عند راكان ولين
لين: ركان عندك دوام اليوم ؟
راكان: لا ياعيوني لبيه تبين شي
لين بشوق: يسلم عيونك عادي نطلع الديره احس اشتقت لهم
راكان: ابشري بكرا العصر نروح
لين: صدق؟
راكان: تبين اكنسل يعني
لين: لا لا ياحبيبي واخيراً والله اشتقت لهم
راكان: جعل المدن فدا الديره بس
لين اللي فعلاً شافت الديره وعاداتهم اجمل من المدن بكثير
وراحت تجهز اغراضها
راكان: جهزي وبعدها بنطلع نتعشى برا
لين: زين ياروحي
_____________________
بيت ابو راكان
جود وهي تفكر بنايف وكيف كذا حبته
ام راكان: جود جود
جود: سم الله هلا يمه
ام راكان: وراك ماتردين لي ساعه اناديك
جود: شبغيتي هذاني
ام راكان تبين تروحين معي
جود: وين!
ام راكان: لام سلطان
جود بصراخ فرحه: اييي اييي بروح وحست انها جابت العيد
وسلكت يمه تعرفين من زمان عنهم واشتقت حق غدير
ام راكان: يلا اجل بسرعه ترا اذا تاخرتي خليتك
جود وهي اعلى درجه الوناسه: يلا يلا جايه بس بلبس عبايتي
وطلعو مشي لام سلطان
وكان نايف جالس على الرصيف وعنده علي
علي: غريبه وين ماجد اليوم
نايف: راح للعزبه هو واهله
علي: اشوفك طفشان
نايف: وتعرف نفسك نفسيه ياخوي سولف مثله دور لنا فعاليه شي
علي: قم قم
نايف: مالي خلق وين بتروح
علي: شف اللي وراك وتعرف
نايف لف وناظر ام راكان وجود اللي سمعت سوالفهم وعيونها واضح تضحك
نايف: هلا خالتي نورتو
ام راكان: يهلابك ياوليدي امك موجوده؟
نايف: اي اي اقلطو
دخلت ام راكان ووراها جود اللي ناظرت نايف ولفت بابتسامه
نايف بينه وبين نفسه:ياناس جعلني فدا ذا العيون وراعيها
علي: ولد هي الباب تسكر تعال
نايف اللي ضاعت علومه: ياولد انت شتبيييي ياقاتل المتعه
علي مستغرب: قاتل المتعه بويش يارجال تناظر الباب مسفهل كان فيك سكني
نايف بضحك وحس على نفسه: قم قم خلنا نتمشى بالحاره وطلعو يتمشون
___________________
عند ام راكان اللي دخلت وسلمت على غدير وام سلطان
جود: ديوم موجوده
غدير: لا اليوم طالعه يقول نايف مع اخوها
جود اللي فرحت من طاري نايف: اي زين خلها تونس
غدير: اي
ام سلطان: اخبارك يام راكان اخبار راكان وعروسته
ام راكان: بخير الحمدلله
ام سلطان: الحمدلله اهم شي مبسوطين
ام راكان: ايي ولا ودهم بالجيه بعد
غدير: اي هذي امنيه لين
الكل بضحك الله يهنيهم
____________________
عند بيت ابو علي
لينا: يمه طفش بدون لينا وانتي يامي ماتطلعين
ام علي: وين تبين نروح بعد هذا كل عصريه يجون ضيوف ماكفوك
لينا: يمه بناتهم مب كبري وبعدين والله مشتاقه حق البنات
ام علي: اذا جت اختك ان شاء الله بتجمعون
لينا: بروح الغرفه ارسم افضل
دخلت غرفتها
وجاء ابو علي وجلس: وين العيال
ام علي: لينا بغرفتها وعلي طلع المغرب
ابو علي جلس ساكت
ام علي: علامك فيك شي صاير شي
ابو علي: لاوالله بس ابو راكان هالفتره ماعجبني وضعه
ام علي: ليه عسى ماشر
ابو علي: والله مادري ويش اقول لكن الله يكفيه شر المشاكل
ام علي اللي مافهمت: امين يارب تبي اجيب لك شي تاكله؟
ابو علي: لا بس ابي شاهي بنجلس بالحوش
قامت ام علي تسوي وجلسو بالحوش جلسة شيبان وسوالفهم عن ايامهم
____________________
عند ديم وماجد
ديم: مجود
ماجد: عيونه
ديم: تعال اجلس خلاص ارتاح كل اليوم تشيل
ماجد: تدرين ياديومه ماحد يناديني مجود غير نايف
ديم: يعني ويش قصدك ماتبي اناديك اوهه
ماجد: لا بس صدق اقرب شخصين لي هم اللي ينادوني
ديم: عاد صدق ايهم اغلا انا ولا هو لا تقول كلكم
ماجد: انتي اختي وتاج راسي وهو رفيق عمري وسندي
ديم اللي مهما حاولت صداقه ماجد ونايف اللي يشهد فيها : طيب تعال اجلس
ماجد: ايوه وبعد
ديم: متى نعود
ماجد: بعد شوي انتي اركبي السيارت وانا بسكر الحوش
قامت ديم ورتبت الفرشه وحطها بالجيب وجلست تسمع اغاني ابو نوره بصوت واطي
جاء ماجد وحركو للديره
____________________
بالديره الساعه ١٠
راحت ديم عند غدير بعد ماقالت لماجد
وجلسو
غدير: بنات تبون نرقص!
البنات: تم يلا
جابت غدير السماعه وشبكوها وجلسو يرقصون
وطقطقه وتقليد وضحك
___________
عند نايف اللي اتصل فيه ماجد وقال تعال بالدوانيه
نايف: جايك باجيب شماغي
دخل نايف من الباب الخلفي لان ام سلطان وام راكان كانو بالحوش
ديم كانت تهز وشعرها الناعم الكثيف واصل لحد نهايه ظهرها وفستانها ناعم وجسمها مناسب
نايف اللي طارت عيونه من الجمال وصد بسرعه عشان ماحد يشوفه راح لغرفته وقلبه للحين عند الموقف
جلس بذهول وصدمه: معقوله هذي جود اوففف يعني فوق ماهي سارقه قلبي بتسرق فكري من جمالها
وطلع من الباب نفسه بس بسرعه بدون حتى يلتفت
والبنات مكملين ولا يدرون عن اللي صار وجود كانت تعزز وضحك ورقص استهبال
دخل ابو سلطان: ياولد
البنات بعد ماسمعو كل وحده اخذت طرحتها ورتبو المكان وغدير اللي من الصدمه هربت بالسماعة
ام سلطان: ادخل ادخل مافي احد
ابو سلطان: قولي لغدير تحط فراشي بالسطح بنام هنا واذا جاء سلطان خليه يجيني فوق
ام سلطان: ابشر ونادت غدير
جت غدير اللي خافت ابوهم سمع: هلا يمه
ام سلطان: خذي فراش ابوك حطيه بالسطح بينام ابوك هناك
غدير براحه: ابشري يمه بروح
وراحت حطت فراشه وباست راس ابوها ونزلت
البنات ويش صار؟
غدير كنت بموت حسبالي سمع الحمدلله كان يبي فراشه
ديم: يوههه عاد بيزعل
جود: خلاص اهدو محد يدري
__________________
نايف فتح باب بيت ماجد بقوه من الوناسه
ماجد: اعوذ بالله انت بتجلطني انت؟؟
نايف مو يمه وجلس: لو تنجلط من عندي!
ماجد: شعندك بالله كل يوم كذا ليتك ياخوي ماحبيت
نايف: شفتها ياولد تجنن سرقت قلبي وعقلي تخيل
ماجد: عساس يعني فيك عقل قبل!
نايف: كان فيني قليل وخذته وجعله فدا كلي فداها
ماجد: وهي تدري انك تحبها ياخبل
نايف: ليتها تدري وتحس فيني
ماجد: والحل ويش
نايف: اقول لها
ماجد: كنت بقول ظالمك لكن فعلاً طلعت خبل
نايف: ياخي شتبي الحين انا جاي اشكي لك
ماجد: ياخي صحصح شلون تقول لها
نايف: سهله تبي اقولك الحين ولا اذا صارت!
ماجد: يعني كذا خلاص اسكت
نايف: ايي اخيراً
____________________
عند ابو راكان اللي جالس عند حلاله ويفكر
يازين اليوم اللي انا اشوف هالعشرين ميت بس
ابو عدنان: هههههههه كلها كم يوم وتشوفها بعينك
ابو راكان: يارب تعجل بذا اليوم
ابو عدنان: ترا مثل ماتفقنا ؟
ابو راكان: تم بس خلها تصير
وجلسو بابتسامه
____________________
يوم جديد على اهل الديره
جود مصدع راسها من امس: يمه مافيني حيل اليوم اقوم برقد لحد العصر
ام راكان مافيه قومي تغدي معي مافي احد ابوك مادري علامه صاير ينام بالعزبه
جود: يايمه ترا اليوم راكان بيجي بنام شوي
ام راكان فتحت شباك الغرفه وطفت المكيف وشغلت اللمبات: مافيه يعني مافي قومي صحصحي يلا
جود: تكفيينننن يمهههه
ام راكان: يلا يلا
قامت جود بتسكر الشباك وناظرت نايف!
جلست تضحك تسولف بينها وين نفسها: وصلتي ياجود تخيلين وجوده اثقلي
طاح شي من الشباك وشافت ورقه كان مكتوب فيها
"جعل ابتسامتك اللي اضيع منها ماتغيب"
وقامت بكل روقان بعد ماعرفت انه يحبها بعد
