اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
............... نَـازدار...
صرخت صوت انهدت بي كل حيلي واني اشوف نصار كدامي ووجهة كلة دم حضنت الجثة واني ابچي من كد البچي فزيت واني مرعوبة النفس ميصعد...
اتلفتت بعيوني اشوف نفسي عل غرفة وصدري يعلوا ويهبط بچيت واني اضرب على وجهي صرخت بقوة :- نصااارر لاااا
محسيت غير طبت يلدز للغرفة تركض باوعتلي بفزع مصدومة واني مثل حالتها حاضنه نفسي ارچف وابچي من الخوف ركضت علي مرعوبة كعدت عل سرير وجرتني لحضنها...
:- اسم الله اسم الله شكو شكو نازدار حبيبتي
شهگت بلبچي واني مااكدر احچي رأساً دفعتها عن حضني وركضت بكل سرعتي اطلع برة الغرفة اسمع يلدز تصيح من ورا:- ولچ نازدار اوكفي ولچ اوكفيي
مسمعتلها واني اركض بسرعة طلعت للحوش وكفت كدام باب البيت اتلفتت برعب اريد اشوف نصار وين الدم وين التابوت وين عمي صلاح وين اختفوا اتلفت تايهه وكل داخلي ضايع...
