السمراء وصاحب العكازة

part -4-

- السـمراء وصـاحـب العُـكازة
- رهـف هـُمـام

- نجمة للبارت تعاليقكم🌟🗨️
-انستغرام فولو:rahaf_hammam

اصبَـحت كأمـواج بـحر تـتلاطم..أو نجــمة في سـماء محـيط هـادء ..لاادري متى وكيف تغادرني المكان ام أنا أغادر كُـلانا يريـد الآخـر وكـلانا يترقـب لـقاء عنـد شـاطئ...ننجـو بـأمالـنا وأحلامـنا واشتـياقـنا ولهـفتنا وبعـض مـن ذكـرياتـنا...فهـل لنـا مـن لقـاء ام نبـقى كمـا كنا وكـما اتيـنا ونـرضـى بالبـقاء.
-رهـف هُـمام-

...............
نـصار...

جنت كاعد ويا اكرم بچاي خانة نشرب چاي ونسولف شفتها تمشي كدامي رفعت عيوني الها من جوة واني اراقبها ماكدر انزل عيوني منها من اشوفها انفصل عن العالم كله...

من اشوفها احس بشعور يخترق داخلي اول مرة احس بهذا الشعور من يوم انضربت بيَ من جان اخوها يركض وراها واني مااكدر انساها سَمارها وجمالها صرت وين مااروح بلسوك اشوفها...

مااعرف اذا هي تجي كدامي صدفة لو اني الي اروح ادور عليها اذا اطب للسوك اطب علمودها ادور بعيوني عليها صرت احفظ وين تفتح بسطيه وبيا وگت ومرات تفتر...

اشوفها تكعد تاخذ نفس بتعب وبأيدها الصغيرة والناعمة تمسح على گصتها تحط ايدها الصغيرة كدام عينها تحمي نفسها لثواني من اشعة الشمس...

گلبي يتگطع نار لمن اشوفها هيج اريد اضمها بنص گلبي حتى ماتتعب كلما احل من المدرسة اشمر الجنطة واطلع للسوك احفظ شوكت تروح وشوكت تحل...

رغم صغر عمرها بس گلبي اخذ غير مسار كلما اشوفها افرح وبليوم الي مااشوفها اضوج اقنع بنفسي اني مااهتملها بس من تغيب عن عيني احس الدنيا اسودت بيَ...

كلما احاول ماافكر بيها تجبرني افكر بيها دائماً فزيت على اكرم يهزني بيده التفتت لكرم يسولف:- شبيك يمعود صافن

:- لا مـاكو شـي كَمـل حچـي

استمعله بس عيوني تتبعها وتدور عليها راقبتها شفت عبرت شارع وصعدت درج الدرج ناصي خطوات ووصلت فوك صارت تدور بعيونها لحد طبت جوة...

اني عقل ماضل براسي لان هذا مكان بيه ولد يلعبون طاولة وشلة تعبانة بيه بس مو كلهم بس المكان غلط تتطب اله بنية اعرف هي تبيع جكارات وتريد تمشي هل جكارات بس مااقبل تطب هيج مكان...

اكرم جان يحجي بس بالي مو ويا خاصة من شفتها تأخرت رأسا متحملت اضل كاعد كمت من مكاني شلت عكازتي كأن بهل لحظة گلبي الي تحكم بكل جسمي مو عقلي...

اكرم:- وين تيمور

بدون مااباوع عليه رأسا مشيت
:- هـسة ارجـع اصـبر

عبرت الشارع للجهة الثانية وصعدت فوك رغم رجلي بس درج درج صعدت طبيت واني گلبي يلعب شفتها ماكو خاصة اعرف قيصر ابن خالتي دائما أهنأ وهو مو راحة...