عند عائله ابو سلطان
غدير: يمه ماشفتي ورقه الاغراض اللي نبيها من البقاله
ام سلطان: لا يمي شوفي عمر يمكن اخذها
ابو سلطان: السلام عليكم وش هذي الاصوات علامكم
ام سلطان: مافي الا كل خير يابو سلطان بس بتجينا ام علي وناقصنا اغراض من البقاله وغدير الله يهديها ضيعت الورقه
نايف:انتم تسالون عن الورقه وانا قدني ماخذها من الظهر ولا بعد جبت كل شي وزياده
غدير: اف يانيوف تعبت وانا ادور عليها بس والله انك كفو
ام سلطان: ايوالله ياوليدي كان قايل لنا
نايف: شفيكم ترا جبت كل شي وتو الناس يمديكم
ابو سلطان: يلا يانايف يابوك شف اخوانك ورتبوها اذا فيها شي ولمو القهوه(جهزو القهوه) بيجينا عمك ابو راكان "ملاحظه (العائله الثلاث ابائهم حيل مقربين لبعض)
نايف: ابشر يابوي
طلع نايف وابوه راح يفر بالديره ونايف راح يقول لاخوانه عندهم قهوه وان ابوه قال لازم يخلصون قبل الصلاه
خلصو كل شي واسمعو الاذان مر ابوهم عليهم وشاف كل شي والم
ابو سلطان: خلصتو ايي يابعدي كفو كفو يلا يابوكم مشينا نصلي
الكل : كفوك الطيب يابوي واللي قال يلا واللي قال بغير والحقكم
......
عائله الوافي
ام علي: يلا يابنات قومو جانا العصر وانتم ماخلصتو الحين الناس ينتظرونا عيب نأخرهم
لينا: انا جاهزه باقي لين
لين: اف من الديره وعزايمها متى اطلع منها بس
ام علي: ياحيف بس كذا تهرجين على الديره وخزياه
ابرك من المدن لاعزيمه ولا شي مايعرفون بعضهم يارب لاتبلانا
لينا: ايوالله صدق يازين ديرتنا زيناه
لين: زينه عندكم بس
قاطع كلامهم ابو علي: السلام عليكم ترا بنروح بعد الصلاه خلكم جاهزين
الكل : ابشر
.....
بالمسجد
ابو سلطان دخل هو وعياله وسلمو على الموجودين قبل الاقامه
وجاء ابو راكان يرحب بابو سلطان : هلا هلا بفهد وينك يارجال لاتسير ولا لك عينه
ابو سلطان: والله يا فيصل انشغلت بالحلال خلها على الله بس الا انت شلونك وشخبارك
ابو راكان: الله يعين والله ابشرك كلنا بخير ونسال عنكم
ابو سلطان: عسى دوم يابعدي
دخل وافي وابتسم شاف اخوياه موجودين سلمو عليه العيال وحبو راسه وتقدم عند ابو سلطان: ارحب وينك ياولد نسال عنك
ابو راكان: شفت شلون ساحب
ابو سلطان بضحك وهو صدق له فتره منشغل: اووه طلعت ياولد فقيده عندكم
الكل ضحك
ابو علي: ياولد طلعت غالي جعل عمرك طويل
ضحك ابو سلطان: امين وعمرك بعد
الكل: امين
اقام الصلاه وراحو يصلون
___
عند عائله الفهد
ام سلطان: غدير يامك استعجلي
غدير بوسط انهيارها: يمههه تكفيين مب راضي يضبط الكحل عين تضبط وعين لا
ام سلطان: انتي حلوه يامي مايحتاج
غدير اللي فعلاً جميله بكل حالاتها ولو تزينت بتزين بعد زياده
غدير: ياروحي يايمه يلا بس شوي بحاول فيها
ام سلطان: يلا استعجلي
____
عند عائله الوافي
ام علي: يابنات سمعتو قومو يلا صلو عشان اذا جاء ابوكم انا خالصين
البنات: يلا يلا
خلصو الصلاه وجلسو بالصاله ينتظرون
وسمعو الباب يطق ! استغربو من بيجي الحين وماحد قال لهم
راحت لينا تفتح: منو
ام راكان: انا يابنتي ام راكان
لينا عدلت الطرحه وفتحت: هلا خالتي اقلطي
ام راكان: كانكم تبي تطلعون
طلعت ام وافي وشافت ام راكان يهلا بليلى اقلطي اقلطي
دخلت ام راكان وسلمت على الكل وجلست
ام راكان: الا يم علي كانكم بتسيرون
ام علي: ايوالله ناوين نروح لام سلطان لكن جيتك هي الساعه المباركه نجيهم بيوم ثاني
لينا زعلت كان بخاطرها تروح تونس عند صديقتها غدير بس للاسف
ولين فرحت مافي طلعه ماتبي تطلع الديره وشوارعها رغم ان الديره كان تتميز بالبساطه والروح الحلوه والهواء الهادي الجميل
ام راكان: الله يبارك فيك لكن دامكم طالعين والله ماعطلكم يلا استاذن
ام علي: لا ياختي وش تعطلينا الايام كثيره نروح لهم اجلسي اجلسي
لينا قاطعتهم ياخالتي امشي معنا نتونس وناخذ جود معنا
ام راكان: والله شورك وهدايه الله يلا بروح اشوف جود وانتم اسبقوني
ام علي: زين فمان الله
لين: اف منكم ياخي مكان لازم نروح
ام علي: اقول اهجدي لايجي ابوك يسمعك
لينا: اصلا انتي عمرك ضحكتي بس مكشره اعوذ بالله
لين: اقول انطمي لاقوم عليك
ام علي: بعد هذا اللي ناقص يتطاقون قدامي
لينا: بروح اجلس بالحوش لحد يجي ابوي
ام علي: يلا يلا كلنا نطلع
وعلى ماطلعو الا دخل ابو علي : جاهزين نطلع
الكل : اي يلا
ركبو سيارتهم واتجهو لبيت ابو سلطان
_____
عند عائله الفيصل
ام راكان: جود جود يامي وينك
جود: هلا يمه هذاني عسى خير توك طلعتي شقومك رجعتي بسرعه
ام راكان: جيتهم ماشين لام سلطان قلت بنروح نجتمع ونتقوى العصريه عندهم ونتونس
جود: والله احسن شي ملينا بطلع
ام راكان: يلا تجهزي بشوف راكان يودينا
راحت جود تتجهز وهي ماشاء الله مايحتاج جميييله مره
وام راكان راحت تشوف سياره راكان موجوده وطلع توه نازل
ام راكان: هلا امي توك جاي
راكان: اي سمي يمه وش بغيتي
ام راكان: ياوليدي بنروح انا واختك لبيت ام سلطان ابيك تودينا
راكان: ابشري بجلس برا انتظركم
ام راكان: عسى عمرك طويل ياروح امك
ركان بحب: وعمرك يالغاليه
____
وصل الوافي واهله بيت ابو سلطان وطق البوري
ابو سلطان: يلا ياعيال عمكم جاء قومو قومو
سلطان: يبه ترا بعد المغرب عندي دوام
ابو سلطان: صدق ! يمكن نسوي عشاء يابوك لكن الله يوفقك ياوليدي اهم شي دوامك
عمر وهو مقهور: ولد نايف
نايف: شقومك
عمر: ابوي يبي سوي عشاء ومافي غيرنا ياولد سلطان بيروح ياويلي بننجلد
نايف اللي ضحك: ياولد عين من الله خير لايسمع ابوي يخلينا الذبيحه
ابو سلطان: ولد انت وياه شقومكم تهامسون الرجال برا وانتم مكشرين قم انت وياه لاقوم عليكم
نايف: يبه الله يهداك توه مادخل وبعدين لاتوصي كل شي والم
ابو سلطان: عزمتو عبدالله وعياله ولا
نايف اللي مستعد ينسى الكل ولا انه ينسى يعزم صديقه المقرب واهله
نايف: اي يابوي ليه بنسوي عزيمه ورفيقي ماهوب موجود ماتجي
عمر: اقول قم بس انا اللي عازمه
نايف: يكفي انا اللي قلت لك
دخل الوافي وعلي قسم الرجال وام وافي وبناتها قسم الحريم والكل سلم ورحب وجلسو يقهوونهم
وتجمعو اهل الديره عند بالقهوه عند ابو سلطان مابين الضحك والوناسه
نايف: سلطان قم ياولد قهو اللي جو احس رجليني تكسرت
عمر: ياولد شف يدي صارت حمرا
سلطان: يادلوع انت وياه لاتحسبوني جالس تراني مثلكم
هذي خامس قهوه تسويها وغير الشاهي
نايف: وينك يا ماجد انقذني
سلطان: غريبه تاخر متاكدين قلتو لهم؟
نايف ناظر عمر: ولد عزمتهم او لا
عمر: والله عزمتهم واصلا نحتاج مجود يساعدنا
نايف: اقول اهجد ماحد يناديه مجود غيري
عمر: الله اكبر يعني اغار اقول توكل محد مهتم
نايف: كلمه وحده شف الدله قسم بالله بهبدك فيها
سلطان: ولد اهجدو لاهبدكم انا عاد
ابو سلطان: ياعيال علام عبدالله ماجاء ليكون ماصلتوه
العيال: لا يابوي قلنا له
عمر: اي يبه انا جايهم بنفسي طقيت بابهم وقلت له وقال بعد على القو
ابو سلطان باستغراب: بيصلون المغرب وهو ماجاء غريبه
نايف: انا بطلع اشوفه
ابو سلطان: اي يابوك شوفه
طلع نايف وعمر منهد حيله: سلطان تكفى تعبت ونايف راح بعد قم ساعدني
سلطان: تعال انت ركب الشاهي وانا اقهوي
عمر: يعني كذا ساعدتني
سلطان: احمد ربك خليتك تجلس
عند نايف اللي وصل بيت ابو ماجد رفيقه ويطق الباب ماحد يفتح وطق اكثر من مره ولا احد فتح
استغرب وينهم
سال واحد يتمشى بالشارع
نايف: السلام عليكم
عدنان: هلا ابو فهد وعليكم السلام
نايف: بسالك وين ابو ماجد
عدنان: والله مادري بس اللي اعرفه انهم طلعو قبل ساعه بس ماعندي علم وين
نايف باستغرب: طيب يعطيك العافيه
عدنان: ولو ماسوينا شي تقلط!
نايف وهو يفكر بماجد: لبيه لا لا ماتقصر يلا انا استاذن
عدنان: فمان الله
عند نايف اللي مستغرب وينهم ووين راح وهو بالعاده يقوله كل شي هالمره حتى الرساله مارسلها سج بتفكيره ماحس الا وهو عند عتبه بيتهم
ودخل الدوانيه
عمر: اخيراً جاء
ابو سلطان: وينه ليه ماجاء
نايف: جيت بيتهم يابوي ماحصلتهم
ابو راكان: وين رايح وهو قايل بيجي
ابو سلطان: اي غريبه بالعاده لو عنده شغل جاء تقهوى ويروح
ابو علي: يارجال تعوذ من الشياطن اكيد عندك شي ضروري ولا هي عادتن لابو ماجد يرد احد
نايف اللي مو مرتاح جلس عند سلطان
سلطان: ولد علامك وين سجيت
نايف: سلطان تكفى مو وقتك
سلطان حس على نايف وقرب له: اكيد عنده شي ضروري لاتشغل نفسك
نايف: ياخوي تعرف ماجد يعلمني كل شي واليوم مره لادق ولا ارسل شي الله يستر
سلطان: دق عليه جرب
نايف: وتسحب اني مادقيت؟ يارجال هذي عشرين مره وانا ادق مايرد
سلطان سكت مايبي يزيد على نايف
فتح راكان جواله وكانت الصدمه مبين على وجهه
ابو علي: راكان ابوي فيك شي
الكل ناظره مصدوم من وضعه
ابو علي: ياولد شقومك اهلك فيهم شي!!!
ابو سلطان: تعوذو من الشيطان خلونا نشوف الولد يابو راكان فيك شي وش صاير يابوك
راكان اللي مو قادر يتكلم مصدوم ولايدري كيف يتكلم وجواله اللي طاح من يده والكل قام من رده فعله
الكل مابين راكان فيك شي ، ياولد وش صاير ،
.......
انتهى البارت الاول انتظروني بالبارتات الجايه والاحداث الجايه🤍
