صفنت بعيونها وهزيت راسي كملت كلامها :- هواي طلب مني يجي يخطبني بس اني حالياً ماافكر بالزواج
:- انتِ تحبي ؟ :- اي احبه بس ماعرف حالته مادية شلونه اني اعيش أهنأ فگر واروح أتزوج واحد هم فگر اريد اعيش واتمتع بالفلوس ويصير عندي بيت وجهالي يلبسون احسن لبس وياكلون احسن اكله
:- ليش فگر احنا الحمدلله احنا احسن من باقي ناس بهذا ظروف حصار كملتي جامعة وامي واني نشتغل ووفرنالكم كلشي
:- بس هذا مو عيشة اريد واحد يصرف علي مو اني اصرف علي
:- لو بابا جان عايش ميقبل امي تشتغل ومانعرف شنو ضاملتنا يمكن تتزوجين واحد غني ويعاملچ مثل الخدامة وتتزوجين واحد فقير يصونچ
هزت راسها بدون متحجي :- يلا كولي هسة هذا صديقچ مدري حبيبچ شيريد
:- هو انسان كلش محترم من الناصرية بس هو غير قسم تعرفنا على بعض من ثلاث سنوات وهسة عطلة ماكو دوام تعرفين جيرانا بيت ابو مجيد عدهم هاتف ذاك يوم رحت يمهم خابرت صديقتي بلكليه أتطمن عليها
