السمراء وصاحب العكازة

part-45-

- السمراء وصاحب العُكازة
- رهـف هُمـام

- نجمة للبارت تعاليقكم🌟🗨️
- انستغرام فولو:rahaf_hammam

رَغُم بُعدك بَـس بَعدك
هذاك انـتَ، العَزيز الـ ما يجـي بَعدك .

..................
نَصـار...

وصلت نازدار لبيت امها ولفيت بسيارتي ورحت لمحل اكرم شفته مفتح وكاعد رأساً صفيت السيارة ونزلت طبيت للمحل بدون ليلتفتت حس بيَ وكال
:- ياهلا بأبو تيمور وتيمور

:- لا لا خلص هل للقب توارث لأبني راح مني اسم تيمور بقى بس نصار

التفتت علي مبتسم:- بس يبقى الاصل للاصل واسم تيمور هو الك

:- ميخالف توارثه أبني

:- اي توارثه بس مااخذة ابقى أسميك تيمور زين تيمور وين ناسينه

ابتسمت بخفة واني امشي
:- افـا عـليك انتَ مـكانك بلگلـب

باوعلي وضحك:- قوربانم مكاني بلگلب قوربانم

ضحكت بقوة تقربت علي تصافحنه رجع يمسح واني سحبت الكرسي كعدت:- ولك جيبلي تيمور اريد اشوفه مشتاقله

:- هـذا صاير شوكحـاته وعمـره ماطب سنه لو يكـبر شلون

وكف ثواني باوعلي بطرف عينه وكال:- عليمن طالع يعني؟؟ غير عليك ولك انتَ من صغير وتكسر بلولد

سحبت جكارة شعلتها واخذت منها نفس ضحكت واني اكول:- ايـبااه ويـن رجعتني بلـمدرسـه كُلسـاع مفـصول

اكرم:- لعد تحمل هاي اطفالك يطلعون عليك وكحين ويضربون بلولد وكلساع فصل وتعال يانصار يمكن تلگه بس بناتك الي يطلعن زينات هههههه

:- اشكد احـب البنـوتات شـوكـت ينـورن حيـاتي

اكرم:- إن شاء الله تجيب عشرة ورا عشره

ضحكت وهزيت راسي رجع يكمل شغلة كلت متسائل
:- هل ايام ماكو حس لا لسلوم ولا لنعوم خير وينهم

اكرم:- لعد ماتدري نعوم طلع البارحة الفجر روحة برة كركوك

طبگت حواحبي مستغرب وعدلت كعدتي:- ياسفرة ياروحة محد گلي

اكرم:- والله جان مستعجل يكول واحد من اقاربنه هناك وعنده شغلة رايح يومين ويرجع

:- منو كلة يروح ميعرف الطريق خطر

اكرم:- والله حجيت ويا ردت لا تروح حتى سلوم رايد يروح ويا بس نعوم مقبل كال اني وحدي اروح فد يومين وارجع