اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
……………… نَـازدار…
من كملت الامتحانات هواي تعبت بذيج الفترة إرهاق قلة نوم بس استحملت حتى اكمل امتحانات اشواق قليل ترجع للبيت خميس ترجع الجمعة تروح كلش قليل نشوفها وحتى امي من تخبز متقبل اساعدها تكلي عندچ امتحانات سنوات تتدرسين وتتعبين ماقبل نخسره بهذ كم شهر…
الا كملت الامتحانات مرت أشهر حياتي ماشية طبيعي اخبز ويا اني اخيط اساعدها واشواق ويانة من اخر مرة ماسمعنه اي خبر عن رغد ولا امي رجعت سألت عمو صلاح نجحت من الخامس…
بدرجات مااكول ممتازة بس زينة مرت الاسابيع واسبوع يجر اسبوع بكل تفاصيلة وايامة حُبي لنصار ماانسي ابد كل يوم ادعيلة بصلاتي يكون بخير بس هذا الي بأيدي…
جنت خايفة من هذا الهدوء الي بأيامي معرف ليش بس حاولت أطمن نفسي بماكو شي لكن المقولة يكول تأتي الرياح بما لا تشتهي السفن بالفعل ورا فترة ابدأت المدارس وااستملت كتب السادس بحسبة راح نبدي دراسة اول يوم مارحت لان مالي نفس…
بس اشواق بدت تداوم لان هي مدرسة متكدر تغيب خاصة اول ايام والمديرة متشددة لازم كل المدرسات موجودات جنت اني واكفة اشتغل بالمطبخ وادندن ويا نفسي إلا أن سمعت صوت امي تصيحني :- نازدار نازدار
جرتني من ايدي واني مستغربة منو رجع بس ابتسمت وياها محسيت نفسي غير واكفة بالحوش رفعت راسي اباوع منو كاعد كدامي كأن بهل لحظة اسودت الدنيا بعيوني…
مااعرف شحچي او شكول بس الموقف ماينحچي موقف اتمنيت اموت ولا اشوفة كدامي شفتها هو هو بطولة ووجهة كدامي رچفت ايدي رمشت عدة مرات حتى احاول اصدك گبالي حقيقة او حلم…
بس جانت الحقيقية المُرة الي اتمنيت مااعيشها شفت الي جنت خايفه اشوفه بيوم ايدن كاعد بكل هدوء حاط رجل على رجل وابتسامة طفيفة تعلوا شفايفة حسيت كأن واحد دفعني على غفلة ووكعت من على جبل عالي ما گلبي نبض بخوف معقوله ايدن رجع…
