يبتسم الحبر على صفحة غلاك !

البارت ٤٩

مبارك سار لذياب : ابويه بيسوي عزيمه اونه !!
ذياب : ليش ؟
مبارك : مشتاق حق ربيعه اونه ف بيعزمه وبيعزم اهله كلهم
ذياب رفع حايبه باستغراب
مبارك : اسميها حاله ابا اطلع انا باجر
ذياب : باااجررررر ؟؟؟؟
مبارك : هيييه
ذياب لف يتطالع روضة بأسف لانه كان واعدنها يطلعون رباعه ويمشون زايد
روضة ابتسمت له يعني ان عادي
مبارك وهو مفوّل : مب حاله هاي يعني حتى ما شاورنا
وراح عنهم
ذياب نقع ضحك ع مبارك الي معصب
مبارك : اسسسسمعك ذيييااااابببب
ذياب وهو بعده يضحك : اسف اسفف هههههههههخخخ !!
يا صوبه بو مبارك
بو مبارك : ذياب ظنني يا خوك وقالك ان باجر شي عزيمه .. اتمنى حضوركم انت وام زايد !!
روضة ابتسمت له
ذياب : تامر ابويه !!
وراح
ذياب وهو يضحك : يعني صدق ماعرف هو يشاورني ولا يعزمني ولا يقولي تعال غصباً عنك !!
روضة نقعت ضحك
اليوم الي عقبه
ع العصر بدت التجهيزات .. هذا رايح وهذا ياي وهذاك يسوي والكل مشتط
و ع المغرب كل واحد دخل غرفته يتلبس
ذياب كان منسدح بتعب
روضة وهي تحط ميكب : قووم تلبسس ذياب بيووون
ذياب بتعب : روضانهه والله تعبان تريي علي شوي .. من ايون بتلبس
روضة وهي تتطالعه باستغراب وفيها ضحكه : شو روضانه
ذياب وهو يضحك بعيازه ويعابل فونه : ياخي مادري طرا ع بالي الاسم فجأه
ضحكت روضة
عند مبارك
حاول يؤمن بمقولة "ما دمت مجبراً فاستمتع"
يلس يتكشخ ويتعطر وهو مرووووق ومن خلص حرك سار الكوفي خذ له شي يبرد ع قلبه ورد البيت .. طبعاً ما كان لابس كندورته كان لابس بدله
ف يوم رد اضطر يبدل لان كان باقي شوي ويوصلون الضيوف
يوم لبس وزاره وفانيلته جاف ان كندورته مب ف الغرفه
ف نزل يدور الشغاله وطلع برا وهو يزقرها لان قالوله انها ترتب اليلسه برا
مبارك وهو يصارخ : ديززييييي !!!
ديزي : يسس سيييررررر
طبعاً مبارك تصنم يوم جاف الريال داخل و وراه اهله .. يعني الباب كان مفتوح ف جافوه وما رام يقفي بهم ويسير
مبارك بهمس : الله يغربلج يا ديزي .. (كمل بصوت اعلى) برنق ماي كندورهه !!
اتجه صوب رببع ابوه باحراج لانه يعني بدون كندوره بوزاره وفانيلته والريال معاه حرمته وبناته وجيه .. يعني لو بس شباب عادي
سلم عليه وسلم ع الشباب وقرب بهم
بو سالم وهو يضحك : مبارك انت دومك جيه هههههه .. دوم من صغرك يوم ايي بيتكم تكون بوزارك !!
مبارك ابتسم : عمي ترانيي كنت طالع اييب كندورتيهه لا تظلمنيي هههههههههههههههه
سكت فجأه وتصنم يوم جاف البنت اليي وياهم والي كانت منزله راسها باحراج
مبارك ف خاطره : "علها الريلل هاي الملسونه الي مناشبتتي ع فونيي غربلاتها طلعت بنتهممم"
مبارك برسميه : حياك حياك عميي اقرب
يت ديزي عطته كندورته ف لبسها ودخلهم وجيه والرياييل طبعاً فصوب والحريم ف صوب
انشغلوا ف ه اليوم وكل واحد يقرب ويغنم من صوب
بو مبارك : مباارك يابوي سير المطبخ جوف العشا وينه طول
مبارك : تم
طلع مبارك وسار المطبخ وهو هلكان صدق
دخل المطبخ ع اساس الشغالات وامه هناك وانصدم يوم جاف وديمة و روضة والبنت هاييج
مبارك وقف ع الباب وهو صاد الصوب الثاني : هود هوود
عدلن شيلهن البناات
وديمة : ادخل
مبارك ما غير وضعيته : امايه وين ؟ ابويه يقول ييبوا العشاء يله تأخر الوقت
وديمة : اوكيه الحين بجوف امي
مبارك رفع راسه يتطالع الي ياي
ذياب : روضهه هنيي ؟
مبارك : هيهه بس ...
طبعاً ذياب ما ترياه يكمل كلامه ع طول دخل وتصنم يوم جاف البنت
ذياب بهمس : وابوي
مبارك بضحكه : ما عطيتني مجال اقولك !!
طلعوا هم الاثنين
ذياب : شو يعني جيه ما فهمت
مبارك : شو يعني بعد .. بنت راشد بن سالم الي ذلتنا فيه
ذياب فطس من الضحك : ياخيي الشي يضحك ولا يتهيأ ليي
مبارك ما قدر يمسك ضحكته : لا والله يضحك !!
تعشوا المعازيم وسولفوا وراحوا
ويلسوا ابطالنا برا ف اليلسه
روضة وهي ترمس ذياب : شو سالفة عليا ؟
ذياب باستغراب واضح وهو حاط ذياب ف حضنه ويلعبه : عليا ؟ منو عليا ؟
روضة : ذياب لا تستهبل .. البنت الي جفتوها اليوم وانصدمتوا
ذياب : اووووهه اسمها علياااا
روضة : هيه اسمها عليا قولي شسالفتها
ذياب : طال عمرج تناقعت مع بروك يوم سرنا دبي من جيه انصدمنا يوم جفناها
روضة : عليااا ؟؟؟؟؟ غريبه مع انها هاديه
ذياب : اي هاديه اول مره اجوف حرمه تضارب جيه
روضة ضحكت : اكيد البلا من مبارك
مبارك وهو خاطف سمعها : يااااا .. ليش تغتابينييي ؟؟؟
روضة : ها اخوووك مب انا
ذياب لف يتطالع مبارك
ذياب : برووووك طلع اسمها عليا
مبارك فهى شوي وعقب استوعب : عنلاتها حتى اسمها خايس
روضة ضحكت : خيبه !! مبارك اول مره اجوفك تكره حد جيه !!
مبارك اخر فتره صدق تقرب من روضة واعتبرها اخته مب حرمة اخوه .. يدخل يطلع يسولف معاها يتخبر عن حالها .. حتى مرات اذا ذياب مشغول او مداوم و روضة تكون محتايه شي هو الي اييب لها
مبارك جابلها : تخيلييي الغجريهههه (ويلس يقولها سالفة الفون والشيشه من الالف للياء)
روضة نقعت ضحك : وللللل ها كله يطلع من ه الفصعونه
مبارك : اي فصعونه الا درام ونتي صاادقه
انفجروا ضحك
زايد تم يتطالعهم وهو معصب : ممااماااااااا
روضة ضحكت وهي تمد ايدها لذياب عسب تشل زايد
مبارك بضحكة : عصب عصب ذياابوه الفص (يعني ان نفس حركات ذياب وجيه)
روضة وهي تتطالع زايده : انتت ذيياببب ي النتفههه
ذياب : ويينن انا و ويين هووو
مبارك : جب جب عاد والله شخصيته طبق اصل منك .. جنه انت بس بنسخه اصغررر
ذياب ابتسم
بو مبارك قاطعهم
بو مبارك : يا ام مبارك .. شو رايج ف البنيه الصغيره الي جفتيها اليوم ؟
ام مبارك : علايه ؟ ما شاء الله عليها بنيه محترمه وصدق خلوقه .. دخلت قلبي
بو مبارك ابتسم : شرايك فيها البنت مبارك .. حلوه ؟
مبارك بلع ريجه وهو حاس ان نهاية الحديث بتوصله لمكان ما يحبه : اي بنيه ابويه ماريت بنات انا اليوم ؟
بو مبارك : بنت راشد .. ما شاء الله علهيا ذوق وادب واخلاق وجمال .. ما ينقصها الا الريل .. واحسكم تناسبون بعض
مبارك فج عينه ع الاخر : ابوييهه ؟؟ شو تقول ؟!!
بو مبارك : شو الي شو تقول ؟ انا اجوف ان البنت تصلحلك .. يا ولدي انا ابا ازوجكم واموت مرتاخ
مبارك وذياب : الله يطول بعمرك
بو مبارك : هذو اخوك عرس .. له الحين دورك .. وانا اجوف البنت ما يعيبها شي .. ما شاء الله عليها
مبارك : بس ابويه ...
بو مبارك قاطعه : لا بس ولا شي باجر بخطبها اك ولا تردني
مبارك حس ان الطامه الكبرى استوت .. حس ان يته غصه
سمع صوت ذياب يقهقه وراه وعقد حوايبه بعصبيه ف اشر له ذياب انه بيسكت خلاص
رن فون روضة
(روضة : هادفيي
هادف : احللللللى اسسسسمممم اسمعهههه .. عيييونننن هادففججج وكلللههه
روضة ابتسمت : فديتكك ياخيي اشتقققتتت للك
هادف : فداااججج كليييييي والله وانا اشتققتت لجج اكثرررر
روضة : غريييبه دااق
هادف : داق اقولج اني برا .. قوموا نتي وذياب و ه الفصعون ولدكم وتعالوا بنحوط
روضة : احلففف !!!!
هادف بضحكه : والله !!
روضة : يلهه يايين دقايقق بسس
ضحك هادف : زين يلههه
بند عنها)
روضة : ذياابوه هادف يتريانا برا قوم بنسير نحوط
ذياب : وانا اقول ليش تشققت الحواطه الهياته
روضة ضحكت
ذياب وهو يرمس مبارك : قووم بروك بنطلع مع خال روضهه
مبارك : خالهاا هيي انا شكوو
ذياب وهو يسحبه : قووم قووم اقولكك
قاموا كلهم وراحوا صوب السياره
يلس مبارك جدام .. واكيت عايله صغيره ف العالم يلست ورا
هادف : ييااا مرحبباااا وسسسهلااا نورتونااا !!
ذياب : نوووورك النسييييب !!!
روضة : ليييش تزاعققوننننن ما تسمعون بعضض يعنييي
مبارك ضحك : حسيت انا بس قلت يمكن يتهيأليي
ذياب ضحك : شو فيكم مشتاقين يالسين نبرد شوقنا مادري نطفي شوقنا
هادف : سوقنا ولا ميرتنا
ضحكوا كلهم ع سخافته الي ما تطلع الا عندهم
زايد : ااادفففف
هادف : عييونننن ادففففف
زايد : حواوه (حلاوه)
هادف : سامحونييي انا مضطر اخطف ه الفصعون الدكاننن
وداه الدكان وخلاه ياخذ الي ف خاطره
من خلصوا حاطوا شوي وعقب شار عليهم هادف ان يروحون البر رباعه صوب خوال روضة وخالاتها ويسلمون عليهم ف ما اعترضوا وراحوا
روضة من راحت يلست عدال يدها وكانت تسولف معاه وتنتبه ع زايد ف نفس الوقت
وعقبها مل زايد ف سار صوب الشباب الي كانوا يلعبون ورقه
روضة بعفويه : سلووم انتبه له .. ذياب يالس يلعب ورقه
سالم : تامرييين
ابتسمت له روضة وذياب عطاها نظره ف زاغت ان انا شسويت بسم الله
وصلها نوتيفيكيشن منه
ذياب : *لا لا قوميي سيري يلسي سولفيي معاه .. اونه سلوومم .. قوليي سالممممم*
روضة ضحكت : *اويه بالغلط شفيك*
قام اليد ف ين خالات روضة صوبها و هي زاغت
لان تعرف ان بيتمون يعقون عليها كلام .. كان ودها ان ذياب ايي ايلس عندها بس كان يلعب ورقه
خالتها الاولى : هاااه خذتيي فلوسسه راعيي الشركات ؟؟؟
خالتها الثانيه : حبيبتييي ما تجوفينها من فوقق لين تحت ماركااتت
روضة كانت ملتزمه الصمت وتتطالع زايد الي يالس مع سالم
خالتها الاولى لفت تتطالع زايد : لا وبعد ما تجوفينها دبست الريال بولد كل ها عسب تاخذ فلوسسه شو بعد
ذياب لف يتطالع روضة وانصدم يوم جاف خالاتها وجاف تعابير ويهها الي مبينه عليها النرفزه والضيقه
حاول يسمعهم وقام يعني بدون ما ينتبهون خالاتها لان معطينه ظهورهم