دخلت غنى: بسم الله علامك
جود بعصبيه وخوف: انتييي وش جابك وششش قولي لي!!
نايف يهديها: خلاص اهدي الحمدلله هذي ولا غيرها
طلعت غنى وتركتهم
نايف: اسمعي جودي الحين انتي ادخلي وانا بروح احس طولت
جود: زين انتبهلك
طلع نايف وجود راحت لغنى سحبتها من يدها للغرفه: انتي وش جابك هنا عندنا فهميني؟؟
غنى: وانتي ليه معصبه علي وبعدين مين هذا
جود: وانتي وش دخلك فيني
غنى: جود لاتنسين انك مخطوبه
جود: ياغبيه هذا نايف
غنى مستغربه: وليه جاي ورا البيت ليه مو من الباب؟
جود: ابوي وراكان مب موجودين وخوالي وعيال خوالي عصبيين مستحيل يسمحون وانتي ادرى
غنى: صادقه بس لايكون شافني
جود: حتى لو شافك ماتهمينه
غنى: اقول توكلي بس اخر همي انتي وياه
طلعت غنى وتركتهم
الجده: وين كنتي وراه وجهك مصفوق
غنى: مافيني شي
الجده: متاكده؟
غنى: ايوه
سكتو يسولفون جمعه خوال وطقطقه
-
طلع نايف يدور عمر
جابر: ولد !!
نايف بتوتر: تناديني؟
جابر: ايه تعال
وقف نايف عنده: سم
جابر: وش عندك هنا
نايف مايقدر يكذب لان بيعرفه بعدين: لايكون الشارع لك وانا ماعرف!
جابر: اقول جاوبني لايصير شي مايعجبك
نايف: شوف انا محترمك لانك اكبر مني لكن انك تهددني تخسي
جابر بعصبيه: تراني ساكت لكن نصيحه جاوبني
قاطعهم وصول عمر: نايف يلا
تلطم نايف وركض للسياره لحقه جابر بس اسرعو عنه
عمر: علامك ياخبل
نايف: يارجال جاني بالشارع حشرني باسالته وشديتها
عمر: بس ماشافك
نايف: لا الحمدلله
وقف عمر
نايف: وراك وقفت
عمر: وبعدين اذا شافك
نايف: هذا اللي خايف منه بس ماعليه بقول كنت بشوف جود وعمي مو هنا ورحت
عمر: الاعذار عندك جاهزه
نايف: اذكر الله هههههه
-
دخل جابر البيت وبكل عصبيه وصوت عالي: الكل يجي بسرررعه
تجمعو الكل بالصاله
جود بهمس: لايكون علمتيه ياويلك
غنى: اعلم مين
جابر: اسمعونيييي زين من فيكم جايبه ابن ال.. هنا
ابتهاج: بسم الله خالي من هو وشقاعد تقول
جابر: حركات بزران مابيها وانتم تعرفوني زين لاعصبت
الجده: علمنا الهرجه وراك تصارخ مافهمنا شي
جابر: يامي في وحده منهم مقابله تعترف قبل اعرفها واذبحها
الجده ناظرت غنى تذكرت يوم جتهم بالصاله: غنى ماعلمتيني
غنى بتوتر وخوف: اعلمك شنو يايمه.
ملاحظه( غنى عايشه مع خوالها وعند اجدادها )
الجده: يوم كنتي متوتره قبل ربع ساعه
الخال جابر بعصبيه: ايوههه انا شفت ابن ال.. قبل ربع ساعه طلع انتي ياغنى اللي توقعتك اعقل منهم كلهم اثريك كذا
غنى: والله ياخالي ماسويت شي والله
الجده: كل هذا وصدفه مستحيل
غنى تناظر جود
جود بصوت خفيف: ياويلك تقولين شي
غنى وعيونها دموع: والله ياخالي مو انا والله
طقها الخال كف وسحبها للغرفه من شعرها: ياويل اللي يعطيها اكل ولا يفتح لها الباب
غنى منهار: خالي والله ماسويت شي تكفى ياخالي انت ادرى فيني
الجده: ياحيف بس
جلسو بالصاله
الجد حمد: وراكم معصبين
جابر كان بيتكلم بس مسكت يده الجده عشان يسكت
الجده: البنات يصارخون طلع قطو داخل عليهم وجابر عصب منهم
الجد بابتسامه: خفو عليهم لاتزعلونهم الا وينها بنت جدها
الجده: راقده
الجد: كيف راقده غريبه غنى ترقد بذا الوقت
جود: اي تعبانه
الجد: براحتها بس كلت شي
جابر: اييه يبه وغنى مو صغيره تعرف مصلحتها
-
عمر: الحين وين تبي نروح
نايف: الحين بدق على جود خايف سوا لها شي وبعدها نروح لاهلي
عمر: يلا
نايف دق على جود ثلاث مرات وماترد
عمر: وش صار
نايف: ماترد ياولد الله يستر
عمر: جرب ثاني مره
دق عليها وكان الجوال عند غنى بالغرفه شافت المتصل ردت عليه بقهرر كان صوتها ناعم طفولي
غنى بدموع: نعمم!!! خير وش تبي
نايف مستغرب: اسف اختي بس هذا مو جوال جود؟
غنى: اي جوالها وكله بسببكم طقني خالي الله ياخذكم
نايف: دقيقه ليه تدعين وش صاير
غنى منهاره: خالي طقني والسبب انت وحسباله انا اللي جبتك
نايف مصدوم: كيففف وجود وش صار عليها
غنى تبكي: جباانه ماعترفت وحطتها براسي ليه ياخي ليه ترا انت زوجها تقدر تقول بس تبيهم يضربوني
نايف: لاتبكين هدي وامسحي دموعك وانا اسف وابشري باللي يرضيك
غنى: لاترضيني ولا شي وروح بس فكوني منكم
نايف: طيب بعدين مافكرتي
غنى: خالي اعرفه ماراح يخليك خلاص روح
نايف: والله ماتبكين بسببي
سكرت غنى وجلست تبكي
عمر: وش
نايف: رجعني
عمر: وين؟
نايف: لبيت خوال جود
عمر: تمزح صح!!
نايف: لاوالله صادق
عمر: يارجااال واضح عصبي مانصحك
نايف: ماعليه حرك
حركو واتجهو لبيت خوال جود وقف عند الباب
عمر: صامل
نايف: خلك هنا الحين اجي
عمر: ياولد
نايف: ازهلني
طق الباب وفتح بزر
نايف: وين خالك جابر
سعود: بابا بالدوانيه
نايف: روح له وقل يبيك رجال برا
سعود: ادخل
نايف: لا مستعجل
راح الورع للدوانيه: بابا بابا
جابر: علامك
سعود: في رجال يقول تعال برا
جابر: وليه ماقلت له يقلط يابوك
سعود: قلت له يقول مستعجل
طلع جابر برا: هلا؟
نايف مشخص: السلام عليكم
جابر: وعليكم السلام سم شبغيت
نايف: اسمعني زين وقبل كل شي لازم تفهم
جابر: ايوه! من انت
نايف: انا نسيب ابو راكان نايف
جابر: يهلا ومرحبا
نايف: انا اسف اني رحت عنك مشوي بس استحيت وخفت تفهمني غلط وبعد ماعرفت ان عمي مهوب هنا طلعت
جابر: انت اللي مشوي لحقتك؟؟
نايف: اي
جابر: زين توكل
دخل وسكر الباب بقوه
نايف: وجع
عمر انهار ضحك
نايف: يسكر بوجهي وانا اخو سلطان
عمر: ههههههههههههههه تعال بس خلنا نعود ابوي يقول بيتعشون
نايف يناظر البيت: الشرهه علي اللي جيت وقلت لك لكن لو المسكينه اللي ظلمتوها ماجيت
عمر: يارجال امش
راحو لبيت ابو بسام
ابو سلطان: وينكم فيه
نايف: سلمنا على العيال وجينا
سلطان: شفيها يدينك "كانت مجروحه من الجدار"
عمر: طاح
نايف: اي واحس للحين ماتخطيت
سلطان: تستاهل
نايف: خلاص مو وقتك متى العشاء برقد
عمر: جوي انت
سلطان: ههههههههه كلن على همه سرا
-
عائله ابو علي طلعو للبر ومعاهم ماجد وديم
لينا: ياخي وناسه
ديم: احب البر
لينا: يجنن بس لو معانا غدير وجود
ديم بابتسامه مصطنعه: ياليت
ام علي: تعالو تقهوو
ابو علي: ماجد ياولدي اجلسوعند النارعن البرد
ماجد: ابشر ياعمي تعال اجلس عندنا نسولف
ابو علي: يلا جاي
لينا: اخوك يجنن
ديم: اخوي اكيد
لينا: خفي علينا
ديم: هههههه صدق بسم الله عليه يجنن محظوظه زوجته
لينا: ايوالله الا شرايك نتسابق فوق الجبل
ديم: قداام
لينا: والخسران وش يسوي
ديم: يغسل الصحون
لينا: تم
راحو فوق بالحيل وصلو
ديم: جاهزه
لينا: لا يمه اصبري تعبت خليني ارتاح شوي
ديم: شوفي كذا يشوفوننا العيال خاف ماجد يشوف ويعصب علينا
لينا: اصبري ياخي برتاح وبعدين مو بجهتنا مراح يشوفون اجلسي
جلست ديم عندها: تصدقين احس اشتقت لغدير
لينا: ليه مو تجينهم
ديم: من زمان ماجيتهم
لينا: من متى وليه
ديم: مدري بس من زمان
لينا: مضايقك شي
ديم بتنهيده وعيونها تلمع: جود
لينا: شفيها هذي بعد
ديم" قالت لها كل شي "
لينا: وشهووو وانتي ليه تو تقولين
ديم: رديت عليها ماسكتت مابي اقول لكم تزعلون منها وتقول فرقتينا بعد
لينا: بجيحه
ديم: الله يهديها
-
جابر فتح الباب على غنى وجلس عندها وكانت منسدحه على السرير ومغطيه عيونها بالبطانيه: غنو
غنى وعيونها دموع وخايفه: خالي وش تبي بعد
جابر: انا اسف ياروح خالك ادري انتي مو كذا وواثق بس لحظه غضب
جلست غنى وحالتها حاله: اذا انت واثق ليه تضربني كذا وقدامهم
جابر: والله لحظه غضب والله وحقك علي
غنى سكتت
جابر: يلا اطلعي واجلسي معاهم
غنى: مابي اجيهم
جابر مسكها بيدها وطلعها بالصاله والكل يناظر مستغرب: اللي حصل مشوي سوء فهم وغنو اعتذرت لها وياويلكم تزعلونها
الجده: وش صار
جابر: اسالو جود
جود بصوت عالي خافت وماتدري وش تقول: علمتيهم
جابر: وجع وقص يقص لسانك والله لو سمعتك تطولين صوتك ياويلك
غنى: ماعلمت هو جاني وقال
جابر: خلاص حصل خير واسكتو ولا اشوف اصواتكم طالعه
-
خلصو العشاء والكل راح لبيته
ابو سلطان: استودعتك الله يالنسيب
ابو باسم: حياكم الله وعودو والله انبسطنا
ابو سلطان: باذن الله
نايف: تشوف الحب ولا
سلطان: اسكت لا
عمر: ليه بنمشي ودعها
سلطان: مستحي شلون اقول
نايف: ياليل اخواني مايعرفون يسنعون نفسهم
عمر: اي لو ماجيتك كان مجلود
نايف بهمس: اسكت محد يعرف غيرنا
سلطان: وش تقول
نايف: بسيطه كلمها وخلها تجيك
سلطان: وكذا عندك سهله
نايف: زوجتك ترا
عمر: لاتسوي نفسه اطلب من عمك افضل
نايف: الا ياعم تعرف بنمشي للديره وسلطان بيشوف زوجته قبل نشد ومستحي يقولك
سلطان تهوهق مايدري وش يقول ابتسم بس
عمر: هههههه وجهك واضح متورط
سلطان: الله لايوفق عدوه
ابو بسام: زين ادخل المقلط الثاني واقول لها تجيك
سلطان: يعطيك العافيه ياعمي
ابو سلطان: يلا نمشي
-
ام سلطان: يلا ياغدير مشينا
غدير: يمه شوي
ام سلطان: ابوك واخوانك ينتظرون برا يلا
غدير: ياخي يوم زانت الوناسه مشينا
ام بسام: يهلا فيكم وانتبهو من الطريق
ام سلطان: لاتوصين
طلعو عند الباب ام سلطان: يلا مع السلامة
ام بسام: استودعكم الله
ركبو السياره السواق نايف والمعاوني ابوه وورا ام سلطان وغدير
ام سلطان: وين سلطان اجل وعمر
ابو سلطان: بيلحقوننا
غدير: يبه نمشي الحين احس اخر الليل وطريق طويل صعبه خلينا الصبح
ابو سلطان: نشوف بس لكم اغراض بالشقه
ام سلطان: اي اكيد بنغير صعبه نجلس بملابسنا هذي لحد نوصل الديره
نايف: نحرك خلاص
ابو سلطان: اي يلا
-
دخلت غزيل بصوت خفيف ومنزله راسها: السلام
فز سلطان: يهلا ومرحبا
غزيل بخجل: طلبتني
سلطان مسكت يدها ورفع راسها بحيث عيونها تناظره: هالجمال حبيت اشوفه قبل نرجع واسالك تبين شي
غزيل ماتقدر تكلم مستحيه سكتت ماتكلمت وصار صمت وسلطان بقلبه يقول الحمدلله على النعمه اللي جتني
غزيل واخيرا تكلمت: شفيك تناظرني كذا
سلطان: والله ماقول الا
-عطاك من لا عطا غيرك من المغريات
تواضع وطول عنق وحسن وجه وبهاء
