بعد مرور سنه و اربع اشهر....
نايف رجع للديره بعد غياب وقف عند البقاله: اخ ماودي بالغيبه لكن الظروف اقوى هذاني جيتكم وجابني الشوق
ماجد بصدمه: نايف!!!!
نايف بابتسامه: اي
ماجد حضنه مصدوم وبنفس اللحظه فرحان: وينك اختفيييت تركت رفيقك واهلك
نايف بتنهيده: الظروف بعدتني
ماجد: ليه ماجيتنا
نايف: ماقدرت ماقدرت شلون اواجه ابوي وانا قايل بروح لجود وهو زعلان مني !
ماجد: صح اغلطت بس مو تبعد
نايف: صارت خلاص مايفيد الندم الحين الا وش صار بعدي
ماجد: والله تركتنا كذا هذي سنه مرت بدونك حصل فيها اشياء واجد منها زواج سلطان اللي كنت متحمس له تذكر يوم تقول بزفك انا بخيل عمر؟ وينك ماجيت كلنا انتظرناك حتى سلطان اللي المفروض يكون فرحان بس جلس ينتظرك كلنا فرحنا لزواجه وعندنا امل لجيتك بس ماجيت الحين عنده ولد عمره شهرين وسماه فهد سمي ابوك كل فرحاتنا ماتكتمل بغيابك امك تعبت من الانتظار وابوك بعد ماعرف انك طلقت جود ماخلا شي ماسواه عشان يحصل مكانك وعلي تزوج ديم والحين حامل بالشهر الرابع وراكان جاه ولد سمي ابوه فيصل بس ابو علي رفض تعيش معاه وابوه موجود جلست عند اهلها وهم بديرتهم يجيهم بين فتره وفتره و طلع ابوه بعد ماجلس ٧ اشهر ودفع المبلغ وابوك ماشراء الحلال اللي خسره قال مايبي واشترى الارض اللي بجنب بيتكم لسلطان وبيت ابو راكان سكن فيه ابو جابر وانا مافكرت بالزواج الا اذا جيت بس سمعت في ناس بيخطبون غدير وخطبتها قبلهم وملكت عليها وكل شي باقي بس الزواج بعد كم يوم
نايف: كل هذا حصل بغيابي؟
ماجد: عساس غيبتك قصيره!
نايف بحزن: تزوج سلطان وماجيت وجاه ولد وماشفته
ماجد: لاتسوي نفسك مهتم
نايف: والله يهمني لكن الظروف ياخي اتعبتنيييي
ماجد: وش فادتك الغيبه
نايف: فادتنييي كثييررر اولها قدرت اتخطى وانسى غلطه ايامي نسيت جود وكرهتها ندمت اني قدمت لها كل هالحب واهتميت بنفسي وفهمت محد يستاهل تضحي له فهمت ان ماتعطي الشخص اكبر من حجمه وان ماحد يستاهل تقدره وتحبه غير اهلك وفهمت ان مانت مجبور تغطي اغلاط غيرك وتمشيها عشان اللي بينكم فهمت ان الغلطه اذا تكررت تعتبر انت الغلطان لانك عطيته فرصه فهمت اذا راقبت هالشخص بتتعب نفسياً فهمت اذا انتهت الصفحه خلاااص مارجع لها نهائي ياخيي فهمت اشياء واجد استوعبت كثيرر وكنت دايم اردد ان الله يقرب لي الخير ولله الحمد
ماجد: كيف حالك الحين
نايف: طيب ومانيب طيب
واجد: افا هالكلام كله واخر شي مانت طيب
نايف ببحه: هالكلام كله صحيح بس مانيب طيب بعد فرقاكم
حضنه ماجد: ولا حنا طيبين لا انا ولا اهلك والله مشتاقين لك شوق مايعلم فيه الا الله
بعد نايف وجلس بالسياره: الحين شلون اواجه اهلي
ماجد: بيستقبلونك ويفرحون صدقني
نايف: تهقى؟
ماجد: افا عليك
-
ام سلطان: غدير تعالي
غدير: هلا يمه
ام سلطان: وينه فهود
غدير: نايم جعلني فداه بغرفتي
ام سلطان: عطيه زين عن البرد
عمر: بصحيه طفش
ابو سلطان: خلوه هالمسكين يرقد لاحول
عمر: وين امه
غدير: راحت تشتري اغراض مع سلطان
عمر: حلو يعني يمدي اصحيه
ام سلطان: لا ياويلك
بكى فهد من اصواتهم
غدير: صحيتوههه ياليل
عمر: جيبيه امانه
جابته غدير وكان لابس ثوب ونتفه
عمر: ودلبس يازينه جيبيه عندي
غدير: لا ابيه
ابو سلطان بابتسامه حب: جيبوه عندي
حطته بحضنه وكل واحد يبوسه
ام سلطان: ابعدو عنه ذبحتو البزر
غدير: ياخي يجننن
ابو سلطان: اذكرو الله على حبيب جده
ام سلطان: بسم الله عليه
دخل سلطان وغزيل
سلطان: اوه شكل اخذ الغلا عني
غدير: اييي خلاص معاد فيه سلطان بما ان فهود موجود
شاله سلطان: ترضى على ابوك
فهد ابتسم وكلهم فرحو
-
ام علي: ديم تعالي اجلسي عندنا
ديم: يلا ياعمتي جايه
علي ودعها: انتبهي لك وانتبهي لاميرتنا
ديم: وانت كيف تقرر انها بنت بعدنا ماعرفنا
علي: لاني ابيها بنت حلوه مثلك
ديم: اللي من الله حياه الله
علي: يلا باي ياروحه
ديم: انتبهلك
طلعت ديم وجلست عندهم
لينا بصوت عالي: فيييييصللللللل وجععع
لين: علامك عليه روعتيه بصوتك
لينا تلحقه بالعصاء: والله ماخليك تعال بس يعني اذا جت امك بخليك لا حبيبي
ديم: ياربي منك يالينا تراه بزر
لينا ويدها على خصرها: والبزر هذا تدرين وش سوا
ام علي: وش مسوي
لينا: خرب رسمتي اللي تعبت عليها ثلاث ايام
لين: ترا كل ابوها اسمه ماعليه
لينا: لاحبيبتي بينضرب يعني بينضرب
فيصل ورا امه ويسوي حركات يقهرها
لينا: هين بيرقدون وتجيني والله ماسوي لك شي
ديم: هذا وهو بس فيصل عندك اجل شلون ولدي
لينا: لو طلع نفس فيصل شقي طلعتكم برا البيت
ديم: هههههههه يمكن تكونين متزوجه
لينا: ياليتني اتزوج وافتك منه
لين: ياويلي ياقلبي شوفيه مسكين
لينا: انقلع برا خل سعود يطقك
ام علي: اقول انطمي لاتخلينه يطلع تعال ياروح جده عندي
ديم: ياويلي سعود شقي
ام علي: طالع على ابوه
لينا: الله يعين غنى عليهم
لين: امين
ديم: ماشاء الله البنت حلوه
لينا: اييي ماشاء الله وقويه
لين: تشبه خالها عبدالعزيز
لينا: لا وين هذي عيونها مكحله وحواجبها كثيفه تجننن تجننن مقدر اتخيلها من جمالها
لين: وانتي وين شايفه عبدالعزيز
لينا توهقت: لاتروح نيتكم بعيد شفته يوم كنت بجيب ورعك من برا وهو كان ماخذ سعود
ديم: حركااااات
لينا: انطمي انتي
ديم: هههههههه
لين: يمه منك بعدي بس خليني اروح اكلم ابو فيصل
لينا: خذي هالنشبه معك قفلي الغرفه عليه
ام علي: على قلبك بيجلس تطردونه وهو عندي تخسون
-
عبدالعزيز: صبي لي قهوه
غنى: وين خالي
عبدالعزيز: مدري اكيد طالع
الجده: وش تبين فيه
غنى: اسال لان سعود ماشوفه
عبدالعزيز: سعود عطيته فلوس وراح البقاله
غنى: بزر تخليه يروح لحاله
الجده: لا ماشاء الله عليه يسنع نفسه
عبدالعزيز: هههههههه مره حصلته طاق واحد اكبر منه وماخذ لعبته
غنى: هههههههههه كفو مايخلي حقه
دخل جابر: منهو
غنى: سبحان الله جيت على ماجبنا طاريك
جابر: وعسى خير
عبدالعزيز: لا بس نبيك تتقهوى معنا
دخل سعود ويده مجروحه ويبتسم
الجده: بسم الله عليك علامك
سعود: طحت بس انا قوي مابكيت
غنى تلمع عيونها: ياقلبي ليه كذا مايصير تخلي جرحك يطلع دم وماتقول لنا
سعود: عادي انتي مره قلتي فيك جروح كثيره بقلبك بس مابكيتي لانك قويه وانا كذا صرت نفسك
غنى حضنته وكلها دموع وهي تقول بينها وبين نفسها: جروحي ياروحي ماهي من طيحه بسيطه الجروح اللي بالقلب صعب تطيب
جابر سحب سعود: وراك تبكين مافيه شي لاتخلينه يضعف
عبدالعزيز: انت قوي وكفو
سعود: مثل غنى صح
جابر: صح
غنى راحت لغرفتها وسكرت الباب جلست تبكي: وينك غبت هذا انا جيت بس ماحصلتك تعال تكفى عالج القلب بعد فرقاك
جابر: شفيها غنى
الجده: يمكن طفشت
جابر: تبون نطلع للبر
الجده: براحتكم
-
جود: يمه طفش بنطلع
ابو راكان: وين نطلع مانعرف احد هنا
ام راكان: نروح لاهلي
ابو راكان: للديره !!
ام راكان: اي
ابو راكان: معصي اروح لها
جود: ليييه
ابو راكان: الديره هذيك لاتحلمون تعيشون فيها خلاص معاد لنا رجعه
جود: ماقلنا نعيش نبي زياره
ابو راكان: حتى الزياره لا
جود: تكفى
ابو راكان طلع وتركهم
ام راكان: مافيه امل خلاص
جود: ملينا هنا
ام راكان: الشكوى لله ماباليد حيله يابنتي
-
ام سلطان انهد حيلها وطاحت على ركبها من الصدمه
ركضو لها سلطان وعمر يشوفونها انصدمو من الشخص اللي واقف قدامهم كان لابس ثوب اسود وشماغ وعقال وجسمه معضل
غدير شهقت: ناااايف ؟؟
ام سلطان بدموع: هو والله هو. ولا عيوني فيها شي
وقفها نايف وعيونه تدمع من شوق: اي انا يايمه
ام سلطان حضنته قوه: وينك ياوليدي خليتنا كذا
نايف: انا اسف ياروحي لكن مقدرت اجي بوقتها والحين جيتكم وكلي شوق
حضنوه الكل وفرحانين برجعته
غدير ترقص وفرحانه: ياهلاا نور الدار بالغالي
سلطان: ايوالله ياهلا
نايف: ياعيوني انتم جعلني مافقدكم
سلطان اخذ فهد من غزيل: تعال يانايف شوف سمي جده
نايف بابتسامه حب: يااانه ودلبوووس ماشاء الله
عمر: طالع علي صح
نايف: لا على عمه كفو
سلطان: لا انت ولا هو طالع على جده
نايف: ونعم ونعم بجده وبسمي جده
غدير: شوف خدوده احس ابي اكلهم
لعبو بخدوده وغزيل ماقدرت تتحمل: يوهه منكم اتركوه قطعتو خدوده
سلطان: شوفو صارو حمر منكم
نايف: الله يحفظه لكم يارب
دخل ابو سلطان مصدوم وكله عتب: وش جابك
ام سلطان توترت وخافت تخسره ثاني مره
نايف باس راسه: جيت يابوي ماقدرت على البعد
ابو سلطان: بعد سنه فكرت بالرجعه
نايف: ياخي شسوي
ابو سلطان: اطلع برا
نايف مصدوم وفاهم شعوره: ابشر طال عمرك
ام سلطان مسكته: لا ياوليدي لاتطلع وتتركنا ثاني مره والله تعبت افكر فيك انت طيب ولا
نايف: مانيب رايح ياعيوني موجود ماراح اخلي الديره ببقى عند ماجد
ابو سلطان: توكل على الله
طلع نايف للشارع
ماجد: وش صار
نايف وكان فرحان بشوفتهم: اخ اللي مايعيش مع اهله ماهوب صاحي
ماجد: انشهد بس بدري عليك
نايف: ماكنت عارف الا يوم جربت البعد
ماجد: الاهل من مثلهم
نايف: الله يرحم اهلك يارب
ماجد: امين ويطول بعمر اهلك
نايف: امين امين
ماجد: شرايك نفر بالديره
نايف: على الشاص ؟
ماجد: قدااام من زمان عنه اصلا
نايف: تم مشينا
الكل عرف برجعه نايف وفرحانين
علي: الليله عشاك عندي
نايف: يارجال ..
قاطعه علي: مافي كلام زايد خلاص الليله عندي يعني عندي
نايف: زين على القو
حرك علي بسيارته وتركهم
