أنت تقرأ

السمراء وصاحب العكازة

Mystery / Thriller

بيـن طـرقـاتـةً ضـيقـة وبيـوتً قـديمـة، خـلف أسـوارهـا شـائكـة وجـدران هـالكـة ، حكـايـات لـم تـِروى بعـد وجـروح لـم تنـدمـل وأمـنيـات لـم تـرى نـور ودمـوع لـم تـزل تشـق طـريقها علـى الـوجـوه البـائسـة ، علـى رفـوفـها الـمُتـربة صـور وذكـريـات وكتـ...

#غيرة #كركوك #هوس

part-34-

60.3K 3.5K 2K 
                                    

                                              

- السمراء وصاحب العُكازة
- رهـف هُمـام
- نجمة للبارت تعاليقكم🌟🗨️
- انستغرام فولو:rahaf_hammam
انه رَدت انَـساك 
بَس شوكگ چبَيـر رَدت 
اگـلك روحَ والفَـظها تـعال.
– لـ سمير صبيح.
..................
صـلاح...
صفيت السياره ونزلت فتحت باب السيارة نزلت العلاليگ اخذتهم بأيدي لحد وصلت كدا الباب جان مردود دفعته برجلي وفتت للحوش كلت واني احطهن قريب عل باب:- ام يشار وينچ
رجعت جبت باقي العلاليگ وطبيت للحوش ويا طبتي طلعت ام يشار ووياها ام نازدار كلت واني احط العلاليگ:- ياهلا ام نازدار شلونچ اخبارچ
رفعت راسي عليها هزت راسها تجر النفس
:- الحمدلله على كل حال
اينور:- الله يساعدك ابو يشار
:- ويساعدچ جبت الي كلتيهم الي يمكن نسيت كم شغلة
كالت وهي تگلب بيهن:- متبطل عادتك لازم تنسى الك فد شغلة واهم شغلة
ضحكت بخفة اهز راسي وكفت لجهة واني اباوع لام نازدار:- خيرچ ام نازدار مختفية هل ايام واحنه هم مانجيچ
ام نازدار:- والله بعد كل واحد ويلتهي ببيته واني عاذرتكم
صلاح:- شصار بسالفة نازدار غيرتي رأيچ
باوعت علي مستغربة وكالت:- اغير رأي بيمن
صلاح:- بنصار
ام نازدار:- بس ماكو رأي ياابو يشار نازدار اجتها قسمتها ووافقنه الحمدلله 
وسعت عيوني بدهشة وكلت مستغرب:- شنو قسمتها ياقسمة هاي ومن شوكت هل حجي !!
ام نازدار:- الولد صديق ايدن ومابي عيب حتى ارفضه
ضربت كف بگف واني اكول شبه عصبية
:- صديق ايدن خوش ربحنة
ام نازدار:- امة مره اعرفها وناس زينين ليش اوكف بقسمة بنتي وارفض
صلاح:- بس ياام نازدار نصار يحبها لنازدار وهي طفلة عاشگها لي...
قاطعتني وهي تكول:- اعذرني ياابو يشار قاطعتك بس شنو يفيد هل حب والعشگ مالهم نصيب الولد امة رافضة واحنه ايدن رافض بعد على شنو
صلاح:- بس الولد جاي يقنع بأمة
ام نازدار:- ايدن دز موافقته لهل ولد واني وافقت خلي نازدار تتزوج وتشوف قسمتها احسن من ما اني باجر عكبة ميته
صلاح:- عمرچ طويل ياام نازدار الله يحفظچ بس ليش هيج استعجلتوا بلموافقة عل ولد
ام نازدار:- مابيها استعجال خوية شفناها خوش قسمة ووافقنه نازدار متعرف مصلحتها واني امها اولى الها
السمراء وصاحب العكازةحيث تعيش القصص. اكتشف الآن