يوم جديد على اهل الديره
عند نايف وماجد
جالسين بالكوفي يتقهوون وساكتين
ماجد: ولد فيك شي
نايف: احس اني حبيت تخيل من امس افكر فيها
ماجد: ومنهي اللي مدعي عليها
نايف: انطم والله ماقولك لين تصير رجال
ماجد: ياولد صاير حساس يوم حبيت اقول اخلص بس من المحظوظه
نايف: اييي كذا شف ياخوك والله اني مدري من بنته لكن اللي اعرفه انها من الديره
ماجد: ماشاء الله تحبها ولا تعرف من
نايف: وانا شعرفني فيها حبيتها ياولد ونظراتها جذبتني
ماجد: الوضع فيه نظرات اجل مانقدر نقول شي
نايف: نظره يازينها
ماجد: قم قم بس لاتنسى ورانا الحلال
نايف: الديره لاتفكر فيها رومنسيه
ماجد بضحك: اييي دام الحلال عندنا مانت عايشها
نايف: ياولد عندي فكره
ماجد: ياليل الحين افكاره تصدع بالراس
نايف: مب وقت كلامك شرايك نطلع العزبه وناخذ العيال معنا؟
ماجد: قدااام والله
نايف: اجل خذ الشاص وشف وش ناقص العزبه وانا بروح للبيت مشي اقول للعيال
ماجد: تم يلا
راح نايف وبنص الطريق فز قلبه رفع عيونه شاف نفس البنت اللي جذبته
نايف: هذي هي والله نفس العيون
جود كانت لابسه عبايه ونقاب راجعه من البقاله
شافت نايف كان واقف بعيد لابس ثوب وماسك سبحته
مرت من عنده رايحه لبيتهم مشى وراها نايف لحد ماعرف من هي وقف مصدوم هذي بنت عمي فيصل
رجع لبيتهم بكل روقان واخيراً عرف اللي حبها
دخل البيت: ياعمر
عمر: نايف جاينا مسفهل اكيد وراه شي
نايف: عندي لكم طلعه فنانه
علي: وين
نايف: باخذ كم غرض داخل اشوفكم ماجهزتو ماتروحون
سلطان: والله ونايف صار يهدد
نايف: ماهدد ياخوي اقول مجهز لكم طلعه بس
سلطان: انا مانيب رايح
نايف: اقول امش بس ولو ترجع اذا ماعجبتك
عمر: يلا انا بروح اجهز واجيكم
نايف: علي روح جيب لنا سماعتكم الكبيره
علي: تم يلا بروح
وتجهزو كلهم واخذو اللي يبون وقف ماجد عند باب بيتهم طق البوري
نايف: يلا يلا جايين ودعو امهم وابوهم وراحو للعزبه
ماجد: من اللي بيسوق
نايف بغمزه: انا وانت تعال بالمعاوني بقولك شي
ماجد: اوههه واضح فيه شي
نايف: ياحلو هالشي
ركبو العيال بالحوض وسلطان قال ياويلكم تسرعون هذاني حذرت
كلهم خافو ابشر ابشر
ركب ماجد بالمعاوني ونايف السواق وعلي وراكان وسلطان ورا
ماجد: وش عندك من جديد
نايف: اقول للي بخاطري
ما جيت احبك حب مثل المحبين
جيتك غلاا باحساس قلبي يوده
اهديك روحي بلغلا محجر العين
ابني غلاگ قصر محدن يهده
ماجد: الله يالدنيا صار نيوف يحب ويكتب لها بعد
نايف: ياخوك حبيت وطحت ماسميت
ماجد: الله يستر عليك ويجمعكم بالحلال
وصلو العزبه ونزلو ورتبو اغراضهم واللي سوا قهوه واللي رتب الفرش وجلسو يشغلون اغاني
وصوت جماعي
خلي ورا العرق والوادي ... خلي ورا العرق والوادي
تكفون مرو بنا صوبه
نايف قام بالدله يلعب: ويازين الدله وبرادي
العيال يازين دله وبرادي الغضي داعج عيونه
جلسو بضحك ومن الرقص وراح الليل وهم يلعبون وسوالف
سلطان: يلا ياعيال مشينا شوفو الجو ماش خلونا نسري
نايف اللي ماكان يبي يروح بس مجبور يلا يلا
طلعو
سلطان: انا بسوق الحين يلا
نايف: بركب فوق انا
ماجد وعلي جلسو مع نايف
وعمر صار المعاوني
وقفو عند بيت علي ينزل
مشو قدام بيت ابو راكان
نايف : انشهد ان :"لذه عيونك ماخذه قلبي وصيته"
ماجد: ضاع ولدنا ضاع
نايف ضحك اسكت لايفصل علينا سلطان
نزل ماجد لبيته والعيال وقفو الشاص ودخلو البيت والكل طاح بتعب فيهم نوم مره
ابو سلطان: نايمين ومخلين الشبابيك مفتوحه والجو كذا
ياليل مادري متى يفهمون سكر البيبان والشبابيك وقفل اللمبات ونامو
اما نايف سارح بتفكيره ويقول
انت اخر هاجسي قبل المنام
وانت اول طاري لامني صحيت
والكل رقد بهدو الديره
