السمراء وصاحب العكازة

part-11-

- السـَمراء وصـاحب العـُكازة
-رهـف هُمـام

- نجـمة للـبارت تعـاليقـكم🌟🗨️
- انسـتغرام فولو:rahaf_hammam

عيناك نافذتان على ُحلم لا يجيءُ وفي كل ُحلم أرمّم ُحلماً وأحلُم.. !!.

- محمود درويش

..................
نَـازدار...

بقيت يم يلدز هل يومين تحسنت حالتي الحمدلله ومن التقينا اني ونصار هواي اشياء تغيرت بنفسيتي حتى يلدز لاحظت كلامه بلحظتها أنطاني الامان جنت مفكرة خلص يعوفني ويروح بطريق بس ورا لقائنه تأكدت نصار صادق بكلامه...

ويحبني من صدک هو الوحيد اليهتم بي وحسيت اني ثمينة عنده لاول مره احس نفسي إنسانة اكو شخص يعرف قيمتي بحياته ولا يكدر يستغلني
لان الشفته بحياتي من ضلم وقهر...

ووعيت على هل شي خلاني اخاف من كل شي بس نصار اهتم الي وحبني وحتى تقبل كلشي بية وصار وياي اني من النوع الأكثر افرق بين الأشخاص بحيث اعرف هذا الإنسان شنو شخصيته...

الا نصار هو الوحيد الي ماشكيت بكد شعره انو هو يلعب علي وبمشاعري هو گل انتِ مثل لؤلؤه بداخل قوقعة لگيتچ بتعب نصار شخص مختلف ماينوصف بكلام...

خلاني اشوف الحياة بغير شكل احس الدنيا اله طعم ثاني رغم عانيت بحياتي ظلم وتنمر وكلام جارح وضرب والحقد والكره ولمن انخطفت كلام اخواتي وشگ امي كل ذني حطمني وسوني انسانه متحب نفسها...

بس نصار غمرني بحبه بوگت اهلي يرفضوني وهو ضمني بحضنه لكيت بيه الامان الي فقدته نصار هو اماني بهل حياة هو الشخص الي أستند علي...

جان واصل خبر ليلدز انو زوجها راح يرجع هم عيب ابقى اكثر وهم عندي امتحانات جهزت جنطتي ويلدز انطتتي كم فستان منها تعرف اني مااطلع رجع زوجها ارتاح شوي سلمت على يلدز وجعت لبيتنا...

وگف السياره گبال بيتنه التفتت علي مبتسمة هو رجال جبير بلعمر الشيب على شواربة وخلصات من شعره مشيبه بس رغم هذا ابتسامته الطيبة منورة وجها...

فؤاد:- بنتي لو باقية اكثر ليش بهل سرعة رجعتي

نازدار:- لا والله عمو تسلم اني هم بدت الامتحانات وفاتتني هواي دروس

فؤاد:- إن شاء الله النجاح بَنيتي

نازدار:- يلا اني انزل انتبه لاختي حامل ومتگدر

فؤاد:- اشيلها بعيوني هي وابني

ابتسمت لكلامة ردت انزل بس وصاني اصيح امي من البلب يسلم عليها هزيت راسي نزلت من السيارة ووكفت كدام باب بيتنه دكيت الباب مرة مرتين...

ماكو شخص يفتح عبالي امي راحت للبيوت تنظف التفتت اريد ارجع للسيارة انفتح الباب رجعت باوعت جانت امي اول مشافتني انصدمت مجانت تدري راح اجي...