السمراء وصاحب العكازة

part-42

- السمراء وصاحب العُكازة
- رهـف هُمـام

- نجمة للبارت تعاليقكم🌟🗨️
- انستغرام فولو:rahaf_hammam

عَـذروني للاغلاط الإملائـية بس البارت طـخ الـ10الف كلمة وتعبانة حيل🥲 المهم اتفاعلواا لو اقتلكمم🦦🔪🔪

...............
نَـازدار...

ثاني يوم الصبح جنت واكفة يم الـطباخ اسوي ريوك رغم مالي شهية ولا واحد بينة اله نفس بس امي عدها علاج اذا تبقى من دون اكل موزين عليها يلدز من البارحة منامت غير ساعة زمن وكعدت حابسة نفسها بلغرفة تبچي...

امي تباوع علي بحسرة وقهر وتسكت سمعت باب البيت يندك عرفت امي راح تكوم رأساً كلت
:- يمة ضلي اني اروح افتحة

طفيت النار واتمشيت طلعت من باب المطبخ امسح ايدي بطرف دشداشتي اول مافتحت باب البيت صارت كدامي خالتي اينور الابتسامة شاكة وجها وشايلة علاليك من يمينها ويسارها...

اول مشافتني ضحكت بفرح:- نازدار هاي انتِ هناا

هزيت راسي بخفة وتعب اتقربت علي وهي ماسكة بأيدها علاليك هواي عافت جزئ منهن بلكاع واتقربت ضمتني لصدرها وباستني
:- ياهلا فرحتيني والله جبتلچ هواي اشياء وياي من السفر

جريت النفس بقهر مااكدر احجي شي اتبعدت عني تناظـرني بفرح:- وين نورجان موجودة جوة

هزيت راسي من دون مااحجي كلمة طبگت حواجبها مستغربة قبل لتحجي كلمة اجانة صوت امي التعبان من ورا:- هلا بيچ خية اينور

باوعت خالتي على امي بأبتسامة:- ياهلا جبتلچن وياي احلا هداية من السفر صدك اتونسنة

هزت امي راسها من دون متحجي باوعت علينه خالتي مستغربة:- شكو صاير شي بيها وجوهچن تعبانة

اتقدمت تمشي بيدها العلاليك:- شكو نورجان ليش عيونچ مورمة عليمن باچية

جرت امي النفس بقهر ونزلت دمعتها:- صار الي خفت منه يااينور

اينور:- شكو شنو صار احچن لتضلن ساكتات

رأساً شفت يلدز واكفة بباب الصالة شعرها المبعثر ووجها الذبلان عيونها المتورمة من البچي وندبات الضرب بوجها باوعت عليها خالتي ووسعت عيونها منصدمة وگعن من ايدها العلاليك كالت وهي تركض على يلدز:- وللجج يلدزز شبييجج شبي وجهجج

مسكت ايدها تهز وهي تتسائل بس يلدز ساكته ودموعها على خدها عافتها خالتي واجت علي
:- شكو نازدار احجي شصاير بيها اختچ منو ضاربها

قاطعت هل اسأله امي وهي تكول
:- فؤاد جابها النه البارحة وهذا حالها

وكفت خالتي مستغربة باوعت ليلدز ورجعت باوعت لامي:- بأي حق فؤاد هيج يمد ايده عليها شلون هيج ضاربها ومعنفها تعنف فهموني السالفة