ركضت تشوف كان نايف طايح انهارت: نايف!!
نايف: اخ ظهري
غنى شالته: علامك وش صار
نايف: ظهري ظهري يوجعني
غنى: من شنو
نايف: انكسر الكرسي اخ ظهري يوجعني
ضحكت غنى وبنفس اللحظه ترجف: ماتدري اني متت من الخوف حسبالي كهربك
نايف بوجع: والطيحه عادي يعني
غنى تضحك ومنهاره: يانايف متت قوم قوم الله يهداك ومن يركب كرسي صغير كذا
نايف: غدر بي الله ياخذه
غنى: اجلس شوي وبعدين ركبهم
نايف ماسك ظهره: بخلصهم الحين عشان ارتاح
غنى: كيف تخلصهم وانت ظهرك يوجعك تقل شايب
نايف: اقول لاتشمتين لايبتليك
غنى بابتسامه: اوهه ياقلبي تعال اجلس
نايف: اخ ياقلبي قوليها ثاني مره
غنى: اقرب قدامي ولا يكثر
نايف: والله ماجي وروحي كملي بكمل
غنى: انت حر واذا طحت مالي دخل فيك
نايف: عادي
-
غدير: فهود بنشري له ثوب
غزيل: اي وعمامه بعد
سلطان: ياجعله رجال
ام سلطان: يارب
سلطان: وينه ماله صوت
غدير: نايم ياعمري هو
سلطان: الحين نشري اغراض البيت ولا تبون ملابس
ام سلطان: بنخلص الملابس لانها خفيفه كلها ثوبين واكسسوارات وبعدها نروح نشتري للبيت
غزيل: اي افضل
سلطان: قدام
اخر الليل وصلو البيت بعد ماخلصو كل شي
غدير بتعب: افتح الباب بسرعه
فتح ودخلت كانت غنى جالسه و نايف منسدح على رجلها ويتأمل السماء وغنى جالسه تلعب بشعره وتصب شاي
غدير: واخيراً جينا
غنى: يهلا
قام نايف: ارحبو
عمر: تعال ساعدنا بالاغراض
نايف: متكسر مافيني حيل
دخلت ام سلطان: علامك
غنى بابتسامه: طاح
ام سلطان: ياويلي عسى مصار لك شي
نايف: لا خفيف بس توجعني شوي
دخل سلطان والاغراض شالوها كلهم تساعدو فيها
ام سلطان: خلصتو
غدير: اي خلاص
ناظرت غنى المطبخ مليان: ياويلي كل هذا بنرتبه
ام سلطان: ايي تبون الحين ولا بكرا
غدير: تكفين يمه خليه بكرا الحين تعبانه
غنى: اي افضل بكرا قبل السحور نبدا
ام سلطان: زين اجل روحو ارتاحو
غنى: تبين اسوي لك شاي ولا حليب
ام سلطان بتعب: لا يامي بروح ارقد
غدير: حتى انا تصبحون على خير
غنى: نوم العوافي وانتي من اهله
دخل الكل غرفته
-
ديم: ياربي احس اني بولد بدري
ام علي: ارتاحي خلاص روحي غرفتك
علي: قلت لك لاتنزلين ماتفهمين
ديم: طفشت من السياره
لينا: الحين تحملي
ام علي: بسم الله مايصير لها الا العافيه روحي بس انسدحي بغرفتك لاتحركين
ديم: ابشري
علي: ولا تشيلين شي اذا تبين اي شغله ناديني
لين: مو بس علي نادينا كلنا
ديم عيونه لمعت من الحنان اللي تشوفه منهم والحب اللي كانت فاقدته من زمان: ابشرو ياجعلني والله مافقدتكم
ام علي: ياروحي ولا نفقدك روحي ارتاحي
لينا: بسوي حليب تبين اجيب لك
ديم: لا ياعيني بنام
علي: نوم العوافي ياروحي
ابتسمت ديم: الله يعافيك
-
مر اليوم الجديد بترتيبات وتجهيزات واخيرا اول يوم رمضان الساعه ٦ قبل المغرب
غدير: يمه الشوربه شوفيها كذا جاهزه
غنى تلف السمبوس: قصري عليها لاتحترق لحد تجي خالتي
غزيل: نفطر بالصاله؟
مر ابو سلطان: حنا بالدوانيه وجعل يدينكم تسلم
الكل : الله يسلمك ياعمي
غنى: خلصت من السمبوس واخيرا
نايف دخل عليهم تنحنح: ترا ماجد معانا احسبو له
غنى: الحين انت وعمي وعمر وسلطان وماجد صح؟
نايف: اي ياقلب قلبي
غنى: ياخي لاتحرجني الحين
نايف ابتسم: ابشري وش تبين بعد
غزيل: نايف رح اشغلتنا
نايف: خلاص اسف
ام سلطان: شعندكم
غدير: خلصنا كم باقي للصلاه
ام سلطان: نص ساعه تقريباً
غنى: بحمس وخلاص كذا
يلا بنحط الصواني حق افطار صائم للمساكين اللي يشتغلون برا
غدير: يلا نجهزهم
-
ديم جالسه تصف الفطاير
ولين تحط الشوربه بالسفره
ام علي: يسلم يدينكم
جلست لينا: الله يسلمك يامي
علي: باقي عشر دقايق تجمعو
جلسو كلهم على السفره ينتظرون الاذان
-
عمر بصوت عالي: اذنو اذنو
الكل بدا يفطر
الساعه ٨ بعد ماخلصو المواعين وترتيب البيت
غنى: ماقد تكسرت مثل اليوم
ام سلطان: الله يكتب اجركم يامي
غزيل: صدقيني هذا لانه اول يوم بعدين بنتعود
غدير: اي
غنى: ياحلوه خفيف الحمدلله بس المواعين تتعب
غدير: لان عندنا رجال
ام سلطان: ماعليه روحو اقرو القران
الكل هدوء بغرفهم تروشت غنى وقرت ماقرت جزء من القران رفعته وراحت تلبس وتزين
بالدوانيه:
عمر: احس ان بطني ثقيل
ماجد: والله جربت شعور الحامل
قعدو يضحون على اشكالهم
ابو سلطان بضحك: بدال ماتشكرون الله تضحكون
نايف: بروح اتمشى بالديره شوي
ماجد: بخاويك مقدر اجلس
عمر: كم باقي للصلاه
ابو سلطان: حول خمس دقايق
نايف: يلا اجل اشوفكم بالمسجد
طلعت غنى كانت لابسه ثوب رمضان عليه رسمات هلال لونه ازرق وحاطه شعرها جدوله واصل تحت ظهرها شكلها يجنن
طلعت غدير لابسه نفس غنى بس لونه عنابي: اوهه اضن بالبيت في احد ينافسني بالجمال
غنى بابتسامه: والله انتي الجميله
ام سلطان: يا ماشاء الله تهبلووون الله يحفظكم
غنى: ياحبيبتي ياخالتي طالعه اجمل مننا
غدير: ايي كانها اختنا صدق
ام سلطان: ياحبيباتي
دخلت غزيل ومعاها فهد كان لابس ثوب ابيض وعمامه: تغزلو فيني معاكم
الكل ابتسم لها
ام سلطان: يامرحبا عاد انتي يام فهد غير الله يحفظك
غنى حضنت فهد: وااااه بسم الله عليه وش هالنتفه اللي لابس شماغ
غدير: شوفي الساعه انتي كيف حصلتو كبره
غزيل بضحك: بالحيل حصلت وبعد قصرتها
غنى: يا ماشاءالله يجنن الله يخليه لكم
غزيل: امين عقبال نشوف ولدك
غنى بابتسامه: امين
