يوم جديد على اهل الديره
نايف: صباح الخير ياجنتي
ام سلطان: صباح النور ياروحي
نايف: وين ابوي
ام سلطان: جالس بالحوش مع اخوانك
طلع نايف لهم: يسعد صباحكم
الكل يهلا يهلا ارحب صح نومك
نايف: صح ابدانكم وشحالكم
ابو سلطان: بخير يابوك ماتصل عليك
نايف: مادري ماشفت الجوال بروح اجيبه
عمر: اجلس انا بروح
نايف: يعطيك العافيه
غدير: يبه ماشكيت باحد
ابو سلطان: لا يابوي من اشك فيه كل اهل الديره غالين وحتى ابو راكان ترك شغله وجاء عشاني
نايف: مايقصرون
عمر: امسك داق عليك مرتين
نايف: اما عاد متى
عمر: شف قبل ساعه
آبو سلطان: ابك ماحسيت وش انت
نايف: يبه لاتلومني نمت متاخر وبعد تعب
ام سلطان: دق عليه اتركو الكلام الفاضي
نايف: ابشري
المحقق: يهلا بابو فهد
نايف: هلابك وشحالك
المحقق: بخير اخبارك انت والوالد
نايف: بخير نحمد الله بشر عرفتو
المحقق: اشتغلت الكاميرا بس مو واضح اشكالهم من الظلام والهواء
نايف: والحل
المحقق: بنشوف بعد فتره البصمات
نايف: مطولين يعني
المحقق: مادري لكن باذن الله خلال الاسبوعين هذي
نايف: زين يلا سلام
ابو سلطان: وش قال
نايف: يقول مو واضحين بالكاميرا بيشوفون بعد كم يوم
عاد انا بطلع توصون شي
ابو سلطان: انتبهلك
-
بيت ابو ماجد
ماجد: ديم بسالك
ديم: لبيه
ماجد بتوتر: غدير بنت عمي ابو سلطان كبرك
ديم: ليه؟
ماجد: اسال بس
ديم: مجود عليناااا
ماجد: والله مادري وش اقولك لكن خلني ساكت
ديم: تكلم اسمعك
ماجد: احس اني احبها لكن يعلم الله اني ماشفتها الا مره وكانت بالغلط وابيها بالحلال بس تخلص المشكله
ديم: اعرفك ياروحي مانت مثلهم الله بتجي غدور عندي ونااااااسه
ماجد: ياعيون اخوك باذن الله بس لاتقولين لها شي
ديم: من عيوني ابشر
ماجد: بطلع انا لنايف انتبهي لك
ديم: موفق وترا انا بروح لجود
ماجد: وياك وانتبهي لنفسك وياويلك تقولين لها
ديم: ههههههههههههههههه ابشرر
-
بيت ابو علي
ام علي: لينا بتروحين معي المغرب
لينا: وين!
ام علي: لام سلطان
لينا: اكيييد
ام علي: يلا اجل تجهزي
لينا: ابشري بس وش البس
ام علي: كبرتي ولا تعرفين وش تلبسين
لينا: خلاص خلاص بلبس عبايه ونقاب
ام علي: براحتك بس بسرعه
لينا: تمام بحط ايلاينر واجي
ام علي: وش ذا
لينا: كحل هههههههههههههههه
ام علي: قولي كحل وش نانر مدري شسمه المهم روحي بسرعه ترا بروح عنك لو طولتي
لينا: يلا يلا
دخل الصاله علي: وين رايحين
ام علي: بنروح لام سلطان
علي: بتطولون
ام علي: مدري والله ليه
علي: اسال
لين: يمه وين رايحين بعد
ام علي: يوه اثريك عندنا نسيتك
لين: بصيحح يمه ترا مصار لي شهر متزوجه مسرع نسيتيني
ام علي: ههههه لا بس حسبالي رايحه مع زوجك
لين: اي تبون تصرفوني
علي: لا كل شي الا نصرفك
لين: اصلا بروح راكان بعد شوي بيجي ياخذني
ام علي: ليه ماتروحين معنا
لين: لا عمي رجع وبسلم عليه
ام علي: زين يامي انتبهي لك
لين باست راسها: لاتوصين انتي اهم
ام علي: ليناااا ياليناااااا ترا طولتي بعد لعشره لو ماجيتي رحت
لينا: يماااااااه اصبري مب راضي يتعدل واحد ضابط والثاني لا
علي: وش
ام علي: النانر
علي: ههههههههههههههههه
ام علي بصوت عالي بحيث تسمعها لينا: والله ياعليوي انا من شفتها قالت نانر بدال كحل عرفت ماعندها سالفه
لينا: هذاني جيت خلاص ماله داعي يامي يعرفون كل البيت
ام علي: الحمدلله على السلامه
لينا: الله يسلمك يلا يمه تكفين خلينا نمشي لاتفتحين مجال يطقطق
علي: من قصدك؟
لينا: محد سلام
-
طلعت ديم من البقاله رايحه لبيت جود
شافها نايف حسباله جود ومسك ولد صغير اعطاه ورقه وكان مكتوب فيها
- والله اني ما لقييت احب منك ولا بلقاه
يا وليفي حبك لعب فالقلب و أشقاني"
نايف: اسمع لو اعطيتها الورقه بعطيك خمسين
الولد: اكيد؟
نايف: والله بس الحقها قبل تدخل
الولد ركض لها: بنت بنت
ديم: هلا؟
الولد: خذي هذي لك
ديم: لي!!!
الولد: ايوه اعطاني هذاك اشر بيده على نايف
ديم لفت شافته رايح كان معطيهم ظهره: من هذا؟
الولد: مدري اتوقع اسمه نايف
ديم بصدمه: نايف ؟ متاكد
الولد: مدري قال بيعطيني خمسين اذا اعطيتك بساله اذا اخذتها واقولك
ديم: تم
الولد: بس بشرط
ديم: شنو
الولد: تعطيني خمسين نفسه
ديم: ان شاء الله
راح الولد وقفت قرت الكلام بصدمه وبنفس اللحظه بوناسه
دخلت بيت جود
جود: يهلا ومرحبا نورتينا ياختاه
ديم: بنورك بس كانك زعلانه
جود: تقدرين تقولين
ديم: افا ليه
جود: تروحين لغدير دايم وانا لا
ديم: غدير لان بيتهم قدامنا وانتي بعيد شوي
جود: اي الاعذار عندك جاهزه لكن تعالي اقلطي بس
ديم: ايوه كذا
جلسو وتقهوو
جود: وش الورقه اللي طاحت من الشنطه
ديم: هذي اءءءءء ("فكرت لو بتقول لها عن سالفه الورقه بيقولون ديم دايم تجي الفهد عشان نايف وهو مو صحيح")
جود: الوووو وين وصلتي شفيك
ديم: هذي ورقه نواقص للبيت اذا عودت بشتريها
جود: اها وبعد وش مسوين وش صار على حلال ابو سلطان
ديم: مادري عنهم
-
بيت ابو سلطان
غدير: تخيلي يا لينا ابوي انهار ماتوقعت يحبهم لهذي الدرجه
لينا: الله يعينه والحين اخباره
غدير: بخير احسن من امس
لينا: الحمدلله الا وين ديوم غريبه ماجت
غدير: مادري حتى انا استغربت
ام سلطان: ياغدير
غدير: هلا
ام سلطان: دقي على ام راكان تجي نتونس
غدير: ابشري
لينا: اي تكفين ماعندنا سوالف بنشوف نجد تعرف كل علوم الديره
غدير: ههههههههههه عندها نقالين علوم
لينا: ماتعلم مين
غدير: مايهم اهم شي تونسنا
لينا: ههههههه اهم شي
غدير: اصبري ردت علي لين
-
بيت ابو راكان
لين: خالتي
ام راكان: هلا هذاني بالحوش تعالي يامي
لين: خالتي ام سلطان تقول تعالي عندهم اهلي
ام راكان: والله تعبانه اليوم شوفي البنات
جود بحماس: اييي يمه تكفين تكفين
ام راكان: عندك ديم وبتروحين عنها
جود: لا هي اصلا بتروح ،غمزت لديم
ديم: اي اي
ام راكان: تروحين يالين
لين: لا راكان بيجي شوي مع عمي بسلم عليه
ام راكان: يلا اجل يالجود جيبي عبايتي
جود من الفرحه حضنت ديم
لين استغربت ناظرت ديم رفعت حواجبها بمعنى شفيها؟
ديم هزت كتوفها بمدري
طلعو ام راكان والبنات
ونايف وماجد كانو جالسين عند الكوفي اللي بينهم وبين ابو راكان
ماجد: حبيبة القلب وراك
نايف: احلففف!!
ماجد: والله بس لاتلتفت
التفت نايف وطاحت عينه بعين ديم فز قلبه
ماجد: ياحمار حسبي الله على عدوك قلت لك لاتلف الحين يحسبون نحش فيهم
نايف: عساس ماحشينا
ماجد: هذا اعلمك
نايف: اخ عيونها ذبحتني
ماجد: وش قلت
نايف: في دروب عيونك السود الوساع
" ضيّعيني " جعلني .. ما عاد أدل .
ماجد: محظوظه
نايف: انا المحظوظ
ديم بعد نظره نايف تاكدت انه هو وفرحت فرحه ماتوصف
جود: امشي شفيك
ديم: بسم الله هذاني امشي
ام راكان: اسكتو احنا فالشارع
نايف: هذي اللي معاهم لين يعني
ماجد: من هذي
نايف: زوجه راكان وحبيبه القلب وعمتي
ماجد: ادعاااس صارت عمتك الحين
نايف: ههههههههه
-
عند محل بعيد
علي مصدوم من وضع ابوه
ابو عدنان: هههههههههههههههههه عشرين يارجال عشرين انت عارف الرقم
ابو علي: هههههههههههههههههههههههههههه كفوو
ابو عدنان: ازهل
علي دقيقه كيف كذا ابوي! وعشرين؟ وتضاحيك!! وش يقصد اخ راسي بينفجر من التفكير ابوي وش عنده هنا وش قاعد يقول وشنو العشرين
