السمراء وصاحب العكازة

part-24-

- السمراء وصاحب العُكازة
- رهـف هُمـام

- نجمة للبارت تعاليقكم🌟🗨️
- انستغرام فولو:rahaf_hammam

...............
صَـلاح...

اباوعله مستغرب رأساً كلت مقاطعه:- شكو دكتور شبي المريض شصاير

:- للأسف البقية بحياتكم المريض توفى وماكدرنه نلحك علي صار عنده نزيف قوي رغم جانت حالته مستقرة بس للاسف هذا المكتوب

سعت عيوني منصدم ولزمت گتفه:- شجااي تحجيي دكتورر!!

الدكتور:- للاسف ياابو يشار هذا المكتوب

صلاح:- بسس شلووون شلوون مو البارحة زينن!!

هز راسه بدون ميحجي مسكت راسي واني افتر بلمكتب صرخت:- شلووون شلوون اتوفى مو كلتت حالته مستقرة من بعدد العملية!!

صرخت واني منهد اعصابي لان ماعرفت منين اتلگى هل صدمة لان قيصر جان هو املي اطلع نصار بس اختفى هل امل كعدت عل كرسي اهز رجلي وايدي على راسي:- لا لاا شلون هيج

محسيت غير انفتح الباب رفعت راسي جان الملازم علي وورا كم ضابط رأساً تقرب علي منصدم:- سيدي وصلك خبر

هزيت راسي واني صافن منصدم جنت اامل بنفسي راح يطلع نصار وتنفگ العشر سنوات بس هسة راح كلشي وقيصر توفى الله يرحمه متوفي رأساً علي كال للدكرور:- دكتورر متأكدد متوفيي متوفيي مااكو امل

:- لا للاسف البقية بحياتكم

كمت من مكاني تقربت عل حايط وضرب گف ايدي بعصبية شلون هيجج هذا جان الامل الوحيد اخخخ حطيت ايدي على وجهي وين مااروح مسدوده بلاول شرد وهسه لگيناه وحادث وهسه متوفي...

إنقهرت حيل لو عايش جان يعترف على براءة نصار وهيج راح يطلع من السجن بس الحظ ماحالفك بقيت وي علي والدوريات بلمستشفى وصلنه خبر لعائلته هو متوفي امه من ع فت اجت للمستشفى...

تبچي وتصرخ وياها كم مرة وزلم من اقاربهم مااعرف شنو سالفتها هاي المره هي رفعت قضيه علي وتريدة ينسجن وهسه تبچي بس يلا مهما يكون هو ابنها وهي امه اكيد ماترضى علي...

ويا اقارب قيصر دفنه الچثة صريخ وبچي رفعت راسي ساعه وحدة الصبح حيل تعبان انطيت خبر لعلي اني رايح ركبت السياره ورجعت بطريقي للبيت وكفت السيارة بنص الطريق...

نزلت وكعدت عل رصيف بأيدي الجگارة اخذت نفس منها ورفعت راسي تعبان وضايج حيل نصار مثل ابني واكثر ابو صديقي العزيز وكل شغلي جان مشترك وي نصار جان رايد ينتقم لابو...

واني ساعدته بكلشي لان شفته عنده اصرار للثأر مامانعته لان ابو توفى على ايد مجموعة واذا فاري ماكمل هل مشوار حتى يفضح البليس ابنة كدر يفضح البليس...