غدير: شوف السطح
راحو فوق كلهم وحصلو ديم مغمى عليها
ماجد بصدمه: ديييمممم
شالوها وركبو السياره وصلو المستشفى
غدير: جيب كرسي اي شي
ركض ماجد ينادي اللي بالاستقبال وشالو ديم بالسرير
ماجد: تكفييين ياديم مالي بالدنيا غيرك تكفين
غدير تحاول تواسيه: ان شاء الله مافيها الا العافيه لاتخاف
ماجد مسك يدها: خايف ياغدير خايف فقدت اهلي وديم اخر شي بقالي بعدهم
غدير مصدومه وقلبها يدق بسرعه من يده مسكتها وطبطبت عليها: لاتخاف ولا تتعب نفسك
طلع الدكتور: انتم اهل ديم؟
ماجد: اي اي بشر
الدكتور: الحمدلله الامور تمام بس اغمى عليها بسبب فقر الدم بنوصف لها علاج وقدامها العافيه
غدير براحه: الحمدلله تطلع الحين يعني
الدكتور: اي بس يخلص المغذي
ماجد: عادي ندخل
الدكتور: اي عادي
دخلو عليها وعيونها دموع: انا آسفه ياخوي خوفتك علي
ماجد: ياعيون اخوك اهم شي سلامتك
غدير: الحمدلله على السلامه
ديم: الله يسلمك
غدير: شفيك وش متعبك
ديم انهارت وقالت لها كل شي صار بينها وبين جود
ماجد: وانتي ليه ماقلتي ايه وليه تفكرين بكلامها
غدير: تتعبين نفسك عشانها
ديم: بس عشانها صديقتي واحبها وتكلم علي كذا انصدمت
غدير: الله ياخذها ، أستغفر الله
خلص المغذي ورجعو للبيت وقفو عند باب البيت
ديم: الا غدير انتي وش جابك وشلون
غدير جاتها لحظه ادراك قعدت تناظر ماجد بصدمه وماجد بعد
ديم: شفيكم
غدير: مدري جيت بيتكم ومافتحتي وجاء ماجد فتح الباب و وماحصلناك وبعدها صار اللي صار
ديم: انا آسفه خوفتكم
غدير: لا عادي
ديم: اي صح مبروك خطوبه اخوانك وملكتهم
ماجد: اي مبروك
غدير: الله يبارك فيكم ويلا انا استاذن وياديوم تعالي تعشي عندنا
ديم: لا برتاح مقدر اجي
غدير: ارسلك عشاء يعني؟
ديم: براحتك
طلعت ديم وهي تفكر باللي صار وكيف راحت مع ماجد بدون ماتحس وتذكر يوم مسك يدها تحس فراشات
ام سلطان وهي تشوف غدير مبتسمه: جعلها دوم ان شاء الله
غدير تداركت نفسها: يمهه لو تدرين وش صار
عمر: ياليل من سوالف غدير
غدير: انت مالك دخل اسمعي يمه تخيلي .. "قالت لها عن اللي صار لديم وش قالت لها جود.
ام سلطان: صدق الحمدلله على سلامتها وجود صراحه صدمتني وش تبي فيها
عمر: بجيحه مره
نايف مصدوم من جود بس ماتكلم
ام سلطان: اي والحين اخبارها
غدير: طيبه وتقول بترتاح
ام سلطان: الحمدلله
-
بيت ابو علي
ام علي: دقيت على ماجد
ابو علي: اي ويقول تو جايين من المستشفى
ام علي: ليه سلامات
ابو علي: يقول ديم تعبانه والحين الحمدلله طيبه
ام علي: غريبه امس مافيها الا العافيه
لينا: متحمسه متى تصير عروستنا
ام علي: اي والله بفرح لعرس وليدي
علي باحراج: البنت تعبانه اصبرو عليها
لينا: الله من الحين خايف عليها حبيييييييت
ام علي بابتسامه: ياقلبي عليكم
قام علي وطلع
لينا بصوت عالي: يافديت اللي يستحون
ابو علي ضحك: خلوه انتم
ام علي: الله يتمم له على خير
-
راكان: خلاص كذا جاهز يابوي
ابو راكان: الحمدلله باقي بس اهلك يجون
راكان: اروح لهم العصر اجيبهم
لين: عادي اروح معاك تنزلني عند اهلي شوي
ابو راكان: لا عمامك بيجون وانتي تبي تروحين
راكان انصدم برده فعل ابوه: زين جهزي
ابو راكان بعصبيه: اتوقع ياراكان كلامي واضح مالها حاجه تروح تو جايين منهم
لين بصوت خفيف: برجع مع راكان بس بسلم عليهم
راكان: يبه بتسلم على اهلها وشفيها اذا بترجع وبعدين اهلي على طريقنا
طلع ابو راكان وسكر الباب بقوه
راكان: انا اسف بالنيابه عن ابوي
لين مسكت يده: شدعوه ياروحي مازعلت
راكان: جعلني والله فداك ويلا جهزي نروح
لين: احبك
راكان يسوي نفسه داخ: اخخخ ياقلبي قوليها ثاني مره
باسته من خده وراحت
راكان: ياويل قلبييي
-
غنى جالسه فوق الجبل تتامل المكان مرو من عندها رجال وكل واحد يقط كلمه تنرفزت غنى وقامت
غنى: انت وياه وش عندكم
واحد منهم حاول يتقرب منها مسكت غنى العصاء معاها وطقته من رجله: اقول لو مارحتو بسرعه قسم بالله بيصير لكم شي مو زين انقلعو وطقته ثاني مره وطقتهم طق مايوصف وهربت وكانو يلحقونها وتفكر لو راحت لخالها بيهاوشها لو هم الغلطانين وجدتها ماتصدق وجدها مو موجود: اخخ ياربي وين اروح
وكلت امرها لله وراحت لبيتهم
الجده: علامك
غنى منهلكه: تعبتت لحقوني الرخوم حسبالهم يقدرون علي يخسون وانا بنت جدي
الجده: انتي وش تهرجين
عبدالعزيز: غنى يبيك جابر
غنى: يارب مو معصب
دخلت غنى قسم الرجال: هلا
جابر: وين كنتي
غنى: فوق الجبل ليه
جابر: ومن هذولا
ناظرت فيهم غنى وانصدمت: ياخالي هذولا رخوم حاولو..
قطع كلامها كف من خالها: انتي ماتستحين على وجهك
غنى ماسكه خدها وعيونها دموع: ليييييه وش مسويه
جابر: يوم جوك الضعيفين يبون مي ماعطيتيهم !
غنى: بس هم ماجوني عشان كذا!!
جابر: وفوق هذا بعد تكذبييين علي ياغنى حرمتي نفسك من اجر سقيا الماء
غنى وهي تبكي: والله ياخالي جو يتحرشون فيني ياخي صدقني لو مره
جابر: انقلعي للخيمه هذيك وياويلك اشوفك
غنى اللي تكره الخيمه وتخاف منها لانها بعيده وتحتاج تنظيف
عبدالعزيز: بس الخيمه من زمان ماحد نظفها
جابر: لها يدين ورجلين تقدر تنظف مثل مامدت يدها على المساكين
-
طلع نايف برا وحصل ماجد جالس قدام بيتهم: هلا برفيقي
ماجد: يهلا فيك وينك مختفي
نايف: كنت برا الديره والبارح جيت واليوم قمت متاخر
ماجد: وش صار من جديد
نايف: اي ماقلت لك
ماجد: وشهو
نايف قاله سالفته مع جود وغنى وكل شي حصل
ماجد: اخو العيال ظلمتو المسكينه
نايف: وتخيل خالها عصبي حيل مايرحم
ماجد: افضل شي سويته رحت قلت لهم
نايف: ايوالله صوتها تبكي ماقدرت ولا بعد ماندمت يوم رحت والله تذبح بجمالها
ماجد: وشلون شفتها!
نايف: يوم رجعنا مرينا جدهم وعايشين عند الحلال وهي اللي ترعى معهم
ماجد: ياقلبي عليها
نايف: ههههههههه سلامااات!
ماجد: احس رحمتها ياخي شسوي
نايف: مالومك الا وش اخبار اختك
ماجد: طيبه
نايف: اسف عن جود
ماجد: ماله داعي ياخوك بس زوجتك كرهتها ولاعاد اشوفها تقرب لبيتنا
نايف: افا
ماجد: هذاني علمتك وعلمها
نايف: ابشر بس لاتكدر خاطر
جاهم عمر: وش تسوون
ماجد: نسولف شعندك
عمر: يقول ابوي اتصل بالمحقق شوف متى يجي
ماجد: هو قال اليوم صح
نايف: اي العصر باذن الله
عمر: احس متحمس وخايف
نايف: حتى انا فيني فضول اعرف بس متوتر
ماجد: الله يستر وعسى الله يعزهم ولا يعز عليهم
نايف وعمر: اللهم امين
-
حركو راكان ولين متجهين للديره
لين: اخ يالشوق للديره
راكان: تدرين من شرا بيتنا
لين: مين؟
راكان: اجدادي
لين: امااا
راكان: والله
لين: تصدق حسبالي بتقول انت
راكان: ابوي رافض ولا ودي
لين: ماعليه الله يهديه ماكان له داعي
راكان: عادي ياروحي وفرصه تنامين عند اهلك خذيها بشكل ايجابي
لين: ههههههههههه صح الحمدلله
راكان: ايوه ابيك كذا كل يوم مبتسمه الزعل مايناسب وجهك الخبر
لين: ياروحييي
-
ام راكان: جود جهزتي اغراضك
جود: اي كل شي بس نمشي
ام عبدالله: تبين تروحين يعني
جود: والله استانسنا معكم بس اشغلناكم
ام عبدالله: بالعكس اجمل ايامنا
ام راكان: ياروحي والله وجيت اهلي بعد فرحتنا
أم عبدالله: ايوالله الله يحفظهم
جود: هم بعزبتهم الحين
ام راكان: اي وين يروحون
جود: يعني يغيرون مكانهم وكذا
ام عبدالله: حلالهم هناك وشهو له يغيرون
جود: مايطفشون بالبر
ام راكان: يازينها يوم كنا هناك حياتنا حلوه
ام عبدالله: ايوالله تذكرين يوم...
قاطعت كلامهم جود: اسكتوووو واللي يرحم والديكم مانبي يوم كنتو لان سامعينها اكثر من مره
ام عبدالله: هههههههه اجمل ايام
ام راكان: وانتي صادقه
قامت جود شافت نايف يدق ماردت وتركته ودق ثاني مره ماردت
ام راكان: من اللي يدق
جود: ناس فاضيه
ابتهاج: متاكده !
جود: تعالي الغرفه ابيك
ابتهاج لحقتها: وش
جود: والله ياعيني هذا نايف اللي يدق بس انا بعلقه فيني واتركه
ابتهاج بصدمه: وش !!!!
جود: والله ياروحي مثل ماسمعتي بعد ماقالي ابوي عنهم حبيت شوي اخرب عليهم
ابتهاج: بس واضح انهم عائله حبيبه
جود: لاتغرك المضاهر ياروحي
ابتهاج: يعني بتتركينه !
جود: اي بس مو الحين
ابتهاج: نايف حلو كيف تخلينه
جود: اقول وخري عني بس
-
عمر: كم باقي للعصر ياخي تاخر الوقت
ماجد: هذا لانك تنتظر
نايف: تصدقون احس جود مو نفسها اللي قبل
عمر: سوالف حبايب مالنا فيها
نايف: والله صادق ماعرفتها الحين مو نفس اول ماحبيتها
ماجد: ليه شفيها
نايف: تحس تسلك وماعرف شفيها كانها بس تبي تقهر احد
ماجد: يارجال لاتوسوس
عمر: المفروض تكرها
ماجد: هي ضرتني ماجاء نايف شي ويحبها
نايف: حالياً اعيش شعور محمد بن فطيس يوم قال
"وش قومك وش فيك ولا علامك
قد لك معي كم يوم وعلومك علوم"
ماجد: معوض يابو ماجد
وقفت الشرطه عند الباب: السلام عليكم هذا بيت ابو سلطان
نايف: اي ارحب
المحقق: وين ابوك
نايف: اقلط بالدوانيه
دخل وتجمعو الكل
ابو سلطان: بشر
المحقق جاه اتصال ان المجرمين مسكوهم: واحد مسكناه لكوفي والثاني مسكناه بالبر وكلهم اعترفو
سلطان: ومن هم؟
المحقق: فيصل ابو راكان وابو عدنان
كان مثل العاصفه القويه بالنسبه لهم من الصدمه ابو سلطان حس الدنيا تدور نايف تسارعت دقات قلبه وتمسك بماجد
ابو سلطان: وشهووو !!!!!!
المحقق: مثل ماقلت لك والحين هم بالتوقيف والحقنا نكمل الاجراءات
طلع المحقق وتركهم
نايف: مستحيللل مستحيييييل
ابو راكان: ياحيف عشرتنا ماهقيتك كذا
ماجد: لاتتعب نفسك ياعمي عشان الخسيس
نايف ماسك راسه وبصوت عالي: ماصدق مااااصد....
وقفه كف من ابوه: الحين تطلق جود افهم ونظام ماصدق عشانها تخسي ويخسي يصير نسيبنا
نايف طايح بالارض وعيونه تلمع ومكسوور: والله ماطلقها
ابو سلطان: تطلقها وغصب بعد تفهم
طلع هو وسلطان متجهين للمخفر
نايف مكسور وصوته فيه غصه: ماجد سمعت وش قااال؟
ماجد: سمعت ياخوي وصراحه افضل لك اذا ابوها كذا شلون هي
عمر: من شفتها جحدت خويتها وابوها نفسها كرهتها وسو اللي ابوي طلب منك
نايف: تخسووون تخسووون اتركها احبهااا ياخي احبها
جتهم ام سلطان ومصدومة من وضع نايف وكانت عيونه تعبر الكسر اللي فيه: بسم عليك شفيكم ليه متهاوشين
نايف حط راسه على كتف امه: يمههه يبوني اتركها يايمه تكفين فهميهم احبها مقدر
ام سلطان مافهمت: انتم شقاعدين تقولون ومن تترك يامي
عمر: يمه ابو راكان تخيلي هو غدر بابوي
ام سلطان بصدمه: وشهو ابو راكان ماغيره؟؟
ماجد: اي وعمي قال لنايف طلق جود
نايف: ماقدر ياخي ماقدر
ام سلطان اللي كان مابيدها حيله: الله يعوضك يامي الله يعوضك
-
عند المخفر
ابو سلطان بخذل واقف قدام ابو راكان: ياحيييف كنت احسبك سيفي اذا ضقت اناديك واثر البلا سيفي هو اللي طعني .
ابو راكان وعيونه حقد: ليتني طاعنك بس هذا اللي قدرت عليه
ابو سلطان: تفو عليك وعلى الساعه اللي عرفتني فيك ولا انت رخمه مانت كفو
ابو راكان: انقلع عني
ابو سلطان: حقود ونجس من عمرك حسبتك تغيرت لكن من له عادةً مايخليها
ابو راكان: احسن ودي اسوي كل شي يضيق صدرك
ابو سلطان: بنتك بتنقلع بكرا ولايشرفني تصير نسيبي
ابو راكان: ابركها من ساعه
ابو سلطان: تقلع
طلعو للسياره
سلطان: يبه علامه
ابو سلطان: تخيل حاقد عشان موقف له ٣٢ سنه!!
سلطان: وانا ابن فهد
سلطان: وكله عشان علمت ابوه انه مايصلي وعاقبه بس
سلطان: الحمدلله اللي عرفناه ولا هو مايستاهلك
ابو سلطان: وقف عند ابو علي
سلطان: بتطول عنده؟
ابو سلطان: شوي لاتروح
نزلو وجلسو بالدوانيه قهواهم علي
دخل ابو علي يرحب: ياهلا زارتنا البركه
ابو سلطان: ياهلابك زود
ابو علي لاحظ على ابو سلطان الحزن والخذل: علامك ياخوي جعلني مابكيك
ابو سلطان: ضايق يخوي وضاقت الدنيا علي
ابو علي: بسم الله عليك وجعل الضيق اخذه عنك
سلطان: يابوي ماتضيق الا وتفرج
ابو سلطان: تخيل ابو راكان هو اللي قتل الحلال
ابو علي بصدمه: وشهووو وكيف ومن قال
ابو سلطان ماقدر يتكلم من القهر وقاله سلطان كل شي
ابو علي: حسبي الله عليه
علي: ماتوقعته كذا
سلطان: كلنا ياخوك كلنا
دخل عليهم راكان: السلام عليكم
سلمو عليه كلهم وجلس لاحظ الكل متضايق: علامكم ليكون وجودي مضايقكم
ابو علي: ابوك ياولد فيصل ابوك
راكان: شفيه
علي: بالسجن
راكان: وششش!!!
ابو سلطان: اي انا اللي سجنته
راكان بعصبيه: وباي حق تسجن ابوي ولا تقدر خوته؟ عساس انت رفيقه كيف تسجنه!؟؟
سلطان: اقول لاتطول صوتك على ابوي لايصير لك شي مايسرك
ابو علي: اعقب وانا ابو علي تطول صوتك بمجلسي
راكان صامل يهدد وبعصبيته: واذا بمجلسك يعني اسكت ؟ عاجبك بعد انت يسجن ابوي !!! لا مو بكيفكم
علي: بس ابوك خاين
ضربه راكان من وجهه: تخسي ابوي يخون
ابو علي: تضرب ولدي يالخسيس وقدامي!
راكان: عمي انا محترم من اليوم لكن يغلط على ابوي لا
ابو سلطان: ابوك ذبح حلال رفيقه لاتصير مثله ويكرهونك
راكان: مستحيل ابوي مايسويها
سحبه ابو علي برا: اقول رح ماحنا ناقصينك
راكان: ولين!!!!!
ابو علي فكر ممكن يضرها اذا راحت معاه وهو معصب: انساها
راكان: مو على كيفكم زوجتي وام ولدي
ابو علي: اقول رح شف ابوك بس متخيل اخلي بنتي مع ولد خاين!
راكان مصدوم وانهد حيله: تكفى ياعمي
ابو علي: الحين اهلك يحتاجونك لين عندنا لحد تتحسن اوضاعكم
سكر الباب وجت ام علي: شفيكم
ابو علي قال لها السالفه كلها: وقولي للين لاعاد تفكر فيه
ام علي: ياويلي الله يعينها
طلع ابو سلطان وسلطان: يلا نستاذن بنروح للبيت
ابو علي: جلس شوي
ابو سلطان: لا عندنا اشغال فمان الله
-
نايف بصوت عالي: طلاااق ماني مطلق علمتكم
غدير: والله انا وامي والكل كرهنا جود من موقفها مع ديم باقي انت
نايف: اقول اعقبي ولا لك دخل
ام سلطان: بنت خاين ماقدر رفيقه شلون تبي بنته تقدرك؟
نايف: احبها وتحبني يااااخي افهمو
دخل ابو سلطان: بكرا جهز ورقتك وقطها عليه
نايف: معليش يابوي بس هذي زوجتي مو على كيفكم تقررون
ابو سلطان: البيت بيتي وانا ابوك تبي جود هذا الباب اطلع منه ولا عاد اشوفك
ام سلطان: استهدي بالله
سلطان مسك نايف: خلك رجال وارفع علومك
نايف: رجال وطرق عليكم لكن جود لاتفكرون اني اخليها تفهمووون
ماجد: انت اللي افهم قرارك غلط
طلعو عمر وماجد وتركوهم
ابو سلطان: قلت لك تبيها اطلع برا لا انت ولدي ولا انا ابوك تبي تطلقها بنات الناس واجد ابشر بسعدك
