- السمراء وصاحب العُكازة
- رهـف هُمـام
- نجمة للبارت تعاليقكم🌟🗨️
- انستغرام فولو:rahaf_hammam
……………
فَـريدة…
ركضنا كلنا على صياح ماعرفنة المن الصوت بس الرهبة أسرت بكل جسمي عندي خوفة من الصياح اعرف راح تصير مشكلة ركضنة بسرعة على صوت الصياح المستمر…
واني اتلفتت بعيوني على اطفالي عبالي صايرلهم شي بس شفت امي تلطم وتصرخ اقتربت منها مفزوعة صرخت:- ي..ييمة شكو احجي شصار
بدت تلطم على وجهها وتبچي بحرگة:- ولچ يبووووو انبگتت انبكتت
وسعت عيوني مصدومة رأساً تقرب عمي:- شكو ياام تيمور خيرچ عليمن هل صياح
رفعت ايدة وهي تصيح:- ذهيباتي انبااااكتت شحجي شكووول
طبگت حواجبي مستغربة وكل الي واكفين هم مستغربين:- يمة ياذهبات وين جانن وشلون انباكن
لميحة:- ولچ حطيتهن عالميز حتى اروح اغتسل رجعت ماكو انباكن ماااكو
فريدة:- يمة شتحجين قابل وين راحن
كالت مرت عمي وهي تهدي الوضع:- شلقصة ياام تيمور عبالنه صاير شي احترك شي طلعت هل ذهبات
لميحة:- اي وشنو همچ لو جانن ذهباتچ تفضحينه فضيحة
فريدة:- يمة هسة نلگاهن شلقصة تلكيهن طايحات بمكان لو ناسية وين حاطتهم
ضربت على خدها تبچي:- وين وين يابنتي دورت هواي ماكو اريد ذهيباتي اريدددهنن هسةةة تطلعوهنن
:- شتقصدين لميحة تردين تتهمينا على شنو اذا انتِ مضيعتهن احنه شعلينه
رفعت راسها امي بعصبية وصرخت:- والله عيني ذهيباتي ماكو وبيتكم يعني شتردون اسكت
تقربت اريد اسحب ايد امي همست واني اخزرها
:- يمة عيب هسة شيكولون علينا و…
قاطعتني وهي تدفعني:- وخري انتِ أني حطيت ذهبي عالميز رجعت ماكو تردين اسكت والله ذني ذهباتي ولا اسكت
رفيق:- ام تيمور عيب هل حجي احنه عشرة عمر ممعقولة نبوكچ قابل ماعدنه فلوس
:- والله العيب عليكم بايكين ذهباتي اني مااستحي لان ذني ذهباتي لو جانت مرتك ضاعن تتهموني اني
فريدة:- يمة كافي مانتهم هسة ندور ونلكاهن
رفيق:- احنا هسة ندور ونلكي اكيد حطيتي بمكان ونسيتي
لميحة:- لا اني متأكدة ذهيباتي انباگن لان لو ماانباكن جان يضلن بمثل مكانهن بس شو اختفن بسرعة يعني يگتوهن واريد هسة تطلعون ذهباتي
من سمعنا هيج كلنا انصدمنا صرخت بخزرة:- يمة شتحجين يمة حاشا بيت عمي
مرت عمي صرخت بعصبية:- احترمي نفسچ لميحة جاية تتهمينا وانتِ منينلچ ذهب طول عمرچ فگر
أنت تقرأ
السمراء وصاحب العكازة
غموض / إثارةبيـن طـرقـاتـةً ضـيقـة وبيـوتً قـديمـة، خـلف أسـوارهـا شـائكـة وجـدران هـالكـة ، حكـايـات لـم تـِروى بعـد وجـروح لـم تنـدمـل وأمـنيـات لـم تـرى نـور ودمـوع لـم تـزل تشـق طـريقها علـى الـوجـوه البـائسـة ، علـى رفـوفـها الـمُتـربة صـور وذكـريـات وكتـ...
