسوين ما فيني اجابله ه النتفه كله يبا يطلع
روضة ضحكت
سارت تلبست وبدلت زايد ومرت ع ودوم وساروا للخياييط
عقب اسبوع
صباح العيد
ذياب طلع لصلاة العيد هو وزايد
وروضة يلست تتلبس وتحط ميكب وتتكشخ
عقب الصلاة والسلام الي متعودين عليه .. دخل ذياب عند روضة الغرفه وابتسم
ذياب : الله الله ش هالحلا ش هالزين .. معقووولهه حرمتييي بهالحلااااااا ؟؟؟؟
روضة ضحكت بمستحى
سارت صوبه وباسته ع راسه : عييدك مباارك !!
ذياب وهو يبوس خشمها : عيييدي انتتييييييي !!
ذياب مسك ايدها ولفها نفس الاميرات
ذياب : ياخيييي محلااااج مححلااااجججججج
سمعوا دق ياهل ع الباب
زايد يصارخ : بببااااببباااااا ... ممماااممماااااااااااا .... ببتتتللللللل
ذياب : يااخيييي وش ه البلشهه ماعيش ماعيش ما اتأمل يعني !!
روضة ضحكت وراحت تبطل الباب
فجته وشلت زايد وعقب ردت قفلت الباب
روضة وهي تضحك لزايد : ها ماما ها ي روح ماما
ذياب راح ل روضة من وراها وحضنها من ورا : ايييهه بس انا رووحججج بعضج تراااا
روضة ضحكت : بالغلط انزيين !!!
ذياب : جوفي زيود الهيس كيف يتأمل عيونج
كان زايد يالس يتأمل روضة ع قولة ذياب وما كمل وشي الا اقرب وباسها ع خدها : ماماااا
روضة ضحكت وفعصته : فدييييييتتتتت قللبببككككك
ذياب بضحكه مسكه من كندورته ورفعه : اييبههه يالطفسسس يالهيسسسسس حرمتييييي ههاايييييييي !!!!
ذياب حطه ع الكرسي وسار صوب روضة حضنها وباسها
زايد عصب وراح له تم يضربه وذياب ما ابتعد عن روضة عسب يغايضه وهم الاثنين يضحكون
زايد ابتعد عن ذياب وهو معصب
روضة وهي تضحك : بس ذياب بسس جووفه كيف معصب ههههههههههههه !!
ذياب وهو يغايض زايد : براييهه شو تبينه يشلج عنيي .. ننننن نننننن روضههه مالتتيييييي مامااا مالتتييييي
زايد تم يتطالع ذياب وهو عاقد حياته ومعصب وانفجر ضحك عليه ذياب
روضة بابتسامه : يله نزلنا تتريانا خالوه
ذياب : انتي متى بتقولين عموووه ؟؟
روضة ضحكت : قصديي عمووه بالغلط قلت خالووه
ذياب : كلل شييي بالغلط عندج هههههههههههههه
روضة ضحكت وسارت لبست شيلتها وشلت زايد ونزلوا
سلمت ع الموجودين ويلست ويلس ذياب عدالها
يا صوبه ياهل من اهلهم ف طلع عيديه وعطاه وهو مبتسم
روضة بصوت واطي وبابتسامه : وانا وين عيديتي ؟؟
ذياب ابتسم وتقرب صوب اذنها وقال بهمس : عيديتج غيرر عن الكلل موجودهه ف الغرفهه بس اتريا وقتها المناسب
روضة ابتسمت : فديييت قلبببك اسولف والله مابغي شي منك وجودك يكفيي !!
ذياب : اكيييد ؟؟ لا تغيرين رايج عقببب
روضة : ما بغيررر
ذياب باسها ع خدها
روضة : اييييه بيجوفونا
ذياب ضحك : تراااج حرمتييي عاديييي
روضة بمستحى : حتتتتتى لوووووووو
ذياب وهو يضحك : احببب مستحاااج ياخيييي
روضة ابتسمت
عقب هدوء
روضة : عيونيي تبانيي احط لك شي تاكلهه ؟
ذياب : ههممممم عادي اكل خشمج ؟
روضة وهي تمسك خشمها : لاا !!
ذياب وهو يضحك : خلاص عيل مابا اكل
روضة ضحكت : صدق صدق شو تبا تاكلل
ذياب : مب يوعانن .. بس خاطريهه ف كوفيي قوميي طلعنا ناخذ كوفي
روضة عيبتها الفكره وابتسمت : يلههه فوقق
ذياب نقع ضحك ع حماسها : يله
قاموا وطلعوا خذوا كوفيي وعقب يلسوا يحوطون شوي وسلموا ع اهلهم وجيه ومروا بيت يد روضة سلموا وعقب بيت هلها سلموا وعقب ساعتين ردوا البيت
وهن يالسين
عق ذياب غترته بتعب وحط راسه ع ريل روضة
ذياب : هلكاااننن !!!!
روضة : رووح ارقد انزيين
ذياب : ما برقد روحيي
روضة : كيفف ايي فضيحه ف خالوه
ذياب : لا لا مب فضيحه .. ترا اميه الحين بتطلع بتسير صوب هلها لين وقت الغدا ف عادي تعاليي
روضة : تحس عادي يعني ؟
ذياب : هييه
روضة : يله سير بييب زايد وبيي
ذياب : لا تييبينه ها حشره ما بيخليني ارقد
روضة ضحكت : لا تعبان والله بيرقد ما عليك
ذياب : اذا سوا صدعه بعضج انتي وياه
روضة ضحكت
قام ذياب و روضة شلت غترته وشلت زايد ولحقته
حطت زايد ع فراشه و ع طول رقد
سارت صوب ذياب
ذياب : تعاليي فديتج
روضة ابتسمت وتقربت منه
ذياب : احب عيدي بقربج !!

سوريييي ع التأخيررررر 💙💙💙.