نايف بعد ماقام وشاف الفطور قدامه والديوان مفتوح وكان اجواء الديره والهواء الهادي
ماجد: صح نوم ابو ماجد
نايف بابتسامه خفيفه: صح بدنك بس بدون ثقه بالله
ماجد: ثقه بمكانها يارجال
نايف بضحكه: اقول اهجد يابو نيوفي
ماجد: ياولد تخيل اسمي ولدي نايف! شايفني انهبلت عشان اسميه عليك
نايف: اجل بس انا انهبل لحالي
ماجد: اقول قم عطيتك وجه غسل وجهك وتعال افطر
نايف: قايم بدون متقول بس تجهز بنطلع
ماجد: الحين اخلص تراني جوعان لاتخليني اكل وماخلي شي لك
نايف اللي قد صارت له وسواها ماجد: والله اشوفك ماكل وماخليت لي اذبحك
ماجد: ابشر ابشر يلا عجل
راح نايف وجلسو يفطرون وسوالف حلوه وضحك وطقطقه ومحارش بينهم
_____________________
عند بيت ابو سلطان
ام سلطان: يلا الساعه ١١ مابقي على صلاة الظهر قومو ياعيال
عمر: يمه ياخي ابوي مب موجود خلينا نرقد زين
سلطان: ايوالله خلينا شوي
ام سلطان: اقول انت وياه صلاه هذي قومو يلا وانتم بعد نايمين بدري
الا وين اخوكم نايف؟
سلطان وعمر يناظرون بعض : مدري
ام سلطان: وشهوووو!!! اخوكم من امس مب موجود وانتم ماتدرون بعد
سلطان العاقل الكبير مكان ابوك نايم ولا تدري اخوك وينه
سلطان: يمه نايف مهو صغير يعرف واكيد نايم بالعزبه هو وماجد مثل كل مره
نايف جاي مروق: السلام عليكم كيف حالكم بطقطقه اسالكم بالله ماشتقتو لي
سلطان: لا والله خربت علينا النومه بس
عمر: يسعدلي جوه ورايق بعد
ام سلطان: تعال تعال انت وينك فيه البارح وحتى ماقلت لي!
نايف: يامي يابعد راسي قايلك اني بطلع مع ماجد ورجعنا فاليل متاخر وكنت نعسان ورقد عنده وجيتكم
ام سلطان: افطرت ولا
نايف: اوههه شبعان
عمر: هذا يامي لاتخافين عليه ابو سبع ارواح
نايف: سم الله علي من الحسوديين اقول قم بس لاهفك مابقي شي للاذان
سلطان اللي قام يغسل وراح وراه عمر جلسو بالحوش وجت غدير بالخبز وام سلطان بالشاهي والحليب وجلسو مابين سوالف وضحك
_____________________________
عند ام راكان اللي قررت تكلم ابو ركان عن موضوع الخطبه
ابو راكان: تكلمي شعندك
ام راكان: يابو راكان لقيت وحده مناسبه لراكان وبنت اجاويد ونعم فيها
ابو ركان بأستغراب: ركان ! وخطبه وبنت!
ضحكت ام راكان: ابشرك ولدك قرر يتزوج وانا شفت بنت ابو علي الكبيره مناسبه له ونبي نروح لهم العصر اذا انت موافق
ابو راكان: والله هذي الساعه المباركه تم بكلمه نجيهم العصر
ام راكان: تم وعسى الله يكتب لهم الخير
راحت ام راكان تبشر جود وفرحو وقامو يجهزون
________________________
بالمسجد صلاة الظهر
الكل خلص وطلع
ابو راكان: يالافي
ابو علي: هلا هلا
ابو راكان: تعال ابيك
ابو علي: عسى خير ان شاء الله
ابو راكان: لا ابشرك خير بس ترا بنجيكم العصر بموضوع
ابو علي مستغرب: حياكم الله
وطلعو كل توجه لبيته راح نايف لماجد وسلطان راح لدوامه وعمر رجع البيت بينام
وراكان وابوه عودو لبيتهم يجهزون وابو علي راح لبيته
_______________
ماجد: ياليل انت وش جابك هنا
نايف: جابني الشوق شسوي
ماجد بضحك: ادري ماتصبر تبي نطلع للعيال بالاستراحه نلعب بلوت!
نايف: قداااام
راحو وصراخ العيال واللعبه
واخيراً صلاة العصر الكل قام يصلي وراحو العيال لبيتهم
اما ابو راكان كان ينتظر ام راكان وجود عشان يروحون بيت ابو علي
______________________
عند ام علي اللي تجهز ولا تدري على شنو الا انها خايفه شوي
لين: يمه ارتاحي خلاص يمكن عمي يبي ابوي بسالفه مب شرط كل البيت يفكر
لينا: لين انتي بذات خلك ساكته
لين: اتوقع ماكلمتك !
ام علي: قومي انتي وياها جو جيبو القهوه
دخلت ام راكان وجود وسلمو على البنات وام علي
وجلسو يتقهوون
عند مجلس ابو علي بعد ماسلمو وتقهوو
ابو علي: اي يا فيصل وش موضوعك اللي بغيتني فيه
ابو راكان: كانك مستعجل ياالافي المهم حنا جايينكم نطلب يد بنتك الكبيره على سنه الله ورسوله لولدي راكان
ابو علي بفرحه وهو يعرف راكان كفو ومايندم انه عطاه بنته: والله هذي الساعه المبارك ياخوك وراكان بحسبه ولدي لكن الراي الاخير للبنت قم يا علي اسالهم
علي قام وطق باب الصاله: ياولد
ام علي: قومي لينا شوفي اخوك وش يبي
راحت لينا: هلا؟
علي: وين لين
لينا: موجوده امر؟
علي: ناديها ابيها
راحت لينا تنادي لين وجت لين: هلا علي بغيتني
علي: اي ياخوك تعالي
وقربت لينا وقال لها: اسمعي الناس جايينا خواطيب ويبونك لولدهم راكان
وشوفي ابوي قال لهم الراي الاخير انتي وانا اشوفه رجال ونعم فيه وحتى دوامه قريب لجامعتك
لين بصمت ماتدري وش تقول
جت ام علي: شفيكم عسى ماشر
قال لها السالفه علي وفرحت ام علي : والله هذي الساعه المباركه يمك وانتي مو تبين تهربين من الديره يالله هذي جتك الفرصه وحتى بيتهم قريب لنا يمديك تجينا كل ماشتقتي
لينا اللي صدق واخيراً تطلع من الديره: تمام موافقه شوركم وهدايه الله
الكل فرح وضمها
راح علي يبشرهم
وام علي راحت تبشر ام راكان والبنات وضحك فرح ووناسه
لينا بطقطقه: جود ماتحسين شكلها بتحقق امنيتها!
جود بنفس الطريقه: الا والله يهب واخوي راكان محظوظه
لين اللي ماقدرت تتكلم وقامت للغرفه
ام راكان بس يابنات احرجتو البنت وضحكو
___________________
مرت الايام والكل عرف بالخطبه وحددو الزواج الجمعه الجايه واليوم الاثنين وكل اهل الديره متحمسين للعرس من زمان عن الاعراس خصوصاً بعد وفاه ابو ماجد
عند ام سلطان: سلطان ياوليدي وانت ماهداك ربي وقررت تتزوج ؟
سلطان اللي مايبي الموضوع الحين: يامي مو وقته وانا ماني فاضي الحين تكفين سكرو الموضوع
ابو سلطان: متى على الله تبينا نفتح هالموضوع
سلطان: يبه ياخي افهموني تكفون مابي الحين وطلع عنهم
نايف: هذا شقومه زعل
عمر بمزح : زوجوني انا يبه
نايف: ايي يبه وانا بعد
ام سلطان وهي تشوفهم بضحك: انت وياه مافي زواج بتبلشون بنات الناس بهبالكم
غدير: ايوالله حرام
نايف: اللي تتزوجني محظوظه اصلا صح عمر
عمر يعزز: اوففف ياحظها
وجلسو يضحكون
____________________
<تسريع الاحداث>
واخيراً الزواج المنتظر والكل متحمس
عند ام علي: سم الله على بنتي طالعه مثل القمر واجمل
لين بدموع: ياجعل عمرك طويل
لينا: الله ليون صارت عروسه وبعدين ليه تبكين مو عساس واخيرا بتطلعين من الديره يمههه منك عياره
لين: صح ابي اطلع من الديره بس ابيكم
ضمتها لينا
ودخلت ام سلطان معاها غدير اللي كان جماله يجذب ونعومتها وملامحها الطفوليه
ام سلطان: ماشاء الله وش هالجمال ياعروسه استودعتك الله يامي
لين: ياروحي ياخالتي
ام علي: يهلا ومرحبا بام سلطان وغدوره
ام سلطان وغدير: يهلابك
راحت لينا لغدير: اوههه غدير طالعه تجننيييينننن
غدير: وانتي ماشاء الله
____________________
عند العيال
سلطان: ولد نايف شغلت البخور !
نايف يكوي ثوبه وهو لابس سروال وفنيله وحالته حاله: لا شف عمر ولا ماجد انا بموت من الكوايه
عمر: انا جبت العود والغتر مكويه بعد شف ماجد دق عليه
دق سلطان على ماجد وانه داخل
ماجد: ياولد هذاني جيت شقومكم
سلطان: جبت البخور
ماجد: ايي اي
عمر: ايوه واخيرا كل شي جاهز
وخلص نايف لبس ثوبه قام يعدل شعره الناعم الكثيف
ماجد: ولد تمشط شعرك ليه! شعرك ناعم مايحتاج
عمر: هذا فاضي يبي ياخرنا
ولبسو كلهم وكانو شكلهم كشخه وريحه العود والبخور توجهو للقاعه
ودخوليتهم كانت فخمه نايف بجنب ماجد ويمينه عمر وجنب عمر سلطان
وكانو الكل يمدح فيهم ان كان بالمرجله والعلم الطيب والفزعه كلها فيهم
ابو سلطان يناظر فيهم بكل فخر وثقه
ابو سيف(من الضيوف): يابو سلطان لو عندي بنات كان زوجتهم هالمطاليق
ابو سلطان بابتسامه: لنا الشرف والله
سلمو العيال وبدو العرضه والسامري وعادات اهل الديره
______________
عند الحريم
وبدو الرقص والكل يمدح اخت المعرس جود
ورقصت ديم اخت ماجد والكل قام لها من جمالها الجذاب وادبها واحترامها للكل
وخلصت جلست عند البنات
ديم: اف يابنات تعبت
جود: انا احس بموتتتت من رجولي اهخ اخر مره البس كعب
غدير: يلا هانت مابقي شي ويروحون
لينا: بنات شوفو ايلاف نظراتها يعع
جود: اي شفتها مقهوره وشايفه نفسها
ديم: على نفسها ماحد مهتم لها
غدير: بروح اشوف امي تبي شي
___________________________
بدو المعازيم يخفون والكل قام يروح وقال ابو راكان يلا مشينا ناخذ معرسنا لعروسته
العيال بطقطقه: اخس راكان متزوج عطنا وجه ياولد
تركهم بدون كلام
علي: هذا بعد الباديه سحب علينا اجل شلون
العيال كلهم ضحكو
وراح نايف مع راكان وابو راكان والعيال راحو يرتبون المكان ويفكرون بجلسه بعد العرس
وصلو عند بيت ابو علي والكل قام يودع لين بدموع يحاولون يتداركونها
ودخل ابو راكان وراكان بالوسط ومعاه نايف
جود وهي تناظر نايف من بعيد وهي فعلاً معجبه بشخصيته
نايف دخل ورا راكان وراح لامه طاحت عينه بعين جود وصد بسرعه
ام سلطان: اوففف اوففف والله غلبت المعرس يامي الله يحفظك وعقبال عرسك
نايف تخيل جود وابتسم: امين يارب ويطول بعمرك يام سلطان
وطلع نايف بعد مادخل راكان على العروسه وعود للقاعه
تجمعو العيال
علي: تبون نجتمع بالاستراحة نلعب بلوت
الكل قدام
نايف: يلا وعلى الصدام انت وياه
ماجد بضحك: كفو
الكل يلا نشوف الثقه بعد اللعبه
_______________
عند العروسه بعد مادخل راكان وباركو لهم وطلع هو وياها بسيارتهم رايحين ودعوهم بكل محبه
والكل عود لبيته
اما عند البنات ديم وغدير اللي تجمعو يحشون مابعد العرس وجلسه شاهي وفصفص وطقطقه
_____________
عند العيال بعد مافازو عليهم نايف وماجد وتعشو على حساب الخسرانين
ورجعو البيت منهد حيلهم ونام الكل بعد تعب العرس
انتهى"
