- السمراء وصاحب العُكازة
- رهـف هُمـام
- نجمة للبارت تعاليقكم🌟🗨️
- انستغرام فولو:rahaf_hammam
وأذا اللتـقينا والعيون روامق
صَـمت اللسان وطرفها يتكلم
تشكو فأفهم ما تقول بطرفها
ويرد طرفي مثل ذاك فتفهم .
……………
نـازدار…
من راح نصار من يمنا طبيت جوة لملمت نفسي وحطيت راسي بحضني بس ابجي معرف شسوي وشكول اسفه نصاري بس والله مو بيدي امك السبب
احبك بس كرامتي وكرامة امي فوك كلشي الظروف جبرتني هيج اسوي انفتح الباب رفعت راسي بتعب شفتها امي طبت جوة …
باوعت علي بطرف عينها:- ماكو داعي تبجين امه متتعاشر بنتي المفروض تشكريني لان رفضت لان اعرف هاي المرة تنكد عيشتچ
رديت بس حاضنه نفسي ابچي اخذت نفس بتعب وتقربت علي:- بنتي رحت سألت ناس كالوا هي يومية جانت تتعارك ويا نسوان ممخليه واحد ممسويتله مشكلة وللسانها طويل
رفعت راسي وباوعتلها:- اني هم للساني طويل
ام نازدار:- لا أهنأ تختلف ماكو ابن يقبل مرته تتطول لسانها على امه مهما يحبها ويموت عليها فتصير عركة منها ومنچ وراح توكع مشاكل بينكم فـ بنتي هي راح تتطلع من المشكلة مثل شعرة من العجين وانتِ تخسرين
:- بـس يمه اني احبه ليش متفهميني
ام نازدار:- اعرف اعرف بيچ تحبي بس ربچ ماكاتب نصيب بينكم ماتشوفين امه من اول يوم اجت تهجم تخيلي لو تعيشين وياها اشكال تسوي بيچ توصل للسحر صدگيني يابنتي هيج نفسيات متنحمل
هزيت راسي صح كلامها من اول يوم ام نصار اجت تصيح علينه وتتهمني وتطعن بشرفي ودها تاگلني بسنونها من كثر الحقد والكره الي بعيونها اخذت نفس بتعب واني فكري بس بنصار
ام نازدار:- هسة توافقين على ذاك الولد واردهم خبر
نازدار:- بكيفچ اي شخص ميفرق عندي خلص اني غسلت ايدي من كلشي على أقل اتزوج وتخلصين من همي انطيهم خبر اني موافقة
كملت بچي على حالي وحضي امي هزت أيدها
مراضية على حالي طلعت برة الغرفة واني رفعت راسي اباوع عل شباك
:- وسط ذلـك الهـدوئ اشتـعل من الداخـل
ضلي يروحي محد يفتهم حالـچ اتلوعي لحد تموتين بمكانچ مر الوكت واني افكر وابچي مامعقوله بعد هل حب هيج ينتهي حبنه بس شسوي امه رافضه وايدن رافض شنو الي بأيدي…
حطيت ايدي على طرف السرير وحطيت راسي ضليت اباوع بلفراغ والحجي الي بداخلي ماينحچي مثل النار تاكل بين ضلوعي بس ماكو بيدي شي اسوي…
بديت اغمض عيوني تدريجياً لحد غفيت مافزيت غير على دكة الباب بقوة وصوت واحد يصيح بأسمي راساً رفعت راسي بنعاس وراسي يوجعني جنت عبالي اتخيل ردت ارجع احط راسي بس الباب انضرب اقوى…
أنت تقرأ
السمراء وصاحب العكازة
Mystery / Thrillerبيـن طـرقـاتـةً ضـيقـة وبيـوتً قـديمـة، خـلف أسـوارهـا شـائكـة وجـدران هـالكـة ، حكـايـات لـم تـِروى بعـد وجـروح لـم تنـدمـل وأمـنيـات لـم تـرى نـور ودمـوع لـم تـزل تشـق طـريقها علـى الـوجـوه البـائسـة ، علـى رفـوفـها الـمُتـربة صـور وذكـريـات وكتـ...
