- السمراء وصاحب العُكازة
- رهـف هُمـام
- نجمة للبارت تعاليقكم🌟🗨️
- انستغرام فولو:rahaf_hammam
……………
فَـاطِـمة…
اخذت فد زولية وفرشتها بلحوش جان الجو حلو وماكو هواي شمس خاصه عدنه فد شجرة بلجوش حطيت الفرشة وزولية جوا الشجرة سمعت صوت امي من ورا:- فاطمة شدتسوين!
فاطمة:- ها ماما فرشت جوة الشجرة لان اعرف هسة نازدار تمُر علية وتنطيني الدروس نكعد اني وياها شوي
ام فاطمة:- خاف هنا حارة مافتي جوة
فاطمة:- بلعكس ماما صح دنيا الظهر بس الجو يخبل وخاصة تعرفين نازدار عنودية هسة تعاند وماتطب جوة
هز راسها امي ومحجت شي جبت الجنطة حطيتها وحضرتلي عصاير وبسكت علمود نكعد اني وياها نحجي ونقرأ…
اني ونازدار صديقات من زمان حيل نعرف اهلها كلش زين وهم يعرفونه جنه قبل ساكنين يمهم بيت بصف بيت ميفصل بينن غير جدار بس اهلي انتقلوا لغير بيت بلحظتها لمن شلنه اشكد بچيت بس ام طمنتني نروحلهم بي فترة وفتره خاصه احنه مو بعيدين…
يفصل ييناتنه شارع بس اني احب الدراما وكعدت ابچي يوم كامل اليوم غبت ووصيت نازدار تمر علي تنطيني الدروس ضليت كاعدة بمكاني انتضر وانتضر…
مااعرف اشكد مر من الوگت بس اعرف طگ صبري معقولة نازدار ماتمر علي كمت من مكاني وفتحت باب البيت مديت راسي وشفت طالبات يحلن…
شفت وحدة وياي بلصف رأساً صحتها:- وجدان وجدان
التفتت علي مستغربة اشرتلها تقربلي اجت علي
:- اكلچ وين نازدار ماحلت؟
وجدان:- لا ولچ حلت شفتها هسة تجي وراي
فاطمة:- متأكدة شو تأخرت
وجدان:- لا احنة تأخرنه بلحلة بس هسة هي تجي اذا تردين انطيچ الدروس
فاطمة:- لا لا شكراً اني اخذهم منها وعندي موضوع وياها
محجت شي عافتني وراحت اتلفتت اباوع نازدار ماكو احد سديت الباب والتفتت امشي سمعت صوت امي:- ها شنو ماتجي نازدار
فاطمة:- لا گالت وجدان هسة تجي وراها
ام فاطمة:- برد العصير دطبي حطي بلثلاجة
اخذت العصير وحطيته بلثلاجة رجعت افتر بلحوش وعيني عل باب انتضرت وانتضرت وماكو اي شخص اجة رجعت فتحت الباب وباوعت الشارع فارع والوضع هدوء فقدت الامل تجي…
لان لو رادت تجي جان اجت اول ماحلت سديت الباب وطبيت جوة لاگتني امي مستغربة:- ها اجت ناز
أنت تقرأ
السمراء وصاحب العكازة
Mystery / Thrillerبيـن طـرقـاتـةً ضـيقـة وبيـوتً قـديمـة، خـلف أسـوارهـا شـائكـة وجـدران هـالكـة ، حكـايـات لـم تـِروى بعـد وجـروح لـم تنـدمـل وأمـنيـات لـم تـرى نـور ودمـوع لـم تـزل تشـق طـريقها علـى الـوجـوه البـائسـة ، علـى رفـوفـها الـمُتـربة صـور وذكـريـات وكتـ...
