السمراء وصاحب العكازة

part-49-

- السمراء وصاحب العُكازة
- رهـف هُمـام

- نجمة للبارت تعاليقكم🌟🗨️
- انستغرام فولو:rahaf_hammam

...............
نَـازدار...

شلت الدفتر وضميته رجعت طلعت غير كتاب حطيته كدام تيمور سحبه وكعد كدامي فتحة وطلع الصفحه
:- ماما لتعبين نفسچ اني اقرأ

ابتسمت مديت ايدي ومسحت على رأسه
:- هل فتره هاملتك انتَ واختك

:- عادي ماما لان انتِ مريضة وتعبانه لمن تصيري زينه تصيرين تهتمين بينه

:- اي حبيبي يلا اقرأ

نزل رأسه يقرأ سمعت صوت رغد تصيحني باوعت لتوليب:- كملي كتابتچ وانتَ تيمور اقرأ علما اجي

باوعلي ثواني وهز راسة كمت عنهم فتحت باب الغرفة صارت كدامي رغد رأساً ابتسمت:- تعالي حبيبتي سويت كلاص عصير بارد وويا كيك

:- اي ميخالف هسة اكمل دروس الاطفال واجي

ردت اطب بس جرتني:- لا لا عدنه موضوع مهم وايدن يريد يحاجيچ

:- اي هسة بس اكمل كتابة تولـ...

:- نازدار موضوع مهم شبيچ

صفنت بوجها مستغربة
:- ليش شكو خو مصاير شي

:- مااعرف يريد يحجي وياچ عل محلات وهيج لازم تجين

:- اي يلا اجيت

انطتني ظهرها وراحت رجعت بجسمي عل باب
:- تيمور خالك يريد يحجي وياي كملوا دراستكم هسة اجي

رفع راسه طبگ حواجبة بأستغراب

:- ليش شنو يريد خالي

:- مااعرف هو يحجي وياي معليك انتَ المهم كم دراستك يلا تطلع للطوبة

هز راسه سديت الباب واتمشيت للحوش امي راحت لجوارينة مديت راسي شفت اشواق ورغد وايدن كاعدين يحجون بصوت ناصي وكدامهم كلاصات عصير وماعون كيك طلعت من الباب اتمشى الباب اول مشافوني ابتسموا كامت رغد وهي تكةل...
:- تعالي حبيبتي تعالي

ابتسمت وتقربت منهن كعدت بينهم مد ايدة ايدن انطاني كلاص عصير:- شربي وعدنه موضوع

باوعت عليهم مستغربة باوعت للعصير شربت شوي من عنده وعفته على جنب مسحت على گتفي وهم يبتسمون كالت رغد وهي تاخذ أيدي بين ايدها
:- نازدار انتِ اختنا احنا نريد مصلحتچ رجلچ ماله امان

طبگت حواجبي اناظرها مستغربها
:- شتقصدن !

:- باعي حبيبتي انتِ بعدچ متعرفين نوايا

:- شلون يعني نوايا منو

:- نوايا زوجج تشوفي شخص حباب بس بداخلة غير شي صدگيني وسمعي كلامي

:- بس نصار رجال زين صراحه واله هواي مواقف تثبت هل شي

:- تؤ تؤ ابد لتكولين هيج راح ياخذ الأملاك منچ ويذبچ بالشارع