عبدالعزيز: ووين
ام جابر: ورا البقاله الحق عليها يامي الحق
ركض عبدالعزيز بدون مايحس بنفسه ويفكر بغنى: الله يستر لايسويها
-
ماجد: ياحي الشوف الجلسه
نايف: ايوالله من زمان
ماجد: نبي لنا قصيده
نايف: حالياً والله مافي
ماجد: وش تسوي الحين
نايف: مادري اذا ابوي ماسمح لي بصير عندك
ماجد: حياك والله بدون ديم البيت طفش
نايف: الخوات غير ياخي
ماجد: انشهد قبل من اقوم ريحه القهوه جاهزه والبيت مرتب الحين افطر واكل برا ولا احياناً افطر عندكم
نايف: انت من العايله مايحتاج تفطر برا ادخل على اهلي بس واقلط
ماجد: استحي والله مو كل يوم عاد
نايف: يارجال ماعليه ويلا كلها كم يوم وتزوج وتتغير وياويلك تتغير علينا
ماجد: ههههه اتغير على الكل بس مو عليكم
ابتسم نايف وقعدو يتاملون
ماجد: بروح للسياره بجيب اغراض
نايف: زين بروح بتمشى فوق الجبل شوي
ليل قمرا وهدو نايف جلس على الجبل يهوجس انصدم بصوت شخص يستنجد
غنى منهلكه من الركض: تكفى ساعدني انا فوجهك
نايف: ابشري بسعدك وانا اخو سلطان
غنى: بيذبحني بيذبحنييي
نايف: اهدي وفهميني علامك!! ومن اللي بيذبحك
غنى منهاره وكلها تعب: خالييي هربت منه بيذبحني
وقف جابر: نايف ابعد عني احسن لك
نايف: دامها بوجهي والله مابعد
جابر: بتبعد بالطيب ولا بالغصب
غنى: نايف تكفى انا بوجهك وبوجه شيبانك ماتخليني والله بيذبحني
جابر: غنى لاتسببين عليه
نايف: البنت والله ماتقرب لها وانا موجود
جابر طلع الخنجر: يعني كذا ؟
غنى وكلها دموع: نايف والله بيسويها
جابر قرب بيضربه مسك يده نايف وضربه كف من وجهه واخذه ضرب لين ماطاح مسك يد غنى وركض
غنى: مقدر اركض تعبت
نايف: حاولي السياره تحت
لحقهم جابر: ياخسيس والله ماخليكم والله
وصلو السياره مصدوم ماجد: شقومك ومن هذي
نايف ركب غنى بجهه المعاوني وماجد السواق: انا بركب بالحوض اسرع ياماجد
غنى وهي منهاره: اسرع بيذبحنا اسرع
حرك ماجد بسرعه وتركو كل شي بمكانه العزبه والشاي والفرشات
ماجد: وش صاير ومن انتي
غنى تبكي: بتفهم بعد شوي بس اسرع تكفى
ماجد: اخو العيال صدق
ابعدو مسافه مستحيل يوصلهم وهو يمشي وقف ماجد: الحين فهموني علامكم ومن هذي ومن اللي بيذبحكم
نايف: هذي غنى حفيده ابو جابر واللي بيذبحها خالها
ماجد: وليه يذبحك شايفين الذبح لعب بزران ماتعرفون عواقبها؟
غنى بصوت ناعم وهادي بعد الصراخ والبكي: اعرف والله بس خالي عصبي وطبعه كذا ودايم يجازيني انا شسوي ياخي اصلا قلت اذبحني بس ماقدرت خفت
نايف: ليه طيب
غنى وهي تمسك دموعها: كله بسبب صاحب البقاله جعله مايتوفق
ماجد: وش مسوي بعد
غنى: حاول يتقرب فيني وطقيته شاف خالي قعد يتهمني وعصب خالي
نايف: والله مايسلم مني بس خلني اوصل الديره
ماجد بتنهيده راحه: الله ياخذكم حسبتكم جن
نايف انهار ضحك: كيف جن وانا كنت معاك
ماجد: حسبالي تركض وغنى الجنيه تلحقك
غنى بنص البكي انهارت ضحك: لاااا تكفى مو فوق التوتر تكسر خاطري وتشبهني بجنيه
نايف ماقدر يتحمل ماوقف ضحك وقعد يتخيل الشكل
ويشرح لماجد وفصلو ضحك
-
جابر يطق باب ابو سلطان بعصبيه
ابو سلطان: وجع من هذا اللي يطق الباب كذا
سلطان برا: خير ياخوي تطق الباب كذا كسرته
جابر: مالك دخل
فتح الباب ابو سلطان ودخل جابر يصارخ: طلعو غنى الحين ولا بيصير شي مايعجبكم
ابو سلطان باستغراب: انت علامك ومن غنى
جابر: طلعو غنى اللي هربها نايف بسررررعه
ابو سلطان مصدوم: ويش نايف انت شقاعد تهرج
جابر: ولدك نايف هرب غنى معاه طلعوها بالطيب ولا بالغصب
سلطان: نايف ماجاء ومستحيل نايف يسويها توكل على الله
جابر بصوت عالي: ياااغنى هين هين ترا بتجين ماراح تسلمين مني والخسيس اللي معاك
ابو سلطان: توكل على الله بس
طلع جابر معصب
عمر: علامه
ابو سلطان: نايف ماسلمنا منه ان كان موجود ولا مب موجود
ام سلطان: ليه بعد
ابو سلطان بعصبيه: يعني ماسمعتو انتم ولا بتجلطوني
سلطان: بسم الله عليك لاتضغط نفسك ارتاح
غدير بينها وبين نفسها: ياويلي نايف مع ماجد وغنى يقولون معاهم يمهه الحين يحبها
ام سلطان: غدير علامه وجهك
غدير: ولا شي
ابو سلطان: دق عليه شف وينه
عمر: هذا انا ادق انتظره يرد
