السمراء وصاحب العكازة

part-15-

- السمراء وصاحب العُكازة
- رهـف هُمـام

- نجمة للبارت تعاليقكم🌟🗨️
- انستغرام فولو:rahaf_hammam

ما ضرّك لو كنتَ مَرْهَمي يا مُرَّ هّـمي
فلتقُل مَرْحباً أو مُرّ حُباً وأحيِني.

...............
نَـازدار...

إعادة قَليلاً لما حدث مُسبقاً...

مر تقريباً على سالفة الباص والهبطة الي صارت ثلاث ايام كعدت من الصبح غسلت وجهي وصحصحت رغم معندي مدرسة بس احب اكعد من الصبح اكون نشيطة انظف واخبز واساعد امي احسن من ما اضل نايمة...

فتحت شباك الغرفه حتى تدخل الشمس شباكنه يطل على الفرع مال الحي طلعت راسي واخدت هوى عميق كأن اريد احبس الهوى بداخلي صرت اخذ شهيق وزفير...

اتلفتت بعيوني عل بيوت اجت عيني على بنيه واكفة عل سطح تطلع بكبري لابسه الزي الكردي جان كلش حلو طالع عليها يخبل حبيته اباوع وعيوني لمعن...

من طفولتي واني اشوف اخواتي يلدز ومروه يلبسن زي الكردي وأشوف اشواق ورغد وحتى بنات بالمحلة وبلحي يلبسنة بمناسبات وكلش حلو عليهن بس دائما مكدرت البسه...

لان جان بالبيت يتنمرون علي وعلى بشرتي سمراء وخاصتاً ايدن جان كلش يتنمر علي لان مرة لبستة فهو جان موجود من شافني صار يضحك ويتنمر من بعدها صارت عندي عقده من الزي الكردي...

بس مر وكت طويل ومارجعت لبسه ابد بس هسة شفتة من جديد حلو اذا البسه صح اني سمره بس مو طوخ حيل سماري يكون ناعم لكن اني مقارنة باخواتي وامي وعمامي وکرايبي اني لمن اوكف يمهم فرق بين السما والكاع...

لان هم بيض كلش وشگر حلوين حيل وحتى عمامي عيونهم ملونه ويخبلون بس اني طلعت كلشي اختلف عنهم مجان اي واحد من اقاربنه اسمر وحتى ابوي جان حلو فكل من يشوفني يكول هذه معقولة بنتكم جانوا ابد ميراعون مشاعري...

كدامي يكولون علي شعجب بناتچ حلوات بس هاي مو حلوة مجانوا يعرفون كمية الالم بداخلي هواي تأذيت من كلامهم صارت معندي ثقه بنفسي من كد مايتنمرون بس ويا نصار حسيت بطعم الحب...

حبيت سماري الي كلما يشوفني يتغزل بي شفت الدنيا بغير منظور احياناً منعرف الشي المميز الا يجي شخص يحبنه يعيشنه بشعور الحب والاهتمام اني ماادفع البنات يحبن او الحُب هو كلشي بلدنيا...

لكن اني حبيت بظروف صعبة اشكد ماازعل من نصار يبقي بداخلي حب اله ماانسى كلش سوا وياي وخاصة مو كل الزلم مثل نصار مرات اكو يستغلون البنيه طيبتها وحبها ضعفها وقوتها...