وصل نايف الرياض واتجه لبيت ابو ماجد ونزل
طق الباب ماحد فتح وانتظر شوي الا وصول ماجد
ارتاح نايف واستقبله بضيق وعتب وماجد ضايق وضمه
ماجد: ياهلا بالعضيد اللي انا بدونه ولا شي
نايف: عظم الله اجرنا ياخوك والله يرحمك ياعمي
ماجد: امين يارب تعال ادخل
نايف: تعال
ماجد بضيق: وين
نايف: اركب وتعرف
ركبو واتجه نايف للمكان المفضل عندهم
مكان خالي من الاصوات وهدوء
ماجد بابتسامه ضيق: جايبنا البر ماتصبر
نايف: مارتاح الا هنا شسوي
ماجد: يازين الديره بس
جلسو بهدوء المكان وظلام مافي الا ضوء القمر والهواء الهادي كل واحد جالس ساكت وسرحان بهواجيسه
ماجد اللي حس على نايف انه شايل بخاطره: اسمعني ياخوي ابوي طاح علينا بعد الصلاه ومشينا بسرعه بدون ماحس رحت الرياض اعرف اعراض ابوي مستشفى الديره مايفيد ويوم وصلنا الرياض ودخل العنايه كنت بدق عليك لكن بغلاك عندي اني ماحصلت جوالي مادري وينه واختي تصيح من جهه بعد اخذتها عند خالي لحد اشوف وضع ابوي ودقو علي وكسروني بالخبر والله اني بوقتها احتاجك اكثر من الكل لكن ماحصلت جوالي والله
نايف اللي حس عليه ولا يبي يزيد الضيق: حصل خير ياخوك والله يرحمه يارب ويصبر قلوبنا
ماجد سكت وتنهد بضيق
وجلسو ساكتين يعرفون لبعض الهدو يريحهم
________________________
عند ابو سلطان اللي تعشو وكل واحد روح هو واهله لبيته
ابو سلطان: يلا ياعيال ارقدو عشان نمشي ١٢
سلطان: ابشر يابوي
عمر: ابشر
ابو سلطان: انت ياعمر اجلس عند اهلك
ام سلطان: اي يامي يمكن نحتاج شي لاسمح الله انك موجود
سلطان: اي افضل عشان بعد ورانا العزاء
عمر: زين اجل استودعتكم الله
والكل راح لغرفته بتعب نامو
_______________________
عند بيت ابو علي
ابو علي: اسمعي يا ام علي برقد ذالحين وان كان راحت علي نومه قوميني الساعه ١١ ونص
ام علي: ليه عسى ماشر
ابو علي: بنروح انا وابو سلطان وابو راكان لابو ماجد الله يرحمه
ام علي: اي الله يرحمه يارب الا شلون عياله
ابو علي: والله ماجد ماش عسى الله يصبرهم
الكل امين
_______________________
عند بيت ابو راكان
اسمع ياراكان ترا بروح انا وعمامك للرياض مع سلطان انت اجلس عند اهلك وجهزو القهوه
راكان: ابشر يابوي
ام راكان: عسى ربي يرحمه ويصبر قلوب عايله
الكل امين
_______________________
الظهر عند ابو سلطان وهو يصارخ يلا ياسلطان اخرتنا
الله يهديك
سلطان: يلا يابوي هذاني جيت
ام سلطان: ياوليدي تمهل وانتبهو لطريقكم
سلطان باس راسها: ابشري يامي يلا فمان الله
الكل فمان الله
عمر: يبه نفتح الباب الكبير؟
ابو سلطان: اي يابوك ورح للعزبه جب عشاء الليله
عمر: ابشر
غدير: يمه يمه
ام سلطان: هلا علامك
غدير: الحين ديم وينها
ام سلطان: مادري يامي عطيني عبايتي بروح اشوف بيتهم
راحت غدير تجيبها واخذتها ام سلطان
طلعت والبيت كان مو بعيد وطقت باب بيتهم ماحد فتح سالت ورع جيرانهم قال راحت مع اخوها امس ماعودو
رجعت البيت
غدير شافت امها جايه وراحت لها: هاه امي اخبارها
ام سلطان: ماهيب موجوده رايحه معاهم
غدير: ياحياتي اكيد منهاره
ام سلطان: وعيني عاد ابوها وامها عسى الله يرحمهم ويجمعهم بجنته ويصبر قلوبهم
امين
"ملاحظه(ام ماجد وديم متوفيه لها اكثر من ٦ سنوات)
_____________
راح عمر واخذ علي معاه يجيبون الذبيحه للعزاء
علي: ولد استعجل الحين يتجمعون
عمر: ياولد تعال خذها بدالي خوش متكي بالسياره ويتشرط حول ساعدني
علي: بالله عساس بعدها برتاح يعني والله ماجيك وراي جلد برتاح
عمر: ضعيف مامنك فايده وبعدين ماهم جايين الحين الدفنه العصر
علي: عدها والله لااخليك تجي من العزبه مشي انت و الخروف
عمر: سيارتي ويتشرط بعد
علي: اعجل علينا بس
عمر: يلا حرك لاتموت
علي سكت وحركو
_____________________
خلصو الكباريه من الصلاه على ابو ماجد و الدفنه ودعو له وعودو للديره
ابو سلطان وابو راكان وابو علي راحو من سلطان
وماجد ونايف رجعو مع بعض واخته ركبت مع خالته
حركو ووصلو البيت وكانو مجهزين كل شي عمر وعلي وراكان
والناس بدت تجتمع وتعزي وتدعي له
عدت ايام العزاء والكل عود لبيته اما غدير كانت كل عصر تروح لديم تسليها وتواسيها
مرت اربع شهور بلياليها والكل رجع وتعودو
_____________________
عند بيت ابو راكان
راكان: يمه انا قررت اتزوج
ام راكان بفرحه: والله هذي الساعه المباركه ياوليدي من سعيده الحظ يامك
راكان: لا يمه مافي بنت ابيك انتي تختارين لي
ام راكان ابشر ياولدي واخيراً يامي بفرح فيك
راكان بخجل: يمه الله يطول لي بعمرك لاتخليني اكنسل
ام راكان: لا عاد بنسكت ماصدق على الله تفرحني
دخلت جود: الله مسفهلين على هالصبح وش صاير ونسوني معكم
ركان: يعني تبين نكشر عشان ماتسالين!
جود: الحين عشان ابيكم تونسوني معاكم هذا ردك
ام راكان: اسمعي اخوك يابنتي بيتزوجك
جود: هااااااه وشهووووووو!
ام راكان: اي اي
جود: اخيراً بصير اخت معرس
وضحكو الكل وجلسو يتقهوون
_________________
عند نايف وماجد بالعزبه
نايف: مجودييي
ماجد: ياليل نايف وروق هاه شبغيت
نايف: ياولد حاسدني حتى بروقاني
ماجد: انت ماعندك شي غير الحسد ياولد شتبي
نايف: شرايك نشوي
ماجد: قدااااام
نايف يلا نزل العزبه وانا بروح اجيب اللحم
ماجد: تم
تلثم ماجد بشماغه ورفع ثوبه ركب فوق الحوض حق السياره يبي ينزل العزبه
اما نايف راح للثلاجه يجيب اللحم وجلسو كان مغرب شبو النار قعد ماجد حول الدله
ونايف يشوي
نايف بطقطقه: تخيل مجود انت مكان اللحمه كذا واشويك
ماجد: وهو قلبك يطاوعك تشويني
ضحك نايف: تخيل كذا يطاوعني واشويك
ضحك ماجد: اقول خل عنك الهياط لاتحرق اللحم لاهفك بالكاسه
نايف بطقطقه: وهو قلبك يطاوعك تسويها؟
ضحكو بحب وهم فاهمين لبعض
______________
راحت ام راكان لبيت ابو سلطان
ام سلطان: يهلا نورتي اقلطي اقلطي
ام راكان: ياهلابك زود اخبارك اخبار غدوره
ام سلطان: كلنا طيبين نسال عنكم
ام راكان: تسال عنكم العافيه
ام سلطان: الا وين جود ليه ماجت
ام راكان: والله ماني مطوله جيت بسلم عليكم مره ثانيه ان شاء الله تجي
ام سلطان: الله يسلمك وحياكم الله البيت بيتكم
جلسو وبين سوالف وقهوه وشاي وضحك
ام راكان: الا ي ام سلطان عندي طلبه
ام سلطان باستغراب: اطلبي ياوخيتي لبيه
ام راكان: نبي بنتك غدير لولدي راكان
ام سلطان بصدمه: والله شرف لنا وراكان غالي وكفو فيه
لكن ياختي غدير توها صغيره
ام راكان: اعرفها وتغريد بحسبه بنتي جود وعاليه علي
وراكان ماهو مقصر معاها
ام سلطان: ياختي انتي تدرين غدير صغيره حتى المدرسه ماخلصتها لكن بشاور ابوها واشوف عنها والراي الاخير لها
ام راكان: والله لو ماعرف غدوره وانها غاليه علي ماكان جيت وانا ابيها بنتي وزوجه ولدي
ام سلطان: مافيها شكه ياروحي لكن ماقدر اقولك شي الا بعد رايها
مشت ام راكان: زين ياختي جيت بعلمك واشوف رايك ماقلت حتى لابو راكان الا بعد الموافقه
ام سلطان: زين فمان الله
نادت ام سلطان غدير جت غدير: هلا امي
ام سلطان: تعالي يابنتي باخذ رايك قبل اخوانك يجون
غدير باستغراب: سمي
ام سلطان: جتنا ام راكان وطلبت يدك لولدها راكان
غدير بصدمه: يمهه وش تقولين
ام سلطان: اي يمي علامك ترا مانتي مجبوره على شي الراي الاخير لك وانتي قولي وابشري وترا محد يعرف الا انا وام راكان وانتي بس
غدير: يامي راكان وخالتي ام راكان ونعم فيهم لكن مابي اتزوج الحين والله يوفقه
ام سلطان اللي كانت تبي كذا لانها صغيره: زين يامي
راحت غدير غرفتها وجلست تفكر شلون تنخطب الحين وهي صغيره وتو تدرس بعد
دقت ام سلطان على ام راكان وقالت اها وتفاهمو وسكرت يالله مع السلامه
دخلو العيال
عمر وسلطان: السلام عليكم
ام سلطان: هلا هلا وعليكم السلام تعالو يامي وينكم فيه كل اليوم
سلطان: والله يام سلطان انا توني جاي من الدوام
عمر: وانا كنت عند علي
ام سلطان: تعشيتو
الكل اي يمه
سلطان: وينه ابوي
ام سلطان: راح الرياض يجي بعد يومين
كلهم مستغربين كيف راح وبدون اخواني مع منو طيب؟
قالت راح مع ابو عيد يجيبون اغراض للحلال
سلطان: بس يروح كذا بدون احد من اخواني وليه معلمنا
عمر: اي غريبه
ام سلطان: يمكن مايبي براحته توني مكلمته يقول بعد بكرا جاي
الكل زين وكل واحد راح لغرفته بيرقد
_________________
عند ام راكان اللي فكرت من بتزوج ولدها وتبيها ثقه وتعرفها زين
جود: يمه فيك شي
ام ركان: افكر عروسه لاخوك حلوه وفاهمه
جود بتفكير: بنات عمي وافي نعرفهم وعمي فهد
ام راكان بتفكير: بنات وافي صح
جود فكرت بدوام راكان اللي بالرياض وجامعه لين وانها تحب المدن وممكن انها توافق قالت: يمه لين بنت عمي وافي جميله وادب واخلاق
ام راكان: والله انها ماهيب شينه بكلم ابوك ونشوف بكرا
جود بحماس ضمت امها وباست راسها: يلا يمه بروح انام تبين شي
ام راكان: لا نوم العوافي
جود: الله يعافيك
_______________________
عند بيت ابو ماجد رفيق بطلنا
ديم جالسه بملل وتهوجس من الفقد ولا بيدها حيله
اخذت جوالها تدق على اخوها
ماجد: لبيه ياعيون اخوك سمي
ديم اللي تشوف اخوها العوض عن كل شي: لبيت حاج يابعد اختك
ماجد: وانتي معي امري ياخت ماجد
ديم: مايامر عليك عدو حبيت اتطمن عليك واسالك مطول
ماجد اللي شاف الوقت متاخر واخته لحالها: لا نص ساعه بالكثير وجاي
ديم: زين انتبهلك
ماجد: ابشري وانتي بعد يلا سلام
نايف: اخو غدير وش اللي نص ساعه
ماجد: اجل وش كم تبي
نايف: مو نمرح بالعزبه؟
ماجد: اعقب وانا اخو ديم
نايف: هاااااه!!!
ماجد: هذاك يوم كان المرحوم موجود عند اختي الحين ماعندها احد ماقدر اخليها
نايف اللي فكر فيها وصح مايقدر: زين زين قم نشيل الاغراض
ماجد: يلا يلا شف القمر
نايف: لاتقول يشبهك تكفى لاتظلم حظك ترا ورانا طريق
ماجد: يشبهك تصدق
نايف: عرفت تجيبها
ضحكو كلهم
حركو وصلو الديره ونايف رقد عند ماجد بالدوانيه
