بعد ماتجمعو الكل الرجال بالحوش والحريم بالصاله
عند الحريم
جود: اخبارك ياديم
ديم: بخير ياروحي اخبارك انتي
جود: عسى دوم بخير دامك بخير
غدير: الا بسالك ياجود شلون المعاريس
جود: يوهه ذبحونا بالغزل كرهونييي
ضحكو كلهم
ديم: وانتي شعليك منهم كيفهم
غدير: صادقه كيفهم
جود: كيفهم ماقلنا شي بس مو قدامي ياخي
غدير: الله يديمهم لبعض
الكل: امين
غدير: وينها لينا
ديم: حتى لين ماشوفها يمكن مشغوله
جود: ويي مشغوله لين وهي عروس
ديم: لا اقصد لينا
غدير: مستحيل اصلا
جود: مدري عنها هذي
ديم: اقول اسكتي خلني اقوم اشوفها
غدير: ونادي لينا اشتقت لها
جود: اي بسرعه
قامت ديم تشوف لينا
بالمطبخ /
ام علي: لين يامي روحي للصاله او الغرفه عن الحر
لين: مستحيه اجلس بالصاله بروحي ماقدر
لينا: شدعوه الحين انتي عروس قومي بس
لين: واذا عروس يعني خلاص اروح اسوي خوي
لينا: اجلسي معاهم وسولفي
لين: وش اقول
لينا: اي شي
قاطع كلامهم دخول ديم
ديم: سلام عليكم
ام علي: هلا ديوم وعليكم السلام
راحت تسلم عليها
ديم: تسلم يدينك ياخالتي
ام علي: الله يسلمك يامي
لينا: ارحبي ديومه اشتقت لك
ديم: اوهه عاد انا اكثر الا اخبار عروستنا كانها مستحيه
لين: يوهه ديم مو مستحيه شفيكم
ديم ضحكت: لا ابداً مو واضح ياروحي
لينا: تخيلي بعد تسالني وش تسولف مع الحريم
ديم: تكفييين قولي تمزحين
لينا: شوفه عينك
ديم: ليونه انتي عروسه اجل شلون لو صار عندك بيت لحالك وش بتقولين لضيوفك
لين: يمه مستحيل مابي بيت
ضحكو الكل
ام علي: بكرا تعودين ويالله نسكتك
لينا بمزح: ايوووهه وننشب فيها عاد اذا سولفت متى تسكت
ديم: امشو نروح البنات مشتاقين لكم
لينا: من في
لين: تسالينها قومي شوفي بس
ديم: الصاله فيها واجد حنا جالسين بالمقلط
لين: الله اجل بجيكم طفشت
ديم: امشي اصلا يبونك تجين
لينا: يلا خلونا نروح يمه تبين شي
ام علي: لا يامي بس شوفي الحريم ناقصهم شي
ديم: غدير وجود قهوهم وتاكدو ماينقصهم اي شي
ام علي: ماقصرتو يابناتي
ديم: ولو كلنا اهل
لينا: يازينك ياديومه امشي خلينا نروح
ديم: امشي
لينا: لييييين بتروحين ولا نروح ونخليك
لين: يمه جايه اصبري
راحو البنات
جود: جت عروستنا اهلاً
غدير: يامرحبا باجمل عروسه
لين: يهلا فيكم
غدير: تعالي اجلسي اشتقنا لك
ديم: تعالو
دخلت لينا المقلط بعد ماشيكت على الصاله: هاااي بنات
قامت غدير وحضنتها: اهلين وحشتيني
لينا: ياخي اكثر بس شسوي
غدير: ليه ماتجين
لينا: صرت الحين البنت اللي شايله البيت اهخ بس مافضي
جود: الله يعينك
لينا: امييين وياحظك عندك مساعده
لين: وش قصدك
لينا: يعني تساعدون بعض نفسنا قبل شفيك
جود: فهمت كذا مدري عنها هي هههههه
لين: خلاص اسكتو
غدير: صرتي زعوله وقلبوس
ديم: شفيكم اهجدو ههههه
وكملت الجلسه ضحك وسوالف
_
عند قسم الرجال بالحوش
نايف: ماجد ماتحس برد
ماجد: الا هواء اليوم
راكان: ياعيال من معاه رصيد
عمر: متزوج تو وتدور رصيد ياحيف
نايف: هههههه وشتبي بالرصيد
ماجد: نسيت انه متزوج يارجال
نايف بمزح: توقعناك ثقيل طلعت خفيف بسرعه اشتقت
عمر: مشتاق بس مامعه رصيد هههههههه
ضحكو العيال
راكان: اقول انطم انت وهو بكلم ابوي جوالي طافي
علي: خذ جوالي
راكان: كان متكلم من اليوم فاكني من هذولا
نايف: صدقني لو قايل بكلمها ماراح يعطيك الجوال
علي: امس بس
عمر: بتقنعني انه مب صادق
علي: وش اللي يخليك تقول انه صادق
ماجد: عندي عندي الجواب
علي: جاك الخبل الثاني
ماجد: ليه ماعطيته الجوال يوم طلب اشوفك ماتكلمت ههههههه
راكان: علي مو كلنا نغار نفداك
العيال: هههههههههههههههههههههه
نايف: ايوههههه تعجبني كذا
علي: اقول دق على ابوك خلصنا
عمر بغمزه: راكان لاتنسى تشحن جوالك ههههه
ابو علي: ياراكان ابوك مو جاي
راكان: والله ياعمي مادري
ابو سلطان: تاخر الوقت
ابو علي: اي وبنقلط العشاء
راكان اللي مايدري عن اي شي: قلطو ياعمي
ابو علي: متاكد يابوك!
راكان: ايي
ابو سلطان: ابوك فيه شي
راكان: لا ان شاء الله
ابو سلطان: اجل علامه ماشفناه مختفي
راكان: والله ياعمي ماعندي علم جيت امس
قام ابو علي يجيبون العشاء واخذو نايف معاهم
طق باب المطبخ الخارجي
ابو علي: ياولد
ام علي: هلا
ابو علي: العشاء خلص
ام علي: اي هذا هو ادخل ادخل
ابو علي: تغشو معاي نايف
ام علي: لين انتي روحي للصاله ولينا تغطي
دخل ابو علي وعلي ونايف
ابو علي: خذ يابوي هذا الصحن عند الكبار وهذا من جهتكم
علي: ابشر
شالو الصحن وقلطو والحريم بعد
هبت رياح قويه والكل قام بيدخلون داخل
ابو فهد: شكلها عاصفه قويه
ابو ناصر: اي الله يستر ياعيال يلا خلونا نروح
ابو علي: لا ان شاء الله مافي الا كل خير
زاد الهواء والابواب تصافق من قوتها وصوت الرعد
والكل يدعي
عند الحريم/
ام سلطان: بسم الله وش هالصوت
ام ناصر: والله شكلها عاصفه
ام علي: قويه الله يستر
ام راكان: ياجود
جود: هلا يمه
ام راكان: امشي يامي بيتنا مخلين الشبابيك مفتوحه
ام علي: كيف تروحين بالهواء القوي
ام راكان: لا ياختي بيتنا هذا هو والشبابيك مفتوحه بعد وقروشه
ام سلطان: وحنا بنمشي يلا يابنات
ام علي: شقومكم اجلسو تروحون والجو كذا صاحين انتم
ام سلطان: الملابس ياختي معلقينها تنشف لاتطير
غدير: ايي يلا مشينا يمه قبل تزيد ديم تروحين
ديم: اي اكيد اجلس لحالي اجل
ام سلطان: يلا البسو عبايتكم والحقوني بنادي سلطان
غدير: ابشري
راحت ام سلطان للحوش: سلطان يامي
نايف سمعها وطلع: امي؟
ام سلطان: اي تعال تعال
نايف: هلا فيكم شي
ام سلطان: لا ياروحي ابيكم تاخذونا للبيت
نايف: اي يلا ماشين تجهزو
طلعت ام راكان وجود
ام راكان: هلا نايف شحالك
نايف: ارحبي خالتي بخير
ام راكان: عسى دوم صوت لراكان
نايف: امري شبغيتي
ام راكان: ابيه يوصلنا البيت
جود بصوت خفيف: يمه خلينا نروح مشي
سمعتها ام سلطان: وين مشي هواء قوي تعالو معنا راكان خلوه عند زوجته
نايف انبسط: يلا بروح اجيب المفتاح
ام راكان: يلا اجل
جاء نايف وشغل الجيب دق بوري لهم سمعت ام سلطان
ام سلطان: اسبقوني بروح اشوف ديم وغدير شقومهم تاخرو
ام راكان: زين زين لاتطولين
طلعو للسياره وركبت ام راكان ورا المعاوني وجود ورا نايف
ام راكان: ياويلي الجو الله يستر منه
نايف: عساه خير
طلعو البنات وجلست غدير بالاخير وام سلطان قدام وديم بالوسط بين ام راكان وجود
نايف: وقف قبال بيت ابو راكان وناظر ورا من المرايه عشان يرجع شوي جود حسبالها يناظر ديم
قربت شوي للكرسي حقه
جود: اسمع لو ماشلت عينك بيصير شي مايعجبك
انصدم نايف هذي شفيها اشيل عيني من شنو
رجعت ورا وتناظر ديم وتستحقرها استغربت ديم
ديم: شفيك؟
جود: ولا شي
نايف: يلا
نزلت جود وام راكان
ام راكان: يلا سلام ماقصرتو
ام سلطان: فمان الله
جود بنص عين سكرت الباب بقوه نايف مايحب الحركه
نايف: وجع جعل يدك وأستوعب ، أستغفر الله
مشت جود وتركتهم
وصلو البيت
ام سلطان: يلا يابنات جمعو كل شي وادخلو نايف شوف اخوانك الجو مايطمن
نايف: جايين جايين مع ماجد
خلصو البنات وجلسو بغرفتهم
غدير غيرت ملابسها وديم جالسه
غدير: شفيك سولفي
ديم: نظرات جود بالسياره صدمتني
غدير: شفيها؟
ديم: مدري تحسين كانها حاقده علي
غدير: ديم بلا استهبال شفتي بالعشاء كيف نسولف وضحك مافي شي
ديم: عشان كذا استغربت منها
غدير: لاتخافين يمكن مو قصدها
ديم: تمام جيبي شاي خلينا نروق
غدير: من عيوني كم عندي ديومه
ديم: ياحبيبتي والله
_
بيت ابو راكان
ام راكان: جود يمه وينك
جود: جايه جايه كنت ارتبت الغرفه
ام راكان: شوفي ابوك دقي عليه الجو يخوف
جود: ابشري
ام راكان: هاه رد
جود: لا هذي المره الثامنه ادق عليه مايرد
ام راكان: الله يستر
جود: يمه الله يهديك لاتخوفيني
جاء اتصال لام راكان
ام راكان: قومي شوفي يمكن ابوك
قامت جود وشافت المتصل اخوها راكان
جود: يمه هذا راكان
ام راكان: جيبيه
جود: ابشري
ام راكان: هلا يمي
راكان: يهلابك وصلتو!
ام راكان: اي تجي ولا
راكان: لا عمي حلف علينا مانروح اليوم
ام راكان: زين يامي انتبهلك
راكان: بسالك يمه ابوي جاء؟
ام راكان: لا ياوليدي وجود ياكم دقت عليه ولا يرد
راكان بتوتر: يمكن راقد هو الحزه هذي يرقد
ام راكان: يمكن يمكن
راكان: يلا يامي انا بسكر تبين شي
ام راكان: ابي سلامتك
راكان: الله يسلمك ياروحي وانتبهو لكم سكرو الشبابيك ترا هوا قوي
ام راكان: باذن الله
-
نايف شاف اخوانه رجعو وراح لماجد ببيته: بتنام هنا؟
ماجد: لا بالشارع اكيد هنا اجل وين
نايف: ياليل اقصد اختك وعندنا مافي احد عندك تعال ارقد ببيتنا
ماجد: لا وين مارتاح الا بفراشي
نايف: يارجال امش قدامي نلعب بلوت
ماجد: تعباااان مالي خلق اقوم
نايف: طيب لاتلعب ارقد عندنا
ماجد: ياولد اقولك مارتاح
نايف: والله ماقوم الا انت قدامي
ماجد: اجل ارقد عندنا احط لك فراش بالدوانيه
نايف: شف ترا بسحبك بفراشك بتقوم بالطيب ولا بالغصب
ماجد: يعني صامل
نايف: ابد مافي مفر
ماجد: يلا اجل مشينا
نايف: ايوه كذا
طلعو وكان الهواء قوي يصفق الابواب من قوته يطلع صوت بالشبابيك
ماجد: ياساتر
نايف: تلطم تلطم(يغطي وجهه بالعمامه)
ماجد: رح افتح باب بيتكم قبل اسكر البيت
دخلو الدوانيه وحالتهم حاله
عمر: بسم الله اللهم سكنهم في مساكنهم
نايف: مايضحك ترا
سلطان: علامكم كذا
ماجد: ياولد هواء وغبار يكتم
عمر: بتنام عندنا
ماجد: اي قم جب لي فراش
عمر: يسلام
نايف: شعندك
عمر: بنتونس
سلطان: ابوي وينه
عمر: داخل
نايف: راقد؟
عمر: مدري اتوقع اي
نايف: بروح اشوفه
ماجد: نايف بالله على طريقك قل لديم تجي
نايف: ابشر
دخل نايف الصاله وكان مافيها الا امه
نايف: الغاليه صاحيه
ام سلطان: يهلا وينك فيه من اليوم خوفتني عليك
نايف: افا تخافين علي وانا ولدك تخبريني انطح القوم
ام سلطان: انشهد انك رجال وكفو اخبرك بس ياوليدي تعرف الجو
نايف: لا تخافين انا كنت عند ماجد وجيت
ام سلطان: لايكون خليته والجو كذا
نايف: لا وين جبته معاي وباخذ له فراش وقالي يبي اخته
ام سلطان: زين يامي خلك بجيب الفراش من غرفه البنات واناديها
نايف: ماتقصرين ياجنتي
دخلت على البنات وكانو راقدين خذت الفراش وطلعت
نايف: تسلمين جعل عمرك طويل
ام سلطان: وعمرك يامي
باس راسها نايف واخذ الفراش
نايف: ابوي راقد؟
ام سلطان: اي وترا ديم راقده
نايف: زين زين وانتي ارتاحي
ام سلطان: ابشر ياعيوني وانتم لاتسهرون بعد
نايف: سمي
طلع للعيال وكانو كل واحد منسدح بفراشه
وحط الفراش لماجد
نايف: ماجد ترا اختك راقده
ماجد: زين بتنامون
نايف: بالنسبه لي ايه
ماجد: اي وحتى انا
عمر: ياليل خلونا نسولف شوي
نايف: عندك سوالف!
عمر: لا بس سلطان واضح عنده
كلهم التفتو لسلطان وكان ساج وانتبه لهم
سلطان: بسم الله شفيكم!!!
ماجد: اسال نفسك
سلطان: اسال نفسي بويش
نايف: وش شاغل بالك
سلطان تنهد: والله مادري وش اقول لكم
عمر: قل نسمعك
سلطان: امي وابوي سالفه الزواج ماشالوها من راسهم وانا للحين مابي الزواج
نايف: اقول اخلص تزوج بتزوج
سلطان: وانت هذا اللي هامك
نايف: امزح علامك
سلطان: وانا صراحه فكرت واجد واحس اني بتزوج
الكل: بذمتتتتتكككككك !!!!
سلطان: بسم الله شفيكم
نايف: دقيقه سمعتو ولا يتهيأ لي؟
ماجد: الا والله سمعنا
عمر: سلطان انت نايم ولا؟
سلطان: اقول وخرو عني الشرهه على اللي يفضفض عندكم
نايف: شدعوه بس والله صدمتنا سلطان اللي لنا سنين نحاول فيه بيتزوج
عمر: احلام العصر
ماجد: هههههههههه فعلاً
عمر: ايوه ومن سعيدة الحظ
سلطان: للحين محتار
نايف: من ويش
سلطان: اني اتزوج الحين وانا مو مستعد
ماجد: شف وانا اخوك انت رجال ونعم فيك وانا متاكد انها بتكون اسعد انسانه ومستحيل تقصر عليها
نايف: انشهد وياحظها دام زوجها ابو فهد
سلطان: تسلمون ولا عليكم زود
عمر: اخلص من
سلطان: تذكرون يوم اروح مع راكان
نايف تسارعت دقات قلبه وناظر لماجد بصدمه
ماجد اللي حس فيه وقعد يهديه
عمر: ايوه!
سلطان: مرينا ابو بسام وشفت وحده والله انها بالغلط وكانت متستره واحس اني ارتحت لها
نايف براحه بعد ماتاكد مو جود: ارتحت لها كيف؟
سلطان: رجال ونعم فيه والكل يجيب طاريه بالخير وانا بقول لاهلي يناسبونهم
ماجد: هذي الساعه المباركه
الكل : ايوالله
سلطان: يبارك فعمرك بس مو الحين وخلوه بينا ياعيال
ماجد: ابشر
نايف: يلا خلونا نرقد بعد الخبر الحلو
الكل: اي يلا ورانا صلاه
-
قام الكل الساعه ٩ ونص بعد صراخ من ابو سلطان وكان حالته حاله وام سلطان تهديه وغدير منهاره من وضع ابوها وديم تحاول تهدي نفسها وتهديها
نايف: بسم الله ياعيال وش السالفه وش فيه ابوي يصارخ
سلطان: الله يستر
عمر: وش صاير
ماجد: قومو شوفوه طيب انا مقدر اهلك
قامو ركضو داخل وانصدمو من ابوهم كان معصب وتعبان وعيونه تدمع
سلطان: يبه بسم الله عليك شصاير فيك شي
ابو سلطان اللي مارد عليهم وكان يردد : حسبي الله على من كان السبب حسبي الله حسبي الله
نايف انصدم مايدري وقف عند امه: يمهههه ابوي وش فيه
ام سلطان: والله ياوليدي نفسك مادري
عمر: يبه حبيبي انا فدا راسك وش فيك خوفتنا عليك
"قال لهم شفيه ابو سلطان وكانت صدمه لهم"
