السمراء وصاحب العكازة

part -1-

- السمراء وصاحب العُـكازة
- رهف هُـمام🕊️

- نجمة للبارت تعاليقكم🌟🗨️
- انستغرام فولو:rahaf_hammam7

كـلما يسـير بـي الدهـر أدرك كـم كـان الـماضي اجـمل ابسـط وافـضل مـن اي وقـت

بـداية جَـديدة..
تم إعادة القـصة وذلك بـسبب إن هـناك احـداث محـذوفة لخـصوصيـة سيـتم اضـافتها جـميعاً وذلك بطلـب وموافـقة البطـلة💙

……………
كـركوك
سـَـنة(1980)

رفعت راسي للسمه والهوى البارد يضرب بوجهي استنشق هوى نضيف بهل دنيا الوصخة بلعت ريگي
وكأن اصفن على حياتي…

وعلى الي صار وياي والي ينتظرني معرف شمكتوبلي الراحة لو العذاب ماحسيت غير شي بلل خدي…

مديت ايدي معرف تأكد من دموعي لو امسحهن
كلشي تاه علي راح الي جان سندي بهل حياة ضليت وحدي بين كمية البشر...

كمت من مكاني على دگة الباب مسحت دموعي بطرف دشداشتي وتمشيت بخطوات مُتعبة فتحت الباب شفت كدامي مرة جيرانه…

مرة من اهل وحبابة كلما اوكع بشدة الگاها وياي
:- هلا ياام ايدن شلونچ شخبارچ

ابتسمت وهزيت راسي:- هلا بيچ ام مجيد تفضلي

تقربت عل باب وبأيدها الصينية:- والله اليوم سويت عشة وكلت لازم ادزلچ تضوگين اگلي الطيب

اخذت نفس بعمق وصعدت ويا كُل الهموم
:- مالة داعي ياام مجيد هواي تعبتي ويانه ماكافي

تقربت وربتت على گتفي ردفت والابتسامة
:- كافي ياانورجان هاي الدموع الي بعيونچ ووجهچ الباهت كلهم بأنتظارچ..

اشرت بعيونها ليورا التفتت وشفت بناتي واكفات يم باب الصالة وكل وحدة بعيونها برائة اكثر من الثانية بقيت عيني عليهن وهي كملت حچي..

:- ذني البنوتات كلهن يستندن على ظهر امهن راح ابوهن وعافهن وحيدات بس انتِ موجودة صيري قوية الضعيف مايعيش وخاصة انتِ مرة ووحدچ

التفتت عليها وبعيوني دموع:- هن ذني الكاسرات ظهري مااعوفهن طول عمري

ابتسمت وهزت راسها:- وهسه شنو هل دموع الي بعيونچ

مديت ايدي ومسحت دموعي بطرف اصبعي..
:- عفية عليچ

طببتها وياي للمطبخ حطت الصينية وكعدت اني افرغ المرگ والتمن بطوس حتى انطيها مواعينها

:- شلقصة ياام ايدن احنه طايرين هياتنه بيتنه يمچ ودزيهن بيد وحدة من البنات

نورجان:- ميخالف.

رفعت راسي باوعت عليها:- ام مجيد اني محتاجة شغل ماتكدرين تشوفيلي بيت اشتغل بي اي شي

ام مجيد:- والله اني اشوفلچ عود اكو نسوان بيوتهم جبيرة ويحتاجن وحدة وياهن ادور واشوفلچ