اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
.................. نَـازدار...
ركضت بين الفروع اريد بس اوصل لبيتهم وصلت لمكان الي التقيت بهذا الشخص الي غير كلشي بحياتي باوعت لمكان وتذكرت من جان ايدن يركض وراي من كسرت الكلاص برأسه...
ودميته بنفس المكان جان يركض ورأي يريد يمسكني بس نصار اعترض طريقه وضربه بعكازته منعه يوصلي شهگت شهگة بآلم وحسرة الدموع تنزل مثل مطر بليلة ضلمة...
حطيت ايدي على صدري ونزلت راسي اشهگ بالبجي وينك حبيبي محتاجتك هواي اخذت النفس گوه وبسرعة كملت ركض وصلت لگبال البيت اخذت نفس وتقدمت بخوف وتردد...
رفعت راسي تلفتت ورجعت عيني عل باب مديت ايدي وگلها رچفة دگيت الباب واني ادعي بداخلي يارب يكون موجود يارب انتضرت لثواني والخوف اعتلى كل قطعة بداخلي...
ماكو شخص فتح الباب اخذت نفس وكأن كل الابواب انسدت بوجهي بس شي بداخلي اندفع ورجعت دكيت الباب اقوى من قبل لحظات وفقدت الامل...
التفتت بسرعة شفت كبالي يشار وسعت عيوني وكأن انفتح الامل مداني ركضت علي باوع على ملابس وشلون متربات دموعي الي مراضية تسكت :- ناردار شكو شبيچ شصاير !!
هزيت راسي عدة مرات وحالتي حالة عيوني حمر من كد البچي وملابسي مخربطة ووضعي ابد مو تمام ركضت علي وتشبگت بأيدي صرخت واني اجر بلكلمة كوة:- الله يخليك عمو موجود ع...عمو
باوعلي مستغرب من حالتي ونبرة صوتي وخاصة لمن مسكت ايدة ماجنت واعية علي نفسي بس اريد افك نفسي باوع لورا ورجع نضرة علي :- نازدار شصاير شبيچ وحدچ جاية !!
مالحكت انطق كلمة غير صوت خالتي اينور من ورا :- يشار منو بالباب؟
