يبتسم الحبر على صفحة غلاك !

البارت ٣٨

اتجه صوب مطعم ومبين انه راقي وفخم

نزلوا هم الاثنين

ذياب : كنت بوديج كوفي بس تذكرت اني يوعان

دخلوا المطعم وكان تقريباً فاضي بس ان فيه كبلز يعني

يلسوا ع طاوله ف الطرق وطلبوا

وهم يتريون الطلبيه توصل قال ذياب بضحكه : دخلنا هه المطعممم من سنه او اقل تقريباً ... كنا انا وهزاع وهادف وكان لترلي كله كوبلز لدرجة ان حسينا ان وجودنا غلط ... عقبها قالي هادف احس ان اقل عن سنه بتيي انت وحرمتك ... والحمدلله طلع كلامه صدق

روضة ضحكت : ع طاري هدوف ما رمسته اليوم ... قالي شي بس كنت متوتره ما سمعته

ذياب : دقي له

روضة : عقب بدق

ذياب : مممم رواضي ؟

روضة : لبيه

ذياب : ما تصدقين شكثر مستانس اليوم ... (مسك ايدها) مستانس انج اخيراً صرتي لي ... وصرت أروم احط ايدي ب ايدج بدون ما حد يتدخل او يقول شي ... مستانس والله يا روضة ... اخيراً حبيبتي الحلوه صارت لي ... (طبعاً روضة كل مالها وابتسامتها تكبر) احبج ... وعمري ما حبيت حد قد حبي لج ... كنتي لي كل شي ... كنتي لي الأب يوم تقولين لا تسوي وسو وكنتي لي الام يوم تمرض وتتمين خايفه علي وكنتي لي الاخ والأخت يوم كنت احتاج شي وتوقفين معاي وكنتي لي الحبيبه الي ف كل لحظه معايه ...احبج رواضي

روضة بابتسامه : تعرف اني اتووهق وماعرف ارد ليش تحرجني

ذياب : لاني اعرف انج تتوهقين قلت ه الكلام (ضحك) لو كاتبنه انتي كنتي بتحرجيني وبتسكتيني

روضة ضحكت

ذياب : عندي شي ثاني انزين ؟

روضة : امرني

ذياب : فصلتي فستان العرس صح

روضة حست انها عرفت لين وين يبا يوصل : هيه يخلص عقب اسبوع ونص

ذياب : عادي نجدم العرس

روضة : هاه ؟

ذياب : خ نجدم العرس ... بدال ما نخليه عقب شهر خله عقب اسبوعين

روضة توهقت صدق الحين : مادري براحتك ما عندي مشكله

ذياب : حبيبتي انتي فديتج

روضة بابتسامه : فداك

تعشوا وليسوا شوي ويا النادل وهو ماسك كيكه وحطها جدام روضة وقال : *CONGRATS* *مبروك*

روضة تشققتتت ... خص يوم جافت الكيكه مكتوب عليها : UR FINALLY MINE ... انتي لي اخيراً

ذياب : مبروك حياتي

روضة عيونها دمعت : ذذيياااببب يااخخييييي ... احبككك

ذياب : اموووتتتت ف كلللل شيييي يخخصصججججججج