Words of Promise
_____________U.N.I.C.O.DE._________
"ဒီဧကရာဇ်က စိတ်တော်ကြည်နေတာပဲ!"
တစ်သက်လုံးမှာ လိုချင်သမျှ အကုန်ပိုင်ဆိုင်လာရသည့် ဦးရီးတော် စစ်သူကြီးက မျက်မမြင်ကြင်ယာတော် တစ်ယောက်ကို လက်ထပ်ထားပြီး ထိုကြင်ယာတော်ကရော၊
ဂင်အိမ်တော်ရဲ့ ဂုဏ်ကျက်သရေ ထိခိုက်အောင်လုပ်ထားသည့် ခင်ပွန်းနှင့် အဆင်ပြေပါ့ဦးမလား။
ဧကရာဇ်က ရယ်မောပြီး ကြင်ယာတော်လေးရဲ့ ရေနွေးကြမ်းခွက်ထဲကို ဂန္ဓမ္မာရေနွေးကြမ်းလေးကို ထပ်ပြီးလောင်းထည့်ပေးလိုက်သည်။နန်းတော်ထဲမှာ သုံးသော ရေနွေးခရားက အပူဒဏ်ကို အကြာကြီးထိန်းပေးထားနိုင်စွမ်းရှိပြီး ရေနွေးခရားထဲ ရောက်နေတာ ကြာနေသည့်တိုင် ရေနွေးက အငွေ့တထောင်းထောင်းထဆဲဖြစ်သည်။ဧကရာဇ်က ကြင်ယာတော်လေးဘက် ရေနွေးကြမ်းခွက်တိုးပေးလိုက်သည်။
"ကြင်ယာတော်ယောင်း~ရေနွေးကြမ်းသောက်ပါဦး"
"အရှင်က ကျေးဇူးကြီးမားလှပါတယ်"
ကြင်ယာတော်လေးက လက်ဖမိုးနားအထိ တိုးလာပေးတဲ့ ရေနွေးကြမ်းခွက်ကို ယူလိုက်ပြီး တကျိုက်တည်းမော့လိုက်သည်။ကြင်ယာတော်လေး အခုတွေးနေတာက မျက်လုံးထောင့်နားလေးက မြင်နေရတဲ့ အစေခံလေးယန်းကိုသာဖြစ်ပြီး ယန်းက ကြောက်ပြီး ရုန်းနေတာကြောင့် ဓားက တဖြည်းဖြည်းပိုနက်လာပြီး သွေးကလည်း အပေါ်လည်ပင်းနားတစ်လျှောက် ပေကျံနေပြီဖြစ်သည်။ခင်ပွန်းသည်ကြီးသာ အချိန်မှီ ပြန်မရောက်လာရင် ဘယ်လိုလုပ်မလဲ!
"ဦးရီးတော်..မပူဘူးလား?"
ဧကရာဇ်က တစ်ခုခုကို သတိထားမိသွားပြီး ယန်းကို ချုပ်ထားတဲ့ ဒု့ဆူရီကို ရပ်လိုက်ဖို့ အချက်ပြလိုက်သည်။ကြင်ယာတော်လေးက ထူးဆန်းတဲ့ပုံတော့ မပြပေမယ့် တစ်ခုခုကို တုန်လှုပ်နေဟန်ပဲ။ ဒါမှမဟုတ် ဒီအစေခံလေးက အဖိုးမတန်တဲ့သူများလား။
"ဧကရာဇ်ကို ပြန်ဖြေပါတယ်~ဒီအစေခံလေးက အပူဓာတ်ကို သဘောကျပါတယ်"
ကြင်ယာတော်လေးက ငဲ့ပေးလာသည့်ရေနွေးကြမ်းက လည်ချောင်းတစ်လျှောက်ပူဆင်းသွားတဲ့အထိ ပူလောင်နေတာကို အခုမှ သတိထားမိတော့သည်။အပူလောင်သွားတာကြောင့် မျက်ရည်ပါဝဲတက်သွားပေမယ့် ကြင်ယာတော်လေးက ပြုံးပြီး ပြန်ဖြေလိုက်သည်။ခပ်လှမ်းလှမ်းမှာ အားအင်တွေပြည့်ပြီး သွက်လက်တဲ့ ခြေလှမ်းက ပန်းခြံလမ်းတစ်လျှောက် ကျောက်စရစ်ခဲလေးတွေကို ဖိနင်းလာတဲ့အသံကို ကြားနေရသည်။ကြင်ယာတော်လေးက အပူလောင်သွားတာကြောင့် ဝဲတက်လာသည့် မျက်ရည်တွေက ခင်ပွန်းသည်ကြီးရဲ့ အငွေ့အသက်တို့ကို ရတာနှင့်တင် စိတ်သက်သာရာရသွားပြီး မျက်လုံးတို့ကို မှိတ်ချလိုက်တဲ့အခါ မျက်ရည်စက ပုဝါသားမှာ ခိုတွဲသွားသည်။
YOU ARE READING
GRIEF//Mpreg//
Romanceဒီပုဝါစလေးသာ ဖြုတ်လိုက်ရင် ကြင်ယာတော်လေးဟာ သူတစ်သက်လုံး မမြင်ရတော့ပါဘူးဆိုတဲ့ ဝမ်းနည်းမှုမျိုးနဲ့ ငိုကြွေးတာမျိုးကို မလိုချင်တော့တာမို့ စစ်သူကြီးက ပုဝါအနက်ရောင်ကြီးရဲ့နောက် ဖုံးကွယ်နေပါသော မျက်ခွံမို့မို့လေးတွေ၊မျက်တောင်ကော့ကော့လေးတွေကို ငုံ့ကာ န...
