السمراء وصاحب العُكازة
- بقلمي رهـف هُمـام🌼
- نجمة للبارت+ تعاليقكم🌟🗨️
- مُتابعه حـلوة للحُـساب
- انستغـرام فولو:rahaf_hammam
………………
فَـريدة…
بلفترة الفاتت هواي اروح لأهلي لان الي صار شي چبير على گلوبهم وفاة ابنهم دانيال اعظم مصيبة يگدر يمر بيها الانسان ماتخيلنه بيوم هيج يصير ولا اتوقعنه…
دانيال جان درة مال الله يخبل وجهة احمر ومابي شي فجأة بين يوم ولليله يتوفى الطفل ويروح من أيدنه كلنه انصدمنة اني من وصلني الخبر مصدگت بس لمم رحت لأهلي وشفت البيت شلون مگلوب والفاتحة صدگت بلأخير مابيدنه الشي والموت حق…
اخوي نصار حيل تأذى بوفاة ابنة جنت كلما اروح لأهلي اشوف شلون نصار متعوب حاله وجهة الصاير اسود من الشمس وميحجي ساكت وين جان اخوي ووين صار حاله حتى نازدار تعبانه وضعفانه حيل…
صايرة جلد على عظم لا تاكل ولا تحجي ولا تسمع كأن فاصله عن عالمنه تجيها مرات تكوم للغرفة وتدور على دانيال لو تصير تضرب نفسها وتصرخ لدرجة اتخبلت…
رغم مر اكثر من أشهر بس ماكو البنية حالتها تسوء اكثر من ما تتحسن طبيت للمطبخ باوعت لدنيا بتعب وكلت:- نازدار وينها مانزلت من الغرفة
باوعت علي ورجعت تغسل مواعين:- ماكو البنية لا تحجي ولا تاكل ولا تنزل يمنة
اتقربت عليها حطيت الماعون عل سنگ وارتچيت براسي ليورى:- مامتغطية موت ابنها
:- ابد والله ماناسية كل شوي تبچي وتريدة اسمع حماي نصار يهديها
فريدة:- حقها يادنيا هذا ابنها جزئ من روحها شلون تنسى
:- الله يرحمه يشفعلهم بيوم القيامة قابل شنسوي الموت حق علينه
فريدة:- صبيلي وياچ ماعون شوربة بلگت تقبل تاكل
:- علما اصب اخذي هل عصائر لتيمور وتوليب كاعدين بلاستقبال
هزيت راسي اخذت الصينية وطبيت للاستقبال شفته توليب كاعدة تلعب وتيمور بيدة كتاب يگلبة امي ماخذة جنب كاعدة عل قنفة وبأيدها السبحة اتقربت واني اكول مبتسمة:- وينهم احباب عمتهم جبتلكم شلون عصير يخبل
فرحت توليب وركضت علي:- عمتو جبتي ويا كليجة
حطيت الصينية عل طبلة وهزيت راسي:- هسة بعيوني اجيبلچ كليجة واجي
قبل لا اخطو خطوة كالت امي بصوت منزعج
:- النوب علينه توليب تتشرط تريد كليجة عوفيهم للخطار
وكفت اباوع لامي بأستغراب:- يمة شكو بيها هي كليجة خلي الطفلة تاگل
لميحة:- خل يشربون عصير ويسكتون الكليجة عوفيها
أنت تقرأ
السمراء وصاحب العكازة
Mystery / Thrillerبيـن طـرقـاتـةً ضـيقـة وبيـوتً قـديمـة، خـلف أسـوارهـا شـائكـة وجـدران هـالكـة ، حكـايـات لـم تـِروى بعـد وجـروح لـم تنـدمـل وأمـنيـات لـم تـرى نـور ودمـوع لـم تـزل تشـق طـريقها علـى الـوجـوه البـائسـة ، علـى رفـوفـها الـمُتـربة صـور وذكـريـات وكتـ...
