يوم جديد على اهل الديره
ابو سلطان بصوت عالي: ياااعياال قومو يلا يلا
ام سلطان: يابو سلطان تو الناس بدري الله يهداك
ابو سلطان: قوميتهم يلا ورانا صلاه جمعه ومكشات
سلطان: السلام عليكم
ابو سلطان: وعليكم السلام قامو اخوانك
سلطان: لا
قام ابو سلطان وقف عند باب غرفه العيال وقعد يطق عليهم قوه عشان يصحيهم
نايف: وجع وش ذا
عمر: ياويلك ياويلك
ابو سلطان رمى السبحه: وشهووو تقولي وجع يالرخمه
نايف قام باس راسه: معليش يبه والله حسبتك عمر او سلطان
سلطان: تستاهل اللي جاك قم يلا
عمر: يبه تكفى تو الناس
ابو سلطان: تبي يجيك اقوى منه
قامو بسرعه وغسلو وجيههم
ام سلطان: غدير ياغدير يلا قومي يامي
ابو سلطان: خليها شوي
نايف: ماشاء الله بنته مايقومها
عمر: ياليتني بنت
نايف: ههههههههههه اسكت لايسمعك ابوي يعايرك
عمر: كنسل اجل
سلطان: ههههههه تبي اعلم
عمر: ياليل الليل انت وش جابك المفروض تروح عننا
سلطان: وش السبب
عمر: عشانك بتخطب خلاص وحنا عزابيه
سلطان: فكه منكم
نايف: هين تجيبك الايام
غدير بصوت عالي: صباااخ الخبر ياعائلتي الجميله
ابو سلطان: يهلا صبحك الله بالنور
ام سلطان: صبحتي بالخيرات
سلطان: صح النوم
غدير بعد ماباست راس اهلها: صح نومك يامعرسنا
نايف: الله يامعرسنا
عمر: احس الاسم فخم او شي
ام سلطان: يمههه منكم على كل شي معلقين افطرو وانتم ساكتين
-
بيت ابو راكان
ام راكان: لين حبيبتي جهزي القهوه وجود الشاهي انا بروح مع عمك نجيب النواقص
لين: ابشري خالتي
طلعت ام راكان للشارع
راكان: الغالي والغاليه وين رايحين
ابو راكان: رايحين انا وامك نجيب اغراض قبل الجمعه ونجي
راكان: زين انتبهو لكم
ام راكان: يامي علم لين تقوم جود قبل نجي
راكان: ابشري
دخل راكان وشاف لين بالمطبخ: يافديت السنتين انا
لين: يهلا ومرحبا
راكان: يهلا فيك ياروحي
لين: وين طلعت من الصباح
راكان: رحت للحلال ابوي بعد الفجر وصاني
لين: وليه ماصحيتني
راكان قرب لها وحضنها: ليه اصحيك؟
لين بخجل: عشان اعرف واسوي لك فطور مارضى تروح جوعان
راكان: شفتك حلوه وانتي نايمه ماحبيت اخرب عليك
لين: ياحبيبي بس وين افطرت
راكان: بالمطعم انا والوالد
لين: جعله عافيه
راكان: الله يعافيك روحي قومي جود تساعدك
لين: خلها تنام مافي تعب
راكان: لا قوميها حتى امي قالت قوموها
لين: ان شاء الله بس انت الحين وين رايح
راكان: بطلع الفرشات من السطح
لين: تمام
-
بيت ابو علي
ابو علي: ترا بنطلع للبر مع ابو محمد
ام علي: اليوم ؟
ابو علي: اي تجهزو الحين ترا مافي وقت
لينا: بس ابو محمد
ابو علي: لا معنا يقول ابو سلطان وابو راكان
لينا: صدقققق
علي: الله يعني بنكشت مع العيال
لينا قامت ترقص من الوناسه
ام علي: اهجدي لاتطيحين بس
لينا: ونااسه وناااسه بنطلع مع البنات اشتقت لمغامرات البر
علي: اهجدي لاتغامرون لو يجيكم ذيب ياويلك
لينا: اصلا ماخاف
علي: اي لو يجي قدامك كان اول وحده تصارخ انتي وصراخك يسمعونه العالم كلها
ام علي: خلها تفرح انت علامك عليها هههههههههه
ابو علي: وهو صادق لاتغامرون بعماركم وتجيبون العيد
لينا: ابشر يبه
علي: ههههههههههه
لينا: اسكت ياقاتل المتعه
علي: هالحين صرت قاتل متعه لاني اوصيك
لينا: محد طلب منك
علي: ياحلو الزعلانين
لينا: يعني كذا بتراضيني !
علي: لا ماتستاهلين اصلا
ام علي: خلاص عاد قوم ياعلاوي جيب لنا ماء
ابو علي: كثر جيب ٦ او ٨ كراتين
علي: ابشر وين المفتاح
ابو علي: تحصله تحت بالدرج اللي عند فراشي
علي: زين يلا
ام علي: خلينا يامي نسوي معمول
لينا: يلا بروح اجهز
-
عصريه الجمعه واجواء اهل الديره
