- السمراء وصاحب العُكازة
- رهـف هُمـام
- نجمة للبارت تعاليقكم🌟🗨️
- انستغرام فولو:rahaf_hammam
……………
خَـضـر…
:- نصار گوم نصار شبيكك !!!!...
گلبته لجهتي واباوع لوجهة متمدد مثل جثة ويهلوس بكلمات اقتربت أكثر منه شفته يحرك شفايفه ويرجف يهمس يأسم:- ننـاززدداري تعالي بحـضني تعـالي ابوسـچ تت..
ماركزت زين بكلامة لان متقطع بس وجهه احمر مثل نار حطيت ايدي على رأسه رأسا رفعت انصدمت الدرجة الحرارة مرتفعة كلش دب الخوف بگلبي يهلوس بأسم نازدار ماعرفته المن بس مااهتميت…
بسرعة ركضت ضربت السجن الحديد بأيدي اصيح للحارس التفتت وهو يسمع صوت السجن ينضرب اشرتله بأيدي يتقرب باوعلي مستغرب تقرب علي كال بأستغراب:- ها خضر شكو
صحت بفزع واني متوتر:- نصاار واحد سجين مريض مريض كلش راح يموت الرجال لحگوه
هزا راسه وصاح واحد ثاني من الحرس فتح الباب وفاتوا للسجن ركضت لنصار سحبت ايدة حضنته من خصره تقرب الحارس كومه وياي ونصار ياخذ النفس كوة ويهلوس بكلام…
أخذوا نصار وهو بحالة صعبة إلى غرفة لعلاج ردت اطلع وراهم بس وگفني الحارس:- خيرك وين
خضر:- خليني اروح ويا هو بحالة صعبة
الحارس:- لا ماكو داعي ارجع فوت
:- خليني اتطمن علي وارجع ماتأخر
الحارس:- خضر مو بكيفي تدري الرئيس شيسوي بيَ ارجع لسجنك واحنه نخابر على واحد من اقاربة
هزيت راسي بتفهم واخذت نضرة على نصار وهو ياخذوا الحُراس جسد بلا روح رجعت للسجن ماكدرت انام ضليت افتر وعيني عل باب مارجع ابد ضل بالي علي شصار ويا…
………………
صَـلاح…
دخلت المركز وامشي بالممر وصلت المكتب جان واكف العريف اول مشافني ركص الي واخذلي تحية هزيت راسي وطبيت جوة كعدت عالكرسي اخذت صفنه عل فراغ لثواني…
سحبت الاوراق اخذ نظره عليهن هواي اوراق قضايا وشكاوي واني دااقرا بيهن اندگ الباب طب جوة الملازم علي ادا تحية وكعد:- شلونك سيدي
صلاح:- هلا بيك علي
علي:- سيدي شنو اخر اخبار المجني عليه
صلاح:- كان حادث بطريق السير واحد مرمي وعلي إصابة طلاقات بدينا بالتحقيق لمعرفة ملابسات الحادثة
أنت تقرأ
السمراء وصاحب العكازة
Mystery / Thrillerبيـن طـرقـاتـةً ضـيقـة وبيـوتً قـديمـة، خـلف أسـوارهـا شـائكـة وجـدران هـالكـة ، حكـايـات لـم تـِروى بعـد وجـروح لـم تنـدمـل وأمـنيـات لـم تـرى نـور ودمـوع لـم تـزل تشـق طـريقها علـى الـوجـوه البـائسـة ، علـى رفـوفـها الـمُتـربة صـور وذكـريـات وكتـ...
