- السمراء وصاحب العُكازة
- رهـف هُمـام
- نجمة للبارت تعاليقكم🌟🗨️
- انستغرام فولو:rahaf_hammam
……………
نَـازدار…
رچف كل جسمي بطريقة غريبة والعرگ صار يصب من گصتي صوت صراخ واشياء مخيفة كدامي صارت تظهر لقطات سريعة وغريبة لحد فزيت على صوت امي:- نازدار نازدار بنتي كومي
فتحت عيوني اوسعهن اخذ النفس بقوة وابلع بريگي مسحت امي على راسي بقلق:- بنتي نازدار كوميي كافي نوم نمتي هواي من البارحة نايمة
باوعت عليها للحظات وهزيت راسي احس شي على صدري خانگني وتعبانة حيل مسحت على خدي بقلق:- شبيچ بنتي من الفجر كعدتي مدري شبيچ
اخذت نفس وكلت بصوت مبحوح:- لا يمة ماكو شي بس معرف ليش مريضة راسي يوجعني
مد ايدها وتلمست شعري رأساً عاطت:- هاي شنو شعرچ مبلل بس لا استحميتي ونمتي
مديت ايدي تلمست شعري مسويته كباية من البارحة لمن طبيت استحميت ومامشطته باوعت على امي بخوف وهزيت راسي استغفرت بعصبية وكامت
:- ليش يانازدار غير تتمرضين انشفه والفه يلا انام
نازدار:- معرف والله يمة نمت تعبانة نسيته
:- ديلا كومي بسرعة غسلي وجهچ اسوي ريوك
عفتها تطلع صفنت شوي اباوع عل غرفة عيوني تغوش من الوجع كمت من مكاني على گيف رأساً دخلت ردت اوكف بس اتمسكت بلحائط صرت امشي لحد وصلت للحمام…
اخذت نفس بتثاقل ياريت صايحة امي توديني مدري شبيهن رجلية كوة يمشن كوة مشيت نفسي وطبيت للحمام بلعت ريگي قربت ايدي للحنفيه ورشيت مي على وجهي…
ردت اكوم بس من دون مااحس وجع قوي ضرب بطني واتقيئت بقوة رغم ماماكلة شي بس اتقيئت بكل ماعندي حسيت بطني فرغت اجت امي تركض وهي تكول بقلق:- نازدار بنتي
رفعت راسي بتعب باوعت علي جرت الصوندة وغسلت وجهي وأيدي ردت اكوم بس ماكدرت طفت امي الحنفية مسكتني خصري كومتني وحطت ايدها ورا ظهري…
حطيت راسي على گتفها بوجع وهي تمشيني:- نازدار شكو ليش اتقيئتي
باوعت علي بتعب وماحجيت شي اخذتني للغرفة مددتني عل سرير وغطتني باوعت عل سگف وراسي يوجعني كأن بداخله شخص مثل اليضرب بي من كد الوجع ماأكدر احجي اي شي بس اعرف اني حالتي مو زينة ابد واحس بضيق وتعب احس ضايجة من كلشي سمعت باب الغرفة انفتح…
گلبت عيوني بتعب شفت امي طبت شايله صينيه حطتها گبالي وهي تتقرب مني تمسح على عيوني وراسي:- بنيتي نازدار اكلي شوربة تصيرين زينه
أنت تقرأ
السمراء وصاحب العكازة
Mystery / Thrillerبيـن طـرقـاتـةً ضـيقـة وبيـوتً قـديمـة، خـلف أسـوارهـا شـائكـة وجـدران هـالكـة ، حكـايـات لـم تـِروى بعـد وجـروح لـم تنـدمـل وأمـنيـات لـم تـرى نـور ودمـوع لـم تـزل تشـق طـريقها علـى الـوجـوه البـائسـة ، علـى رفـوفـها الـمُتـربة صـور وذكـريـات وكتـ...
