وقفو السياره يسار
نايف: جاكم شي ؟ غدير وديم وينكم
غدير تبكي: هذاني مافيني شي
ماجد اوجعه قلبه عليها: الحمدلله جاتنا سلامه
ديم منهاره وتبكي: ماتشوفون انتم ماتشوفون كنا بنروح فيها
ماجد: احمدي الله ماصار لنا شي
نايف بعصبيه وتوتر: اقوول احمدو ربكم مافيكم شي الحين يوم تصارخون على ويش قولولي على ويش!!!
غدير: خفت ياخي
ماجد: شفيك عصبت عليهم خلاص اللي صار يكفي
نايف: مو على كل شي يبكون فيه مو ناقصين
عمر: خلاص اسكتو بننزل نشوف
نزلو كان الكفر منفجر والشاحنه قالبه ومنعدمه
بعد نص ساعه وصلو الشرطه والاسعاف وكان الغلط على الشاحنه صاحبها متعدي حدود السرعه ومخالف الانظمه
كشفو على العيال مافيهم شي
ماجد: عمر امش نغير الكفر قبل يخلص نايف
راحو ركبو الكفر
عمر: ياليل مافي شبكه هنا
نايف: اي هنا مافي ابراج
غدير: الحين اهلي متوترين
نايف: خلونا نتحرك
ماجد: اركب بمكاني انا بسوق
نايف: مشكك بسواقتي ياورع
ماجد: ههههههه شدعوه ابيك ترتاح
نايف: احسن شي سويته يلا توكلنا على الله
ديم: تكفى انتبه
ماجد: ابشرو
نايف: لاحد يقول لاهلي شي مو بس اهلي لاحد يجيب طاري لاحد عن الحادث مانبي نخوفهم
غدير بصوت هادي بعد البكي: ان شاء الله
نايف: انا اسف اني صرخت عليكم كانت لحظه غضب وشوي توتر
سكتو البنات
وصلو المكان والكل يركض لهم حضنوهم
ابو سلطان: علامكم يابوكم تاخرتو روعتونا عليكم
ماجد: ضيعنا الطريق ياعمي
ابو سلطان: الحمدلله على السلامه
نايف وعمر باسو راسه: الله يسلمك يالغالي
ابو سلطان: غدوره وديوم علامكم ساكتين
غدير حضنته: مافينا شي
جات ام سلطان وعيونها دموع: وينكم ياروحي طولتو خوفتوني عليكم
حضنوها كلهم وباسو راسها
غدير: يمههه صار لنا ..
قاطع كلامها ماجد: ضيعنا الطريق ياخالتي لايكون فاتنا شي
ام سلطان: الحمدلله جيتو والله وقف قلبي عليكم
نايف باستهبال: يادلعكم بالله يمه انتم تحبون الدراما هذا حنا قدامك مافينا شي لاتبكين جعلني فداك
ام سلطان طقته بخفه: يمه منك ماتخلي سوالفك
عمر: ههههههههه الحمدلله طالع منها
ام سلطان: اكلت شي يمي
عمر: جوعااااااان
نايف: مايخلي بطنه
سلطان: هههههههههه
سكتو كلهم جاتهم لحظه ادراك
عمر ونايف يناظرون بعض والتفتو لماجد وفهمهم على طول كلهم بصوت عالي: مبروووووككككككك
سلطان بابتسامه: الله يبارك فيكم
وراحو حضنوه
عمر: وقفو وقفو لازم اغنيه
ماجد: انا بروح اشغل
غدير حضنت سلطان: مبروك يامعرس
سلطان: الله يبارك فيك ياخت المعرس
غدير: يوههه حلمي واخيرا تحقق سمعتي ياديم
ديم: ههههههه سمعت ومبروك ياسلطان
سلطان: الله يبارك فيك وعقبال ماجد وترا بعد انتي اخت المعرس الثانيه
غدير: خوات لاطلق معرس
ديم: صدقتي
سلطان: لبى قلوبكم
شغل ماجد الشيله وقعدو يرقصون وفرحانين
-
جود حضنت غدير بحب: الحمدلله على السلامه ياعيوني
غدير: الله يسلمك
وحضنت ديم واستغربت ديم انها حضنتها كانها مالها خلق بس طنشت
وجاتهم لينا طايره من الفرحه وحضنتهم كلهم: واخيراً جيتوووو اشتقت لكم عندي جود نفسيه
جود: خوش من لقى احبابه نسى اصحابه
ديم: هههههه ياحبيبتي ياليونه وحنا اكثر
غدير: ههههههه صدقيني اشتقنا لك اكثر
جود: ايوه شفيكم طولتو
غدير: ضيعنا الطريق والحمدلله جيناكم بعد معاناه
لينا: ديوم وغدور تبون قهوه
غدير: ايوه
ديم: لا ابي لي ماي احس هلكت
جود: كان رايحه مع ماجد افضل
غدير: يعني اذا راحت مع ماجد عساس بيدلون ترا نفس الشي معنا هم
ديم: منجد مافرقت
قحرتهم جود وتركتهم
غدير: وي هذي شقومها
لينا: اقولك نفسيه صايره
ديم: غريبه مو من عادتها
غدير: منجد بس براحتها
لين: يقول المثل من يتغلا يخلا
غدير: انشهد مردها تجي
لينا: بنات اقولكم شي
غدير: شنو
لينا: خلاص كنسلت
البنات بصراخ: لينااااااااا
ديم: قولي عاد
لينا: تبون نروح فوق الجبل
ام علي: لا وياويلكم تروحون هذا العشاء جاهز تعالو اذا فاضين غسلو الصحون وجهزوها بنقلط
ديم: حسبي الله على عدوك يالينا
غدير: اهخخ تعبانه مافيني
لين: قومي يالينا
لينا: والله حبيباتي قومو ساعدوني مو بكيفكم
غدير: انتي اللي تكلمتي
لينا: والله قلت كنسل بس انتم قلتو تكلمي
ديم: يمههه منها خلتها علينا
غدير: ياويلي قلبتها
لينا تحرك حواجبها تبي تقهرهم: ههههههه تستاهلون ويلا قومو ساعدوني
غدير: تخسين اقوم
لينا حاطه يدها على خصرها واليد الثانيه تلعب فيها بقذلتها: قدها حبي؟
غدير: قدها وش بتسوين
لينا: يمه غدير رافضه تقوم وانا ماقدر اشيلهم لحالي
ام سلطان: غديرر قومي ساعديها علامك
غدير: قايمه هي تحب المزح
ديم: هين هين
قامو واخذو الصحون يغسلونهم غدير طقت راس لينا بالصحن
لينا: اييي راسيي
غدير: تستاهلين
لحقتها لينا بالمويه كبت عليهاا وامتلت غدير
ديم: هيي خير مليتيها والجو بارد
لينا: انكتمي لايجيك اكثر منها
ديم: وجع بلا مبزره
لينا: بتجربين؟؟
ديم: لا امزح مو فاضيه لك وخري عني
غدير: حسبي الله عليك ماجبت لي ملابس ثانيه
لينا: من يبي الدح لايقول اح
غدير تقلد صوتها باستهزاء
لينا: يلا بس قدامي
غدير: انقلعي لاطقك
لينا: غدور حبيبتي حابه تتروشين!
غدير اخذت ديم وتركت لينا وراحت للحريم
لينا لحقتهم: لايكون زعلتو
غدير: لا بس ترا مزحك ثقيل
لينا: اسفه والله مستعده اعطيك ملابسي بس كل شي الا زعلك
جود: وشفيكم كذا
ديم: من لينا
لين: ماتعقلين انتي
لينا: يمه منكم بغير جو شوي
ام راكان: يلا بنقلط نادي راكان ياجود عشان ينادي محمد
جود فرحت الحين تقدر تشوف نايف حتى ولو من بعيد راضيه: راكان
نايف فز قلبه: راكان شوف الاهل ينادونك
جود شافت نايف وكان لابس ثوب اسود وحاط عمامته على كتفه وحاط العقال على راسه وشعره ناعم وكثيف جالس عند شبه النار : اهخخ ياجود ياحظك لو بتصيرين زوجته يمههه يمهه يجننن
راكان: هلا !
جود: تقول امي صوت للعيال يجون ياخذون الصحن وخذ حطت بيده السفره
راكان: زين بشوف انتي ادخلي ، ياعيال ثنين منكم يروحون للحريم يجيبون الصحن
ابو محمد: قلطو
راكان فرش السفره: اي
ابو محمد: قم يامحمد وياماجد جيبو العشاء
قامو ودخلو على الحريم وتنحنح ماجد
لين: هذا مين الحلو
لابس ثوب بني على جسمه الرياضي مو طويل ولا قصير طوله حلو وحاط عمامه وطالع شوي من شعره ولابس فروه
لينا: بسم الله وش الحلو هذا
غدير: هذا ماجد
لينا: غدير هالحلو دايم يجيكم ولا فكرتي تحبينه ياغبيه هالفخامه مافكرتي
غدير: صح حلو وماشاء الله عليه بس مو يعني خلاص احبه
لين: اهخ لو ماني متزوجه
غدير: اسكتي لا تسمعك ام راكان
لينا: كنتي تبين تطلعين من الديره وتزوجتي راكان خلاص
لين: لو هذا زوجي راضيه اسكن بالديره
غدير انهارت ضحك: تكفيييين اثقلي لايدري راكان ههههه
لينا اللي ضحكتها كلعاده يسمعونها الكل: ههههههههههههههههههههه
ام علي: اسكتي الرياجيل ياخذون العشاء
غدير: فشلتينا الله يفشلك
لين: تخيلي يحسبها انا ياويلي اسكتي
غدير: سكري فمها هالفضيحه
لينا: متت متتت شسوي هههههههههههه
وطلعو العيال وجلسو البنات انهارو ضحك من لينا
ام محمد: يلا قلطو خلو عنكم الضحك
جود: خلاص ياخفيفات
ديم: من شنو
جود: مادري عنهم
لينا بهمس: اسكتو لاتدري انا خقينا على اخوها
لين: انتم ماعليكم بس انا متزوجه
غدير: انكتمو
الكل تجمع على العشاء ومابين سوالف وضحك
قامت غدير تغسل وصادفت ماجد
ماجد: معليش
غدير: لا عادي غسل
ماجد: شفيك مليانه ماي
غدير تفشلت قعدت تناظر شكلها
ماجد: معليه حلوه بكل حالاتك بس برد
غدير بخجل: انكب علي بالغلط وشلون شفتني
ماجد: اول مادخلت والله مادريت بالغلط ماكنت داري انك موجوده
غدير: تمام
راحت لقسم الحريم
ماجد: اسمعي
غدير: لبيه؟
ماجد: فروتي بحطها لك
غدير: لا مالها داعي "وهي اصلا جمدت من البرد"
ماجد: بحطها وبروح وخذيها
غدير: وانت مو برد عليك
ماجد: ماعليك مني اخذيها لاتبردين وصوتي لديم ابيها
غدير ابتسمت: تمام وبقلبها تقول من عيوني
طلع ماجد وراحت لبستها وكان ريحه العود فيها: اهخ حتى فروته حلوه ماقدر اتحمل
دخلت وجلست عندهم
لينا: هيه من وين جيتي
غدير: كنت اغسل
لين: الله ريحه العود تجنن
لينا: من وين لك الفروه
غدير: لقيتها طايحه مو منجدك يعني من وين لي
لينا: بلا استهبال حقت مين طيب
غدير: فروه نايف
لين: صراحه عنده ذوق عالي بالعود
جود: منجد فخمه ريحته
غدير بينها وبين نفسها: الحمدلله نايف عنده نفسه ولا كان ديم شكت بس الحين شلون بقول لها يبيها ماجد
ياربييي الحين ينتظر
ديم: شفيك
غدير: اييي صح ديم يقول نايف يبيك ماجد
ديم: وين
غدير: ورا السياره
راحت ديم وكان ماجد ينتظرها
ماجد: علامك تاخرتي
ديم: تو قالت لي غدير
ماجد: اخبارك بعد اللي صار
ديم: بخير ونسيت يوم جيتهم
ماجد: الحمدلله وخفت يكون فيك ماي نفس غدير
ديم ابتسمت: يعني كذااا
ماجد: وشهو
ديم: الفروه اللي على غدير
ماجد: ههههههههههههههههههه لايكون فضحتها
ديم تقلد صوتها: هذي الفروه حقت نايف
ماجد: يوهههه جبت العيد
ديم: عساس يعني ماعرف فروتك والعود حقك
ماجد: عند نايف نفسها ترا هههههه
ديم: اي يعني بترقع خلاص كشفتكم
ماجد: ماصار شي والله صدفه وقلت لها البسيها عن البرد وخليتها تصوت لك بشوفك فيك بعد ماي نفسها
ديم: ليه شايفني خبله
ماجد: كلكم خبول
ديم: ههههههههه تبي شي ثاني
ماجد: لاتقولين لها انك عرفتي
ديم: ابشر واصلا ماراح اقول الا اذا هي جت واعترفت بنفسها
ماجد: كفو اخت ماجد وانتبهي لك ولا تلعبون بالماي
ديم: من عيوني
راحت لقسم الحريم وهو راح للرجال
وقفتها جود: وين كنتي
ديم استغربت: عند ماجد يبيني
جود انقهرت لان معاها نفس ريحه العود اللي كان بالفروه حقت ماجد اللي مع غدير وحسبالها حقت نايف: اقول اعترفي وين كنتي
ديم: نعم ! قلت لك وين كنت
جود: ياقليله التربيه رايحه تشوفين رجال ماتستحين على وجهك انتي وجهك مغسول بمرق ترا حنا مو مثلك وهالشي مو عادي عندنا اهلنا مايرضون ومربينا احسن تربيه مو يعني انتي يتيمه ماعندك والي يصير عادي عندك لا حبيبتي استحي على وجهك واحترمي اخوك اللي الكل يحترمه لانه كفو وقد رجولته وتربيته مو توطين راسه بالارض يارخيصه
ديم بصدمه: وشهووو!!!!!! انتي وش قاعده تهبدين والله انا كنت عند اخوي والله واحلف لك
جود ببجاحه: اقول بس احمدي ربك مستقبلينك عندنا ولا طردناك يايتيمه مالك واللي يربيك
ديم تبكي ومنهاره: جود سكتت لك بكفايه وانتي قاعده تسبيني وتغلطين على اهلي شوفي قسم بالله لو تكلمتي حرف واحد يصير شي مايرضيك نصيحه بعدي عني واهلي مربيني احسن تربيه وهذا انتي قلتيها اخوي الكل يحترمه لانه رجال ولد رجال وانا اخته تعرفين شلون اخت رجال وبنت رجال ولا انتي واشكالك اسمح له يتكلم بتربيه اهلي لنا انا اقدر اغلط على اهلك من اسلوبك لكن فرق بيني وبينك واجد ومو عشاني يتيمه على قولتك انسى مبادئي وتربيتي اللي ربوني عليها اهلي جعلهم الجنه ولا يوم من الايام ممكن اني اخذلهم وحتى لو انهم بالقبر
حست جود تهورت: وخري عني بروح اجلس مع البنات افضل
جلست ديم تبكي بصمت عشان مايسمعونهاا وسمعت صوت جاي ومسحت دموعها وراحت جلست عند البنات
لينا: ديوم علامك
ديم ماتقدر تكلم عشان مايبين انها تبكي
غدير: ديم شفيككك!!!
ديم: مافيني شي
لينا: كيف مافيك شي عيونك حمر؟
ديم: هذا من الدخان حق النار كنت عنده
غدير مارتاحت: متاكده!
ديم: اي
جود: سولفو تبونا نلعب
غدير: تبون نركب فوق الجبل وننزل ركض
لينا: جويييي امشو ندحدر
ديم ضحكت بنص ضيقتها: هههه ياحلوك ياليونه
لين: انا ماراح اروح معاكم
جود: انتي روحي اجلسي عند الكبار
لين: سخيفه مره
جود: خوش والله تقول مابي اروح ويوم قلنا الصدق زعلت
غدير: خلاص ياجود امشو
ديم: مابي اروح بجلس عند لين
غدير: لا عاد ديم ماتكمل الوناسه الا اذا صرتي معنا
لينا: ديم لا تصيرين نفسيه امشي انا زين تحملت جود قبل تجون
غدير: هههههههههههههههههههه
جود: مايضحك ابداً
غدير: بس انا ضحكت
لينا: يلا يلا مشينا
غدير: يلا ديم
ديم: غدور والله مالي خلق بجلس
غدير: تمام براحتك
راحو البنات فوق الجبل
لينا يلا سباق اول وحده تنزل
جود: يلا بنعد لثلاثه
غدير: واحد ثنيييين
لينا ركضت
غدير: خير سلامات حبيبتي ماقلنا ثلاثه
جود: غش مو على كيفك ارجعي
لينا: يوهه تعب من اوصل
غدير: والله محد قالك تستعجلين
لينا: ههههههههههه بسبقكم
غدير: ارجعي بس
وصلتهم بعد معاناه
لينا: يلا انا اعد
جود: تمام بدون غش
لينا: واحد دقيقه اسمعو بعد لثلاثه واذا قلت انطلاق نركض
غدير: يلا
لينا: واحد ثنين ثلاثه انطلقو
ركضو يضحكون على اصواتهم من الركض وبعد الارتفاع وصلت لينا الاولى والثانيه غدير والثالثه جود وللاسف طاحت وانجرحت رجلها
جود: ايي رجلي
لينا تقامز: يسس فزت عليكم
غدير: هههههههههههههههه يمه ياسبقك
لينا: بسم الله علي قولي ماشاء الله
غدير: عساس بنحسدك عاد
لينا: قولي
غدير: تف تف ماشاء الله
جود: اقول انتي وياها تعالو ساعدوني ماني قادره اقوم
لينا: تستاهلين
شالوها ووقفت وشافت نايف بعيد: خلاص روحو خلوني اللحقكم شوي
غدير: وليه ان شاء الله
لينا: تبي تقول طيحوني وخلوني اقول امشي بس
جود: شفيكم خلاص قلت لكم بجي روحو
لينا: براحتك امشي غدور
شافته قرب سوت نفسها تتوجع وتبكي تمثيل
نايف: في احد؟
جود بدموع تمثيليه: يارجليي توجعني
نايف: جود !
جود: ايوه تكفى تعالي ساعدني مو قادره امشي
نايف مصدوم: علامك وش جابك هنا
جود: اف نايف مو وقت اسالتك
قرب نايف وبنفس الوقت متردد وكان ظلام مايشوفها واضحه
جود مدت يدها يساعدها تقوم ونايف متوتر مايبي يمسكها ومو محرم لها
جود: نايف شفيك
نايف مسكها وساعدها توقف وانصدم منها حضنته!
حاول يبعدها بس تمسكت فيه
نايف بعدها عنه: جود شفيك؟ مو منجدك
جود: نايف احبك تكفى لاتتركني
نايف مستغرب: وش قاعده تقولين انتي وشلون تقربين لي كذا ياجود مايصلح
جود: اسفه والله وحقك علي بس ماني قادره اتخيل حياتي بدونك تكفى لاتتركني
نايف: ومن قال اني بتركك ياجود حتى انا احبك حب مايعلم به الا الله
جود: وعد ماتتركني
نايف مصدوم منها: وعد ويلا روحي للحريم لايشوفك احد
جود: تراك وعدتني
نايف: ادري خلاص يلا
