GRIEF//Mpreg//

Finding a physician

အရိပ်စစ်သည်တော်က အသက်ရှင် ကျန်ရစ်သော ရဲဘော်ကို ဘယ်လို ရှင်းပြလိုက်လဲတော့ မသိပေမယ့် တော်တော်ကြာသည့်အချိန်မှာ ပထမရောက်လာသည့် နံပါတ်သုံးက အမှတ်စဥ်ဘယ်လောက်မှန်း မသိသောသူကို တွဲပိုးလာရင်း ကျီးကန်းတောင်းမှောက် နှစ်ယောက်သား လိုက်ရှာနေကြတာကို ကြင်ယာတော်လေးတို့ သုံးယောက် ပုန်းနေတဲ့နေရာကနေ လှမ်းတွေ့နေရသည်။

အမှတ်စဥ်သုံး ထွက်သွားသည့်အချိန်ကစလို့ ဘုံက အ​မြှော်အမြင်ရှိရှိပင် ပတ်ဝန်းကျင်က သစ်ပင်တွေကို ကျားရိုင်းတစ်ကောင် ဝင်စီးသွားသလိုမျိုး ဖျက်ဆီးပစ်ခဲ့ရင်း ကြင်ယာတော်လေးနှင့် ယန်းကို ခေါ်လို့ ခပ်ဝေးဝေးက အပင်ကြီးကြီးနောက်ကနေ ချောင်းလို့ တိတ်တိတ်လေး စောင့်ကြည့်နေရသည်။

အရိပ်စစ်သည်တော်က ကြင်ယာတော်လေး နှစ်နာရီလောက်လေး ပျောက်သွားတဲ့ ခဏလေးမှာ ဒီလိုဖြစ်လိမ့်မယ်ဆို မယုံနိုင်ခဲ့ပေမယ့် သူကိုယ်တိုင်ကလည်း ဒဏ်ရာကြီးကြီးကျယ်ကျယ် ရခဲ့သည်မလို့ သေချာ မစစ်ဆေးနိုင်တော့ဘဲ အမှတ်သုံးပြောသည့်အတိုင်းပင် ယုံလို့ နောက်ကြောင်း ပြန်လှည့်သွားသည်ကို မြင်တော့မှ ယန်းတို့သုံးယောက် အသက်ဝဝရှူနိုင်တော့သည်။

ထိုအခါမှပင် ဘုံက ကြင်ယာတော်လေးအနားယူရန်အတွက် အနီးအနားကို လေ့လာကြည့်အခါ တောင်ပေါ်တက်လမ်းတစ်လျှောက်​ဖြစ်သည့်အတွက်ကြောင့် အနီးအနားက ရွာသားများ သစ်ပင်တက်ခုတ်တုန်း ခေတ္တအနားယူသည့် သစ်သားအိမ်သေးသေးလေးကို တွေ့လိုက်ရသည့်အတွက် ကြင်ယာတော်လေးနှင့် ယန်းကို ခေါ်လိုက်သည်။

တစ်ညတာလောက်တော့ ကောင်းကောင်းအနားယူလို့ရလောက်တာ သေချာ လုံခြုံသည်ဆိုတော့မှ ဘုံက ယန်းနှင့် ကြင်ယာတော်လေးကို ထားခဲ့လို့ စားသောက်ဖို့ရန်အတွက် သွားရောက် ရှာဖွေလေတော့သည်။

သစ်ခုတ်သမားများ ညရေးညတာ အိပ်စက်လေ့ပါရှိသည့်အတွက် အမြဲတစေနေသည့်နေရာလိုမျိုး အရာရာတိုင်းတော့ မပြည့်စုံပေမယ့် တစ်ကိုယ်ရေ၊တစ်ကိုယ်တာ ပစ္စည်းလေးတွေတော့ ရှိသည့်အတွက် ယန်းက အိပ်ယာခင်းတွေကို ထုတ်လို့ ဖုတ်ဖတ်ခါလိုက်ရင်း ကြင်ယာတော်လေး ခဏ အနားယူလို့ရအောင် သန့်ရှင်းပေးလိုက်တော့သည်။