يلس يلعب بالسوني لين رقد
روضة يلست تتقلب وهي خايفه ... مب متعوده ترقد ومحمد مب معاها ع الخط
رقدوا هم الاثنين الصبح قامت وعبالها ذياب الي بيشلها وانصدمت ف محمد
عطته كوب نسكافيه وركبت
روضة بدون نفس : السلام عليكم
مسكت فونها وكتبت ل ذياب : *يالطفس ليش مطرش محمد*
ذياب : *عسب يطيح الحطب الي بينكم*
سكرت الفون وتمت تتطالع الخط
محمد : مم أنا آسف ... اسمحيلي روضة بس يوم اعصب ماقدر أتمالك أعصابي ... كنت الردي خايف عليج واحاتيج لانج مختفيه وطلعتي جدامي ف انفجرت بالغلط وعقب انصدمت انج كنتي منهاره و يلست ازقرج وما رديتي علي ... وعقبها بعد صدمتيني يوم قلتيلي انج سرتي مع ذياب ... يعني أنا موجود ف البيت ليش سرتي مع ذياب
روضة ما ردت
محمد : اسف رواضي والله اسف
روضة : طفس تعرف اني ماروم ازعل عليك
محمد : كل هذا وما تروميينن ... امس خليتيني ارقد بدون ما اسمع صوتج ... عذبتيني والله عذبتيني
قبل ثلاث ساعات
قام ذياب تسبح وتلبس ودق ع محمد
(ذياب : انت وين ؟
محمد : ف البيت
ذياب : قوم تلبس وسير شل روضة وصلها الجامعة
محمد : ليش مب انت؟ مب انت الي رادنها البيت امس
ذياب بكل أنواع العصبيه : سير قلتلك ... واسمعني عدلللل قققسسسمممم بالله ياااا مممححححمممددد لووو شممميييتتتت ... بسسس شميييتتت ريحة اذذذذذى انت مسببننههاااا لروضههههه ييااااا وييييلللكككك ... تعرف ان روضههه تعبانه وما تتحمل ه السوالف ... ف رجاءً لا تزيدههااا
محمد زاغ من جدية ذياب : خلاص ان شاء الله
بند عنه وسار يكمل شغله)
وصلوا الجامعه وجافوا ذياب يالس ع اللاب يكمل شغله
روضة بابتسامه : صباح الخيرر
ذياب : صباح النوررر ... كيف المعنويه؟
روضة : عال العال
ذياب : الحمدلله
مرن شهرين وعلاقة روضة ومحمد مب مستقره مره يتضاربون ومره علاقتهم حلوه وكل مره شي ... وطول ه الفتره روضة ما اعترفت ل محمد ب اي مشاعر ... يعني بعده أصلاً ما يعرف لو كانت تكن له اي مشاعر او شي
ه اليوم كان اليوم المنتظر ... يوم ملجة عبدالله ع غلا
كانوا كلهم متوترين وكل واحد له أسبابه الخاصه
أنت تقرأ
يبتسم الحبر على صفحة غلاك !
عاطفيةرواية اماراتيه تدور احداثها حول روضة وكيف حياتها الشخصية مع عايلتها وربيعاتها، وكيف انها قدرت تتخطى مصاعب الحياه !!
