جان واصل خبر ليلدز انو زوجها راح يرجع هم عيب ابقى اكثر وهم عندي امتحانات جهزت جنطتي ويلدز انطتني كم فستان منها تعرف اني مااطلع رجع زوجها ارتاح شوي سلمت على يلدز وجعت لبيتنا...
وگف السياره گبال بيتنه التفتت علي مبتسمة هو رجال جبير بلعمر الشيب على شواربة وخصلات من شعره مشيبه بس رغم هذا ابتسامته الطيبة منورة وجها...
فؤاد:- بنتي لو باقية اكثر ليش بهل سرعة رجعتي :- لا والله عمو تسلم اني هم بدت الامتحانات وفاتتني هواي دروس
:- إن شاء الله النجاح بَنيتي :- يلا اني انزل انتبه لاختي حامل وماتگدر :- اشيلها بعيوني هي وابني
ابتسمت لكلامة ردت انزل بس وصاني اصيح امي من الباب يسلم عليها هزيت راسي نزلت من السيارة ووكفت كدام باب بيتنه دكيت الباب مرة مرتين...
ماكو شخص يفتح عبالي امي راحت للبيوت تنظف التفتت اريد ارجع للسيارة انفتح الباب رجعت باوعت جانت امي اول مشافتني انصدمت ماجانت تدري راح اجي...
بقيت واكفة كدامها ماحجيت كلمة كأن رن بأذاني كلامها لمن شگت بيَ متقربيلي ماجنت اتوقع امي تشگ بية كأن ممصدكة بلعت ريگي وباوعت علي رأساً ابتسمت وضمتني لحضنها...
:- هلا هلا ياشمعه البيت شلونچ بنيتي مديت ايدي ومسحت على ظهرها :- الحمد لله زينة زوج يلدز بلباب يريد يسلم عليچ
هزت راسها باست خدي بقوة وابتسمت عدلت الحجاب وطلعت راسها من الباب سلمت علي اسمعهم يحجون عفتهم وطبيت جوة اتمشى واتلفتت البيت فارغ ماكو اي صوت عرفت رغد واشواق ماكو...
