السمراء وصاحب العكازة

part-31-

- السمراء وصاحب العُكازة
- رهـف هُمـام

- نجمة للبارت تعاليقكم🌟🗨️
- انستغرام فولو:rahaf_hammam

...............
هَـادي...

دفرت الباب رأساً انفتح امي ركضت طبت جوة صرخت:- تيموور !!

گلبي وگع من صوت صرختها اتلفتت مصدوم بلغرفه عباره عن خراب الغرفة گلها مگلوبة گلاب الكنتور بيبيان مفتوحة الصور عالحايط واگعه المراية مكسور الكلاص مكسر كل قطعة بجهة الفراش بالگاع...

النفاضة مال جكاير مكسور بين كل هالهوسة شفنا تيموور كاعد بالگاع وحاضن ايده ركزت عليها وشفتها كلها دم وسعت عيوني منصي رأسه وساكت ولا حركة هدوء...

امي لطمت على صدرها صاحت وهي تبچي:- سودة علي نصار ابني شصار شمسوي

بلعت ريگي من حالة نصار ومااعرف شصاير مخلي هيج يعصب ويگلب الغرفه بسرعة جبت خاولي ركضت لنصار كعدت يمه سحبت ايده واشوفها كلها دم رفعت راسي باوعت بوجهة:- ليش هيچ ياخويه

باوعلي بتعب وماحجه شي لفيت أيده لان جان دم هواي گلت بخوف واني اتفحصه:- تيمور خويه نروح لمضمد يضمد ايدك..

مايرد ساكت وكأن فاصل عن العالم تقربت امي كعدت كبال نصار باوعتله وبچت:- ابني احجي شكو ايدك كلها دم

باوعت لايده والتفتت للمرايه مكسوره وعليها دم مبين ضارب المرايه بيده عاينت الغرفه بعيوني مگلوبه كلاب عبالك خرابة نصار يعصب بس مايوصل لهل درجة بلعصبية...

اخوية واعرفة عصبيته بهدوء بس هسة الغرفة علامة متبشر بخير بلعت ريگي ورجعت التفتت لنصار ساد صمت شوية گال بدون ميرفع رأسه الظاهر بعده تحت الصدمة أو الالن

:- ويـن الرسـائل

باوعتله مستغرب يارسائل شيقصد التفتت لامي شفتها موسعه عيونها من الصدمة تلعثمت بالحجي كالت:- يا..يا..رسس..سائل!

بدون ميرفع راسه عاد كلامه بس بنبرة حاده وكأن تهديد:- وين الرسـائل

لميحة:- يا رسائل مـ..ماأعرف شتقصد !

طبگت حواحبي مستغرب:- خوية نصار شنو يارسائل فهمنه

رفع راسه وباوع لامي بعيون حاده:- يمه لأخر مـرة اعيده وين الرسـائل

التفتت لامي واني مجاي افتهم اي شي:- يمه شنو يارسائل

رأساً كامت من مكانها وصرخت بعصبيه:- هذااا كل همك متشووف حاليي واني مقهوررة لان حالتك صعبة وايدك كلها دم

جاوب نصار بهدوء غير مُبالي لصراخها:- وين رسائل الي جنت ضامهن بالكنتور

ثواني محسينه غير امي تضحك بصوت عالي
:- قصدك رسائل ذيح الگ*بة مو