- السمراء وصاحب العُكازة
- رهـف هُمـام
- نجمة للبارت تعاليقكم🌟🗨️
- انستغرام فولو:rahaf_hammam
...............
نـَـازدار...
وصلنه للمطعم مغيرين بي هواي اشياء ومكبرينة جان قبل صغير صف السيارة ونزلنه سوة مسك ايدي بأيدة وطبينة سوة للمطعم…
طبينة سوة واحنه مخطوبين لبعض مو ثنين يحبون بعض وحدة تخاف عمامها يعرفون وتتختل حتى ليشوفها واحد وشخص يخاف عليها هل مرة طبينة واحنه ماسكين ادين بعض…
كعدنه على طاولة وطلب اكل خفيف ماجنه مشتهين ناكل بكد ماجنه نحب نسولف يسولفلي على كل شي واني اسولفله ولا شي تافه ويستمع الي بكل حب واهتمام يشاركني الحديث مهما يكون…
ويهتم لأدق التفاصيل هل انسان ميتعوض وماكو من عنده ثنين رغم اشكد تعبت بحياتي بس ربي عوضني اضعاف بنصار كلشي انحرمت منه عوضني مجنت اشوف هل اهتمام ولا شخص يسمعني ولا يهتم شنو اكل شنو احب شنو اكره…
بس هسة نصار يهتم لأقل تفاصيل ولو شي تافه يهتم وهذا الي يجذبني اله ويحسسني بلامان ويا مااضم عنه اي شي واحب اسولفله كلشي وياي دائماً ادعي ربي ليحرمني من نَـصار طول عُـمري…
اخذ ايدي باسها ومسكها بحب
:- نـازداري شرأيچ اخدچ لغرفتنه تشوفيها
طبگت حواجبي مستغربة:- غرفتنه ؟
:- اي نـازداري لـغرفتنه محد موجود بلبيت وانـي عدلت اشياء بيها اريد اشـوفچ غرفتنه
نازدار:- ليش نصار واهلك وين
:- امي واخـواني سافروا لفريدة بديالى
نازدار:- مو ميصير اشوفها
:- اني راح أرتب غرفتنا واريد تكون على ذوقچ جنت اريد اسوي اكثر بس صدكيني مااقصر وياچ
قربت ايدي ومسحت على شواربه
:- وجودك بحياتي كافي صدگني نصار لا غرفة ولا شي يهمني
حط ايده على ايدي وابتسم:- ياروح نصارچ انتِ عـيوني وأنفـاسي
قربت ايدي ومسحت على عيونه ومشيتهن على حواجبة الثخان رجعت بعدت ايدي واني مبتسمة
:- نصار احب للون عيونك غريب يتغير بلون الي تلبسه
ابتسم وعينه تتنقل بكل إنش بوجهي
:- لو تردي عـيوني انطيچ ياهن بدون ماافكر
ضحكت بخفة العب بأصابع ايدة
:- لا عوفهن الك بيمن تشوف
:- انتَ بس تكونين يمي اني اشوف واذا تـبعدين انعمي
ابتسمت لكلامة طلعنه من المطعم وركبنه السيارة حرگها تقريباً ربع ساعه ووصلنا لبيتهم اتلفتت اباوع اول مرة اجي لهاي منطقة نزلنا من السيارة رفعت راسي اباوع للبيت تقربنه وفتح الباب طبينا جوة البيت جان جبير بنفس الوقت بنيانه قديم…
أنت تقرأ
السمراء وصاحب العكازة
Mystery / Thrillerبيـن طـرقـاتـةً ضـيقـة وبيـوتً قـديمـة، خـلف أسـوارهـا شـائكـة وجـدران هـالكـة ، حكـايـات لـم تـِروى بعـد وجـروح لـم تنـدمـل وأمـنيـات لـم تـرى نـور ودمـوع لـم تـزل تشـق طـريقها علـى الـوجـوه البـائسـة ، علـى رفـوفـها الـمُتـربة صـور وذكـريـات وكتـ...
