السمراء وصاحب العكازة

part-55-

- السمراء وصاحب العُكازة
- رهـف هُمـام

- نجمة للبارت تعاليقكم🌟🗨️
- انستغرام فولو:rahaf_hammam

..................
نَـازدار...

انرعبت من صوت الطلق والرمي دخلت رأسي جوة السيارة وصرخت منهد حيلي:- نصاااااررررر

بلعت ريگي بخوف ورعب گلبي نباضته علت حاطة ايدي على بطني وابچي بكل قوتي اشهگ بلبچي ماعرفت شصار ومنو تصاوب منو ذولة بس خوفي وقلقي من جهة بالي يم نصار ومن جهة بالي يم اطفالي بس الرمي صار عالي لحد لحظات واختفى كل الرمي...

بلحظة نفتح باب السيارة انقبض گلبي خلص قتلوا نصار وراح يقتلوني اني هم شهگت ابچي من دون ماارفع رأسي لحد اجاني صوتة:- نازداري

فتحت عيوني بسرعه بهل كلمة نبضات گلبي علت رفعت رأسي صار كدامي نصار وجهة تعبان حطيت ايدي على حلكي ابچي واشهك من الخوف ماكدرت انطق بكلمة مد ايدة ومسح عيوني:- اششش ياروحة لنصار خلص كلشي اختفى

:- ن...نصار شصار وياك

:- مابية شي ياروحي تعالي بسرعه نطب للبيت

انزعت بسرعه وصرخت:- نصاار اطفالنة جوة بلبيتتت

حط ايدة على حلگي وهز رأسة:- لتخافين اصلاً اني وصيت هادي يجيي ياخذهم هسة هم مو بلبيت

هزيت رأسي وكل اطراف جسمي ترجف من الخوف حد المسدس بلبنطرون اتلفتت يباوع يمين ويسار دنگ رأسة اخذ ايد وحط اي ورا ظهري كومني وطلعني من السيارة بلعت ريكي اتلفتت السياره مشخطة والرمي واصللها اتنفس بقوة...

كال نصار بصوت هادئ وهو يمشيني:- على گيف لخاطر طفلنة

التفتت الها والدموع مراضية توگف:- نـ...نصار اتصاوبت !!

:- معليچ بية ياروحي اهم شي انتِ وطفلنة

دخلنة لبيتنه سد الباب زين اخذني من ايدي طببني للصالة كعدني عل قنفة راح للمطبخ جابلي كلاص مي شربني غسلي وجهي واني كل جسمي يرجف من الخوف ماانسى الرمي الي صار...

كلت بصوت ناشف:- نصار شنو سبب هل رمي

مااجاني اي جواب كام من مكاني بعكازته يمشي ويجي ماكعد ابد رفعت رأسي اباوعله يحوم حول نفسه يمسح على ركبته يرفع ايده لوجهة يمسحة ويرجع يشعل الجگارة ياخذ منها نفس اباوع لگتفه متصاوب ونازل منة دم...

فتحت عيوني بصدمة كمت من مكاني بسرعه وركضت علي ماسكة ايدة:- نصاااررر شنووو هاايي شنوو متصااوببب

صرخت بقوة اضرب على وجهي:- نصاارر باااووع باوع الدمم انتَ متصاوب

:- نازدار اهدئي مامتصاوب مامتصاوب هذا مجرد خدشش مامتوجع منة