السمراء وصاحب العكازة

بَـارت أضـافي

- السمراء وصاحب العُكازة
- رهـف هُمـام

- نجمة للبارت تعاليقكم🌟🗨️
- انستغرام فولو:rahaf_hammam

..................
نَـازدار...

مشت حياتنه طبيعي اولادي مدارس ومشغولة بروتيني الاعتيادي اجت يمي توليب وخطية عيونها فرد نوب متشوف تباوعلي بس عيونها بغير مكان...

:- يمة ماجاي اشوف زين عيوني فرد نوب

اشرت حوالين عيونها وهي تكول:- احس هنا آلم قوي حوالين عيوني مايخليني افتحن

:- حقچ يروحي بنيتي شبيدي عليچ بس ابوچ هل ايام وياخذچ بإذن الله

كامت وهي كوة تشوف راحت لغرفتها طبعًا توليب عدها ضعف بنظرها خاصه من صارت سادس جانت تقرأ هواي هواي وعيونها تعبن متشوف ابد حتى بلنظارة رغم النظاره جانت تلبسها بس تكول يمه مااشوف...

وهل شي حيل صعب الانسان اذا عيونه مو سليمة مايعيش مرتاح بلفعل كعدنه اني ونصار فتح موضوع وياي..

:- حبيبتي إن شاء الله اني رايد اخذ توليب للسليمانية واسويلها عملية العين

ابتسمت بفرحة جبيرة:- صدك حبيبي

:- اي حبيبتي خلص كملت سادس وجمعت مبلغ العملية

:- ياريت والله خطيه متشوف ابد بلنظارة

:- اي يروحي خلص رتبت ڪل امورنه اخذها للسليمانية تسوي العملية وترجع تشوف طبيعي مااريد تدخل جامعة وعيونها موزينات بعدين البنات يضحڪن عليها وينڪسر خاطرها

ابتسمت بخفة ومديت ايدي اخذت ايدخ:- اشڪد انتَ أب والنعم منك تفكر بأطفالك قبل نفسك

:- روحي من الدنيا هُم بعدچ لعد ليش اجيبهم اذا اني مو كد المسؤلية

:- لا حشاك يروحي دومك تفڪر بأطفالك قبل نفسك
بس خاف تڪلف هواي هل عملية

:- مو مشڪلة عندي اخذت مبلغ جبير وعرفت دڪتور موجود بالسليمانية ڪلش زين للعيون راح ترجع تشوف احسن واحسن

ابتسمت بفرحة وگلبي ينبض بشدة من الفرح
:- ياالله فرحتي من الدنيا بنتي تشوف طبيعي

بالفعل نصار كمل اجرائته واخذ توليب هي وديما وصلاح ثلاثتهم راحوا ويا توليب حيل جانت متحمسة وفرحانه وڪل شوي تنكز ماما راح ارجع اشوف طبيعي وعيونه مابين شي...

واني ابتسم واهزلها برأسي راحوا من الصبح طبعاً صلاح يراسلني ويكلي حتى يصورلي توليب وديما يدزهن الي...

لحد هسه بعدهم مادخلوها حسب كلام صلاح ورا ربع ساعه بلا دخلوها للغرفة العمليات اول ماخبرني صلاح گلبي ضل يمها خفت حيل واتمنيت لو اني هسه يمها...

امشي وارجع بلبيت عيني عل تلفون وعل وڪت احسب للساعة ثانية ثانية ايدي على ڪلبي حاولت الهي نفسي اطبخ انظف بس ماڪدرت بالي ڪله يم بنتي...