مرت الايام ونايف ماله خلق احد
ماجد: ياولد ماصارت خلاص
نايف: ياخي اشتقت لها
ماجد: طيب متى ناويه تجي هي؟
نايف: قالت ثلاث ايام والحين اليوم السادس
ماجد: سالتها
نايف: تقول اذا راحو خوالها
ماجد: خلاص اجل دق عليها وشفها
-
جود: ابتهاج شرايك نطلع البقاله
ابتهاج: تم مشينا
جود: يلا البسي عباتك وبقول لامي
ابتهاج: غنى تروحين معنا؟
غنى مالها خلقهم وتبي الفكه: لا
ابتهاج: تبين نجيب لك شي
غنى: لا
جود: يابنت خليها مب لازم
ابتهاج: عشان لو قالت شي بنقول علمناك
جود: بالطقاق امشي بس
ابتهاج: وين نروح
جود: نفرفر بالديره ونمر البقاله
ابتهاج: يلا
-
ام سلطان: اول يوم عيد بنسوي غداء
غدير: لا تكفييين يمه
ام سلطان: وشهو بعد انتي
غدير: مايصير خليه عشاء عشان نرتاح تعرفين غيبوبه العيد مايمدينا
ام سلطان: نامي بدري وقومي بدري ونعيد ونجهز الغداء ونرتاح
غزيل: احس افضل واصلا مستحيل ننام
غدير: ادري بس تعب المواعين متى نخلص منها
ام سلطان: اقول اسكتي كانك ماقد جربتي عاد
غدير: كله تسوون عشاء ولا ثاني ايام العيد
غزيل: الحين معك انا وغنى بترتاحين
ام سلطان: اي الله يحفظكم
غدير: حلو الحمدلله
غزيل: الا خالتي غنى مابغت تجي
ام سلطان: والله نايف ماش خاطره
غدير: أخاف متزاعلين
غزيل: وليه تزعل نايف من يزعل منه
ام سلطان:بعد قلبي نيوف مايخلي احد يضيق خاطره منه حتى لو الغلط عليه
غدير: اجل مو معقوله شفيها ماتبي تجي
غزيل: بكيفها
-
ديم: لينا تعالي نجلس بالحوش
لينا بيدها القهوه: ابشرييي ومسويه لقيمات تجننن
ديم: تسلم يدينك
لين: وهذا الحلا خلص
ديم: الله بسبوسه عاد تصدقين بخاطري فيها
لين: هذي هي اكلي لحد تشبعين
ديم: يسلم يديمكم والله ماقصرتو
ام علي: الله سفره وحركات
لينا: تعالي تعالي ياحلوه روقي معنا
ام علي: خلو لي شوي بروح اسلم على ام جابر واجي
ديم: ليه
ام علي: من زمان ماجيتها مايصير حلو نسلم عليها كبيره وزياره القصير حق
ديم: تبين نعطيك صحن من الحلا تاخذنه لهم
لينا: اي واجد ومنها نقصه
لين: بروح معك
ام علي: يلا اجل وخذي ولدك معك
لين: هو اصلا مع ابوه من الفطور
ام علي: ياحبيبي خليه يتونس
لينا: وانا اشوف البيت هاجد طلع مو هنا الحمدلله
ديم بابتسامه: ياويلك من الله والله محلي المكان
ام علي: جعلني فداه وجعل صوته ماينفقد
لين: اميييين يارب هذي عدوه
لينا: الله اكبر اقول بس روحي البسي
لين: بروح اصلا
-
ام جابر: مارحتي بيتك يابنتي
غنى: لا
ام جابر: علامك
غنى: بجلس هالفتره احس مالي خلق
ام جابر: زعلانه من شي
غنى: لاوالله بس اذا راحت خالتي اروح
ام جابر: وليه ان شاء الله وزوجك وبيت حمولتك
غنى: راضين اصلا
ام جابر: اكيد ماهم قايلين شي بس مايصلح يامي روحي بيت زوجك ولاتقصرين دامهم ماقصرو معك بشي يابنيتي
غنى: مايقصرون بس ياجده لو اروح اعرف جود بتسوي مشكله عشان كذا اذا راحو
ام جابر: وجود شدخلها
غنى: من غيرتها وحقود بتسوي مشكله بينا والله
ام جابر بعصبيه: اقول عيب عليك هالكلام تقولينه عن بنت خالتك واهجدي وروحي بيت زوجك
غنى: ياجده ماقصدي شي بس افهميني
ام جابر: ماتسوي شي ولو سوت علميني انا اتفاهم معاها
غنى: اكيد؟
ام جابر: اكيد
قامت غنى وراحت لغرفتها جلست عند الشباك مسكت جوالها بتدق على نايف
-
جود: خلصتي ؟
ابتهاج: اي شريت حق سهره الليله ثلاث اكياس وانتي
جود: انتي عليك البطاط والحلويات وانا علي العصاير وهذي
ابتهاج: اي اساساً خلصت
دخل عمر البقاله: السلام عليكم
صاحب البقاله: ياهلا بعمر
ابتهاج بهمس: هذا منو
جود: مدري اصبري بشوف
عمر: عندك بطاقه
صاحب البقاله: ايوه كم تبي
عمر: عشرين
جود: هذا عمر اخو نايف
ابتهاج: والعائله هذي ماينتجوون الا الحلوين
جود: وحنا نبتلي فيهم
ابتهاج: والله انه اطلق ابتلا امشي خل نطلع
جود: يلا
طلعو و نظرات ابتهاج لعمر فضحتها
عمر: سلامات!
ابتهاج شمقت وتركته
عمر: يع
جود ضحكت: انتي وش سويتي
ابتهاج بحلطمه : قال لي يع!!
جود منهاره ضحك: اي اي ههههههههههه
ابتهاج: وجع صدق
جود: امشي بس نمر محل الورد بنشري ورده
ابتهاج: بتشرين ورده ولا عشان الشاص اللي واقف
جود بابتسامه: لاتفهميني صح
-
نايف فز قلبه من المكالمه: ارحبي ارحبي ارحبي لين مايبقى من التراحيب شي
غنى بابتسامه حب: تبقى ياروحي وش حالك وش مسوي وينك فيه
نايف: والله ياروح نايف واقف قدام محل الورد تبين ورده!
غنى: ابيك انت
نايف: كلي لك امري وتدللي
غنى: ماشتقت ؟
نايف: وتساليني!
غنى: انا بالنسبه لي اشتقت وواجد
نايف: ماقول الا :
يا مرحبا ب اللي لفاني و أنا اتحراه
يامرحبا يا غايه القلب و احب عرباني
