السمراء وصاحب العكازة

part-16-

-السمـراء وصـاحب العُـكازة

-رهـف هُـمام

لتنسون نَـجمة وتعليـقاتكم الحِـلوة🌟
فـولو انستغرام:rahaf_hammam

══════ஓ๑♡๑ஓ══════

ابـو الهـيبة :: صار صوت طلق نار باوعت ببرود شفت ساطور واكع وغارگ بدمه انداريت لبليس وهجمت عليه لزمت ياخته واني حاد سنوني
:- ولك يانذل شسووييت

رأساً دفعني من صدري وصاح
:- شسوي ها شتريدني اسوي

:- لك ياغبي انتَ بهاي طريقة خربت كلشي

بعد ايدي عنه وأشر بإصبعه لساطور
:- هذا خاين وحرامي والخاين مصيره الموت

تقربت بسرعة وسحلته من قولته:- ياخيانة ياخيانة تكول حرامي انتوا مو اتفقتوا على كلشي واني صدكت بيكم وانطيتكم مهلة اسبوع حتى تسلموني تالي كلشى خربته

:- كافي ابو الهيبة واصلاً حصتك بأمان لان
ماامنت لساطور وأخوي قفيص بالطريق جاي

هزيت راسي باوعت للساطور الي غارك بدمة اخذت نفس ونزلت راسي شوي واجوا حُراس البليلس
:- شيلوا هذا الچلب وحطوا بالسيارة وذبوا هو وسيارته بمكان بعيد

اباوعلهم شالوا الجثة وطلعوها برة تقربت وكعدت عل قنفة شغلت جكارة اخذت منها نفس وباوعت للبليس:- شلون كشفته هو حرامي وخاين

:- عندي اذان بكل مكان عرفت هو متفق ويا واحد قجاقجي يهرب البضاعة بالكرتونات ويضمه وهذا قجاقجي يكدر يطلعه من السيطرة وبنفس وقت من يطلع يخابر الشرطة بمكانا

صغرت عيوني بحدة وورثت جكارة:- اي
:- بس اني عندي عيون يكشفهم

:- اها تقصد زاهر

:- اي ماكو غيرة وعندي احسان هذا جان وياي من زمان وهسة انتَ صرت ايدي اليمنى