السمراء وصاحب العكازة

part-27-

- السمراء وصاحب العُكازة
- رهـف هُمـام

- نجمة للبارت تعاليقكم🌟🗨️
- انستغرام فولو:rahaf_hammam

...............
نَـازدار...

مرت ايام واسابيع عرفت اخبار فاطمة امي رايحة لمحل اكرم وسأل عن فاطمة صارت عندها اسقاط ودخلوها لمستشفى حالتها كلش صعبة ونفسيتها هواي تعبت اصلا مقدمت لجامعة مدري تأجلها لسنة جاي لو تعوف جامعة معرف...

مكدرت ازورها لان اني صارت حالتي ابد مو تمام بودي مااطلع من باب البيت كرهت كلشي مو بأيدي
بس امي راحت زارتها أشواق جانت بالحمام تستحم وايدن برة بإحدى عصرية كاعدة ويا امي سمعت صوت الباب يدك مااعرف منو...

بس سمعت صوت نسوان طبن جوة امي رحبت بيهم عرفت هذا أم وعمة شيخ حاكم رحت لمطبخ حطيت الفوري عالطباخ اشواق طلعت من الحمام ولافة برأسها منشفة من الحمام فاتت للمطبخ:- ها نازدار منو الخطار

:- أم وعمة شيخ حاكم

اشواق:- اهوو هم اجو شو صاير هالايام هواي يجون

نازدار جاوبتها بدون نفس:- شعلينا بيهم يجون يزورون امي

اشواق:- خاف على غير شغلة

نازدار:- مثل شنو يعني

اشواق:- معرف ولله اخذي الچاي وتسمعي

هزيت راسي وشلت الصينيه صدك ولله مدري ليش كثرانه زيارتهم حتى اني حسيت اكو شي خاصه بذيج المرة ام حاكم اكلتني بعيونها وحيل قلقتني اقتربت من الباب قبل لا افوت اخترق صوتهم مسامعي وهم يكولون...

بشي صدمني وسعت عيوني بصدمه وگلبي رچف بخوف اقتربت من الباب واني اسمع كلامهم الي زلزلت كل أنحاء جسمي بـيدي صينية الچاي الي مااگدر اسيطر ...

يمكن بلحضه توگع من ايدي حسيت شفايفي يبس حتى ماأكدر ابلعي ريكي من كثر قلقي وخوفي اتقربت اكثر واسمع كلامهن الي يرن براسي...

إم حاكم:- والله ام نازدار ابني رايدها صح هو متزوج بس هم حقه يصير عنده جهال واكو كومة بنات بس هو اختار بنتچ واحنا نعرف شكد معدلة

إم نازدار:- والله معرف شكلچ خيتي بس و..

ام حاكم:- بس شنو ياخية ام نازدار احنا عدنا خير من الله بساتين وبيوت راح نعزلها بيت وهم شيخ حاكم ناوي ينطوكم بيت تجين انتِ هم يمنا وتكونين قريبة من بنتچ

إم نازدار:- اني من مستحيل اجي اعيش يم احد ولا تنسين لازم اسأل البنية وأخوها

اسمع صوت ضحك ام حاكم كملت كلامها وهي تكول
:- اي اي حبيبتي حقكم بس ترة قبل أسابيع شيخ حاكم حجة ويا ابنچ

وسعت عيوني مصدومة عرفته هل حقير اكو فد شي بيناتهم من الفلوس الي انطاهن اله ردت امي بصدمة وهي تشهك:- هاا !!