السمراء وصاحب العكازة

part-13-

- السمراء وصاحب العُكازة
-  رهـف هُمـام

- نجمة للبارت تعاليقكم🌟🗨️

- انستغرام فولو:rahaf_hammam

عَـذروني إن وجدت اغلاط إملائية لكنني حرفياً تعبانه(بصوت تالين)

……………
نَـازدار…

مر كم يوم واني اشتغل ويا امي انظف ونخبز سوة واخيط وياها مااخليها تتعب هواي مااريد اتعبها خاصة اني خلصت امتحانات يعني اشكد مااكدر اساعدها…

بيوم جنت داانظف وامي طالعه تشتغل سمعت صوت اشواق من الغرفة تصيحني غسلت ايدي ودخلت غرفة شفت اشواق ترتب الملابس وتحطه بالكنتور زغير اسمع صوت مي بلحمام:- منو الي بلحمام؟

اشواق:- هاذي رغد

نازدار:- اي خير شتريدين صحتيني

عافت الملابس وعدلت كعدتها اشرت بعيونها:- تعالي اريدچ بشغلة

باوعتلها مستغربه هزيت راسي وتقدم كعدت يمها اخذت نفس:- باعي نازدار اني عندي حبيب يداوم وياي بالكلية هو يحبني ويموت علي

صفنت بعيونها وهزيت راسي كملت كلامها:- هواي طلب مني يجي يخطبني بس اني حالياً ماافكر بالزواج

نازدار:- انتِ تحبي ؟

اشواق:- اي احبه بس معرف حالته مادية شلونه اني اعيش أهنأ فگر واروح أتزوج واحد هم فگر اريد اعيش واتمتع بالفلوس ويصير عندي بيت وجهالي يلبسون احسن لبس وياكلون احسن اكله

نازدار:- ليش فگر احنا الحمدلله احنا احسن من باقي ناس بهذا ظروف حصار كملتي جامعة وامي واني نشتغل ووفرنالكم كلشي

اشواق:- بس هذا مو عيشة اريد واحد يصرف علي مو اني اصرف علي

نازدار:- لو بابا جان عايش ميقبل امي تشتغل وهي هم جانت تكول جنت مدلله يم ابوكم ويحبني ولمن توفى اضطريت اشتغل حتى اربيكم الدنيا منعرف شنو ضاملتنا يمكن تتزوجين واحد غني ويعاملچ مثل الخدامة وتتزوجين واحد فقير يصونچ

هزت راسها بدون متحجي:- يلا كولي هسة هذا صديقچ مدري حبيبچ شيريد

اشواق:- هو انسان كلش محترم من الناصرية بس هو غير قسم تعرفنا على بعض من ثلاث سنوات وهسة عطلة ماكو دوام تعرفين جيرانا بيت ابو مجيد عدهم هاتف ذاك يوم رحت يمهم خابرت صديقتي بلكليه أتطمن عليها

نازدار:- اي

اشواق:- تكول جان عندي شغلة بالجامعة شفت مرتضى وانطاني رسالة يمي كال انطيها لاشواق تعالي أخذيها